ভাৰতত ১০ লাখ চীনা চোৰাংচোৱা! আপোনাৰ প্ৰতিটো কাৰ্যকলাপৰ ওপৰত ৰাখিছে শেনচকু, সাৱধান হৈছে চৰকাৰ, জানক সবিশেষ

চীনৰ এক চতুৰতা চৰ্চালৈ আহিছে, যাৰ বাবেই চীনে নিজৰ কুৎসিত ডিজাইনসমূহ সম্পন্ন কৰাত নিয়োজিত হৈছে। আচলতে চিচিটিভিৰ ৰূপত চীনৰ ভাৰতত প্ৰায় ১০ লাখ চোৰাংচোৱা আছে আৰু ইয়াৰ জৰিয়তে দেশৰ সকলো কাম-কাজ নিৰীক্ষণ কৰি আছে। কেন্দ্ৰীয় চৰকাৰৰ তথ্য় আৰু প্ৰযুক্তি মন্ত্ৰালয়ে চীনৰ এই দৃষ্টিভংগীৰ ওপৰত চকু ৰাখিছে। বেইজিঙে ‘মেড ইন চাইনা’ চিচিটিভিৰ জৰিয়তে ভাৰতৰ কাৰ্যকলাপৰ ওপৰত চকু ৰাখিছে।

এক হিচাপ অনুসৰি দেশত চীনৰ ১০ লাখ চিচিটিভি কেমেৰা আছে, যিটো চাইবাৰ সুৰক্ষাৰ বাবে ডাঙৰ ভাবুকি। সস্তা হোৱাৰ বাবে ভাৰতত চীনৰ চিচিটিভি বৃহৎ পৰিসৰত ক্ৰয় কৰা হয় যদিও কেন্দ্ৰীয় সংস্থাসমূহ এতিয়া এই বিষয়ত সতৰ্ক হৈ পৰিছে। চীনে কৰি থকা সম্ভাৱ্য ‘চোৰাংচোৱাগিৰি’ৰ প্ৰতি লক্ষ্য ৰাখিহে আমেৰিকা, ব্ৰিটেইন, অষ্ট্ৰেলিয়া আদি দেশে নিজৰ দেশত নিৰ্মিত চিচিটিভিৰ ওপৰত কঠোৰ ব্যৱস্থা গ্ৰহণ কৰিছে।

প্ৰধানমন্ত্ৰীৰ পৰা চীনৰ চিচিটিভি কেমেৰা নিষিদ্ধ কৰাৰ দাবী
ইফালে অৰুণাচল প্ৰদেশৰ কংগ্ৰেছৰ বিধায়ক নিনং ইৰিঙে প্ৰধানমন্ত্ৰী নৰেন্দ্ৰ মোদীক বিপদৰ আশংকাত চীনত নিৰ্মিত চিচিটিভি কেমেৰা নিষিদ্ধ কৰিবলৈ অনুৰোধ জনাইছে। পাছিঘাট পশ্চিমৰ বিধায়ক ইৰিঙে দেওবাৰে প্ৰধানমন্ত্ৰী মোদীলৈ লিখা এখন পত্ৰ যোগে ঘৰত চীনৰ চিচিটিভি কেমেৰা ব্যৱহাৰ নকৰিবলৈ মানুহৰ মাজত সজাগতা সৃষ্টিৰ বাবে অভিযান আৰম্ভ কৰাৰ পৰামৰ্শ আগবঢ়ায়।

‘মেড ইন চাইনা’ৰ চিচিটিভি কেমেৰাই বেইজিঙৰ বাবে চোৰাংচোৱাগিৰি কৰিব পাৰে
বিধায়কগৰাকীয়ে কয় যে চৰকাৰে প্ৰয়োজন অনুসৰি চিচিটিভিৰ তথ্য সুৰক্ষিত ৰখাৰ বাবে থলুৱা ক্লাউড ভিত্তিক চাৰ্ভাৰ আৰম্ভ কৰাৰ কথা চিন্তা কৰিব পাৰে। তেওঁ নিজৰ পত্ৰত কয়, "আই টি খণ্ডত ভাৰতৰ দক্ষতাক চালে আমি আমাৰ ৰাষ্ট্ৰীয় নিৰাপত্তাৰ প্ৰতি এই ভাবুকিৰ সৈতে মোকাবিলা কৰিবলৈ সক্ষম।"

সংবাদ মাধ্যমৰ প্ৰতিবেদনৰ উদ্ধৃতি দি বিধায়কগৰাকীয়ে কয় যে দেশত ব্যৱহাৰ হৈ থকা চীনত নিৰ্মিত চিচিটিভি কেমেৰা বেইজিঙে ‘চকু আৰু কাণ’ হিচাপে ব্যৱহাৰ কৰিব পাৰে।

অসমীয়াত ব্ৰেকিং নিউজ সৰ্বপ্ৰথম News18 অসমত। শেহতীয়া খবৰ, লাইভ নিউজ আপডেট, সবাতোকৈ বিশ্বাসযোগ্য অসমীয়া নিউজ ৱেবছাইট News18 অসম।