• Home
  • »
  • News
  • »
  • lifestyle
  • »
  • কিয় আপোনাৰ নৱজাতকটিক আনক চুমা খাব দিব নালাগে?

কিয় আপোনাৰ নৱজাতকটিক আনক চুমা খাব দিব নালাগে?

কেৱল আন মানুহেই নহয়, আপুনি আৰু আপোনাৰ সংগীয়েও শিশুটিৰ সুৰক্ষাৰ বাবে এই কাম কৰা উচিত নহয়।

কেৱল আন মানুহেই নহয়, আপুনি আৰু আপোনাৰ সংগীয়েও শিশুটিৰ সুৰক্ষাৰ বাবে এই কাম কৰা উচিত নহয়।

কেৱল আন মানুহেই নহয়, আপুনি আৰু আপোনাৰ সংগীয়েও শিশুটিৰ সুৰক্ষাৰ বাবে এই কাম কৰা উচিত নহয়।

  • Share this:
কণমানি শিশু অতি মৰমলগা আৰু সকলোৰে দৃষ্টি আকৰ্ষণ কৰে। সৰু সৰু হাত–ভৰি, মৰমলগা হাঁহি, কোমল গাল, মুঠতে এবাৰ কোলাত তুলি ল’বলৈ সকলোৰে মন যায়। চুমা হ’ল মৰমবোৰ প্ৰকাশ কৰাৰ এক মাধ্যম আৰু তাৰ পৰা একো অপকাৰ নহয় যেন আমাৰ অনুমান হয়। কিন্তু যদি আপুনি এটি নৱজাতকৰ অভিভাৱক তেন্তে এটা কথাৰ ওপৰত গুৰুত্ব দিয়া উচিত। সকলোকে আপোনাৰ কণমানিটিক চুমা খাবলৈ নিদিব, তাৰ কাৰণো আছে। কেৱল আন মানুহেই নহয়, আপুনি আৰু আপোনাৰ সংগীয়েও শিশুটিৰ সুৰক্ষাৰ বাবে এই কাম কৰা উচিত নহয়।

নৱজাতক শিশুৰ ৰোগ প্ৰতিৰোধ ক্ষমতা কম, যাৰ বাবে অত্যন্ত যতন লোৱা প্ৰয়োজন। কোনো ধৰণৰ ভাইৰাছ বা বেক্টেৰিয়াৰ সম্পৰ্কলৈ আহিলে অসুস্থ হৈ পৰিব পাৰে আপোনাৰ মৰমৰ কণমানিটি। কোৱা হয় যে নৱজাতকক স্পৰ্শ কৰাৰ আগতে হাত ভালকৈ ধুব লাগে কাৰণ আমাৰ হাত দুখন বহু ৰোগৰ বাহক। তেনেদৰেই আমাৰ মুখমণ্ডলো হাজাৰ হাজাৰ অনুজীৱৰে ভৰি থাকে। তেনেদৰেই চুম্বন কৰিলে আপোনাৰ শিশুটিৰ দেহলৈ সেই বীজাণুসমূহ গুচি যাব পাৰে।

শিশুসকল HSV-1ৰ বা Herpes Simplex Virusৰ পৰা অসুৰক্ষিত। এই ভাইৰাছৰ ফলত বয়স্কসকলৰ মুখ আৰু ওঁঠৰ আশে–পাশে ঘা হয়। কেতিয়াবা বয়স্ক লোকসকলৰ ভিতৰত বিশেষ লক্ষণো দেখা যায় এই ভাইৰাছৰ ফলত, কিন্তু শিশুৰ বাবে ই ঘাতক ৰূপ ল’ব পাৰে। কিছুমান লোকৰ ওঁঠত শীতল ঘা হ’ব পাৰে, চুম্বনৰ ফলত সেই ভাইৰাছ আনলৈ যাব পাৰে। ৪০ বছৰ বয়সলৈ ৯০ শতাংশ মানুহ এই ভাইৰাছৰ সম্পৰ্কলৈ আহে আৰু ই নৱজাতক শিশুলৈ বিয়পিব পাৰে। আনকি এই ভাইৰাছৰ দ্বাৰা সংক্ৰমিত লোকে যদি শিশুৰ হাত স্পৰ্শ কৰে,তাৰ পিছত শিশুটিয়ে চকু, হাত–মুখ স্পৰ্শ কৰে তেন্তে এই ভাইৰাছ বিয়পিব পাৰে। কম ৰোগ প্ৰতিৰোধ ক্ষমতাৰ বাবে দ্ৰুতগতিত ভাইৰাছ বিয়পিব পাৰে।

প্ৰথম কেইটামান মাহ শিশুৰ বাবে অতি গুৰুত্বপূৰ্ণ। আৰু এই সময়খিনিত পিতৃ–মাতৃয়ে অতি সাৱধানতা অৱলম্বন কৰা উচিত। অসুস্থ লোকসকল শিশুৰ পৰা আঁতৰি থাকিব লাগে। আনকি যদি কোনো লোকে শিশুক কোলাত ল’ব বিচাৰে, তেন্তে ভালদৰে হাত ধুই ল’ব পাৰে। ছেনিটাইজাৰেৰেও হাত পৰিষ্কাৰ কৰি ল’ব পাৰে। প্ৰথম কিছু মাহ শিশুক জনসমাগমৰ পৰা দূৰত ৰাখিব লাগে।
Published by:Sanjay Kumar Das
First published: