'দেউতাই কিয় দিনে নিশাই কাম কৰে, খাবলৈও সময় নাই, মোৰ চিন্তা হয়...'-এগৰাকী কণমানিৰ কান্দোনৰ ভিডিও ভাইৰেল

অধিকাংশ বে-চৰকাৰী অফিচৰ কৰ্মচাৰীৰ কামৰ কোনো শেষ নাই। বৰঞ্চ দিনৰ পিছত দিন বাঢ়ি গৈহে আছে। কোৰোণা কালত ৱৰ্ক ফ্ৰম হোম কৰিও শান্তি নাই। কাৰণ অফিচলৈ গ'লে তাত ছুটি বুলি এটা কথা থাকে। কিন্তু ৱৰ্ক ফ্ৰম হোমত কামৰ কোনো নিৰ্দিষ্ট সময় নাই। ৱৰ্কিং আৱাৰ্ছ থাকিলও কাম শেষ নহ'লে লেপটপ বন্ধ কৰাৰ অৱকাশ নাই। সম্প্ৰতি এটা ভাইৰেল ভিডিওত এগৰাকী কণমানি ছোৱালীয়ে কন্দা দেখিবলৈ পোৱা হৈছে। কান্দি কান্দি কণমানিজনীয়ে কৈছে- 'দেউতাই একো নোখোৱাকৈ ঘণ্টাৰ পিছত ঘণ্টা কাম কৰি আছে।'

ভিডিওত দেখা পোৱা কণমানিজনীয়ে ভিডিওটোত বাৰে বাৰে কৈছে- 'দেউতাৰ কেৱল দিনটো কাম আৰু কাম। গোটেই দিন নাখাই খালী পেটে থাকে। দেউতাৰ বাবে আমাৰ খুব চিন্তা হৈছে।'

पापा की इतनी फिक्र "ये होती है. बेटीयां" जिन लोगों को बेटीयां बोझ लगती वो एक वार वीडियो जरूर देख ले.@chitraaum @pankajjha_ @manojmuntashir pic.twitter.com/SxOfVfyLv4

— Journalist Naveen Raghuvanshi (@RaghuvanshiLive) February 4, 2022

শিশুটিয়ে কান্দি থকা দেখি দেউতাকে বুজাইছে যে, 'দেউতাই খাই বৈয়ে কাম কৰিছে। সন্ধিয়াও খাইছে। খালীপেটতত থকা নাই। গতিকে তুমি ইমান চিন্তা নকৰিবা।' কিন্তু কোনে কাৰ কথা শুনিব। কণমানিজনীৰ মুখত এটাই কথা- 'দেউতাই দিনৰ পিছত দিন নোখোৱাকৈ থাকি কাম কৰি আছে।'

আনকি মাকক শিশুটিয়ে কৈছে- "মানুহে খায়, নহয় নেকি, মা?" দোকানৰ মানুহবোৰো মানুহ।'' তেওঁলোকে যদি খাব পাৰে তেনেহ'লে আমাৰ দেউতাই কিয় নোৱাৰিব।'