ব্ৰিটেইনৰ পৰা অহা ২জন কোৰোণা পজিটিভ দিল্লী বিমানবন্দৰৰ পৰা অন্তৰ্ধান! এইকেইখন ঠাইলৈ গ’ল মনে মনে

News18 Assam | News18-Assam
Updated:December 24, 2020, 1:31 PM IST
ব্ৰিটেইনৰ পৰা অহা ২জন কোৰোণা পজিটিভ দিল্লী বিমানবন্দৰৰ পৰা অন্তৰ্ধান! এইকেইখন ঠাইলৈ গ’ল মনে মনে
মঙলবাৰে ব্ৰিটেইনৰ (Britain)পৰা ভাৰতলৈ অহা পাঁচজন কোৰোণা ভাইৰাছৰ সংক্ৰমিত ব্যক্তি (Coronavirus) দিল্লী বিমানবন্দৰৰ পৰা অন্তৰ্ধান হৈ পৰে। ইয়াৰে ৩জনৰ সন্ধান পোৱা গ’ল যদিও দুজনৰ এইপৰ্যন্ত সন্ধান নাই।

মঙলবাৰে ব্ৰিটেইনৰ (Britain)পৰা ভাৰতলৈ অহা পাঁচজন কোৰোণা ভাইৰাছৰ সংক্ৰমিত ব্যক্তি (Coronavirus) দিল্লী বিমানবন্দৰৰ পৰা অন্তৰ্ধান হৈ পৰে। ইয়াৰে ৩জনৰ সন্ধান পোৱা গ’ল যদিও দুজনৰ এইপৰ্যন্ত সন্ধান নাই।

  • Share this:
নতুন দিল্লীঃ ব্ৰিটেইনৰ (UK) পৰা সন্মুখলৈ অহা কোৰোণা ভাইৰাছৰ নতুন ষ্ট্ৰেইনকলৈ বিশ্বজুৰি এতিয়া আতংকময় পৰিস্থিতি। কেইবাখনো দেশে ব্ৰিটেইনৰ পৰা অহা যোৱা কৰা ফ্লাইটক লৈ নিষেধাজ্ঞা আৰোপ কৰিছে। ভাৰততো ব্ৰিটেইনৰ পৰা অহা–যোৱা কৰা যাত্ৰীসকলৰ কাৰণে ষ্টেণ্ডাৰ্ড অপাৰেটিং প্ৰচিডিউৰ (SOP) জাৰি কৰা হৈছে কিন্তু ইয়াৰ পিছতো দায়িত্বহীনতাই দেখা দিছে।

ইণ্ডিয়ান এক্সপ্ৰেছৰ প্ৰতিবেদন অনুসৰি মঙলবাৰে ব্ৰিটেইনৰ পৰা ভাৰতলৈ অহা পাঁচজন কোৰোণা ভাইৰাছ সংক্ৰমিত ব্যক্তি দিল্লী এয়াৰপৰ্টৰ পৰা অন্তৰ্ধান হৈ পৰে। তেওঁলোকৰ কোনো শুংসূত্ৰ পোৱা নাই। অৱশ্যে ইয়াৰে তিনিজন মানুহ দিল্লীৰ ওচৰতে মঙলবাৰে ধৰা পৰে। আনহাতে এজন কোৰোণা ভাইৰাছ সংক্ৰমিত ব্যক্তি জলন্ধৰলৈ যায় আৰু আনজন অন্ধ্ৰপ্ৰদেশ পায়গৈ। তেওঁলোকক বুধবাৰে দিল্লীলৈ উভতাই অনা হয়।

সূত্ৰমতে কোৰোণা সংক্ৰমিত ব্যক্তিৰ এজন অমৃতসৰৰ পণ্ডোৰী গাঁৱৰ এজন ৪৬বছৰীয়া ব্যক্তি আছিল। তেওঁ কাকো ভূ নিদিয়াকৈ দিল্লী এয়াৰপৰ্টৰ পৰা ওলাই যায় আৰু জলন্ধৰত গৈ ব্যক্তিগত হাস্পতালত নিজৰ চেকআপ কৰায়। লুধিয়ানাৰ অতিৰিক্ত আৰক্ষী আয়ুক্ত সন্দীপ কুমাৰে কয় যে ৰোগীজনক বুধবাৰে দিল্লীলৈ উভতাই পঠিওৱা হয়। তেওঁৰ শৰীৰত কোৰোণাৰ সংক্ৰমণ সন্দৰ্ভত এতিয়ালৈকে অধিক জানিব পৰা হোৱা নাই।

অৱশ্যে পঞ্জাৱৰ স্বাস্থ্য বিভাগৰ লোকে ব্যক্তিজনক উভতাই পঠিয়াব বিচৰা নাছিল কাৰণ এনে কৰিলে সংক্ৰমণ বিয়পি পৰাৰ শংকা থাকে। ব্যক্তিজনৰ পত্নীও ব্ৰিটেইনৰ পৰা উভতিছিল।

আনহাতে ব্ৰিটেইনৰ পৰা দিল্লী বিমানবন্দৰত উপস্থিত হোৱা ১১জন যাত্ৰীৰ মাজত কোৰোণা সংক্ৰমণৰ নিশ্চিতি কৰা হৈছে। জেনেটিক্স ডায়গনষ্টিক চেণ্টাৰৰ সংস্থাপক গৌৰী আগৰৱালে বুধবাৰে এই সন্দৰ্ভত অৱগত কৰে। দিল্লী বিমানবন্দৰত সকলো যাত্ৰীৰ কোৰোণা ভাইৰাছৰ নিৰীক্ষণৰ দায়িত্ব জেনেটিক্স ডায়গনষ্টিক চেণ্টাৰক অৰ্পণ কৰা হৈছে। এক বিবৃতিত আগৰৱালে কয় যে চাৰিখন বিমানৰ ৫০জন যাত্ৰীক বেলেগে বেলেগে ইনষ্টিইউচনেল কোৱাৰানটাইনত পঠিওৱা হৈছে।
First published: December 24, 2020, 1:31 PM IST
আৰু চাওক
পৰৱৰ্তী বাতৰি

শেহতীয়া বাতৰি