• Home
  • »
  • News
  • »
  • nation
  • »
  • কণমানি ভগ্নীক কোলাত বান্ধি স্কুললৈ যায় তাই... ১২ বছৰীয়া এই ছোৱালীজনীৰ কাহিনীয়ে ভৱাই তুলিব আপোনাক

কণমানি ভগ্নীক কোলাত বান্ধি স্কুললৈ যায় তাই... ১২ বছৰীয়া এই ছোৱালীজনীৰ কাহিনীয়ে ভৱাই তুলিব আপোনাক

জীৱন কি ভালকৈ বুজা হৈ নুঠিলেও তাই এটা কথা বুজে যে তাই পঢ়া–শুনা কৰিব লাগিব। ভৱিষ্যতে ভাল মানুহ হ’বলৈ স্কুললৈ যাব লাগিব।

জীৱন কি ভালকৈ বুজা হৈ নুঠিলেও তাই এটা কথা বুজে যে তাই পঢ়া–শুনা কৰিব লাগিব। ভৱিষ্যতে ভাল মানুহ হ’বলৈ স্কুললৈ যাব লাগিব।

জীৱন কি ভালকৈ বুজা হৈ নুঠিলেও তাই এটা কথা বুজে যে তাই পঢ়া–শুনা কৰিব লাগিব। ভৱিষ্যতে ভাল মানুহ হ’বলৈ স্কুললৈ যাব লাগিব।

  • Share this:
এজনী ১২ বছৰীয়া ছোৱালী। বাহিৰৰ জগতখনৰ আও–ভাও একো বুজা হোৱা নাই তাই। কিন্তু তাইৰ দুচকুত অযুত সপোন। আছে প্ৰবল ইচ্ছাশক্তি, বুকত অদম্য সাহস। নাম তাইৰ মেইনিংচিনলিউ পামেই।

জীৱন কি ভালকৈ বুজা হৈ নুঠিলেও তাই এটা কথা বুজে যে তাই পঢ়া–শুনা কৰিব লাগিব। ভৱিষ্যতে ভাল মানুহ হ’বলৈ স্কুললৈ যাব লাগিব। আৰ্থিক দীনতাই কোঙা কৰা পৰিয়ালটোৰ নানা বাধা–বিঘিনি দেখিও তাই হাৰ মনা নাই।

আৰ্থিক অনাটনত জুৰুলা মেইনিংচিনলিউৰ পৰিয়াল। পিতৃ–মাতৃয়ে খেতি কৰে। ঘৰতে এৰি যায় দুই সন্তানক। এনে অৱস্থাত কণমানি ভগ্নীৰ চোৱাচিতাৰ দায়িত্ব পৰে মেইনিংচিনলিউৰ ওপৰত। তথাপি তাই দৃঢ়মনা। তাই স্কুল যাবই।

শিক্ষাৰ জ্যোতিৰে জ্যোতিষ্মান হোৱাৰ সপোন দেখা মেইনিংচিনলিউৰ ঘৰ মণিপুৰত। তাইৰ এখন ফটো এতিয়া ব্যাপকভাৱে চৰ্চিত হৈ পৰিছে। কোলাত কণমানি ভগ্নীক লৈ শিক্ষা গ্ৰহণ কৰি থকা তাইৰ এই ফটো ভাইৰেল হৈ পৰিছে ছচিয়েল মিডিয়াত।

মণিপুৰৰ কেবিনেট মন্ত্ৰী বিশ্বজিত সিঙে নিজৰ ছচিয়েল মিডিয়া হেণ্ডেলত শ্বেয়াৰ কৰিছে এই কণমানিগৰাকীৰ ফটো। ফটোত দেখা গৈছে মেইনিংচিনলিউৰ কোলাত কণমানি ভগ্নীয়ে শুই আছে। ভগ্নীক কোলাত লৈ শিক্ষা গ্ৰহণ কৰিছে মেইনিংচিনলিউৱে।

মেইনিংচিনলিউৰ শিক্ষাৰ প্ৰতি থকা আগ্ৰহ আৰু সমৰ্পিত মনোভাৱৰ বাবে স্নাতকপৰ্যন্ত তাইৰ শিক্ষাৰ দায়িত্ব গ্ৰহণ কৰিছে কেবিনেট মন্ত্ৰী বিশ্বজিত সিঙে।

মেইনিংচিনলিউৰ ফটো শ্বেয়াৰ কৰি বিশ্বজিত সিঙে লিখিছে, ‘‘শিক্ষাৰ প্ৰতি তাইৰ সমৰ্পণে মোক আচৰিত কৰি তুলিছিল! টামেংলঙৰ ডাইলং প্ৰাথমিক বিদ্যালয়ৰ মেইনিংচিনলিউ পামেই নামৰ এই ১২ বছৰীয়া ছোৱালীজনীয়ে তাইৰ ভনীয়েকক লৈ স্কুলত পঢ়িবলৈ পঢ়ে। পিতৃ–মাতৃ পথাৰত কাম কৰিবলৈ যায়। মই ছ'চিয়েল মিডিয়াত এই বাতৰিটো লক্ষ্য কৰাৰ লগে লগে, আমি তাইৰ পৰিয়ালক বিচাৰি উলিয়াওঁ আৰু তেওঁলোকক তাইক ইম্ফললৈ আনিবলৈ কওঁ। তাইৰ পৰিয়ালৰ সৈতে কথা পাতিছিল যে তাই স্নাতক নোহোৱালৈকে মই ব্যক্তিগতভাৱে তাইৰ শিক্ষাৰ যত্ন লম। তাইৰ সমৰ্পণৰ বাবে গৌৰৱান্বিত!’’



শিক্ষাৰ জ্যোতিৰে জিলিকি উঠক মেইনিংচিনলিউ। তাইৰ সপোনবোৰে পূৰ্ণতা পাওক, বাস্তৱত পৰিণত হওক বুকুত বান্ধি ৰখা আশাবোৰ।
Published by:Sanjay Kumar Das
First published: