Valentine's Day Week: চকলেট ডে'ৰ দিনটোত প্ৰিয়জনলৈ নিজেই বনাওঁক চকলেট মগ কেক, ৰেচিপিৰ সৱিশেষ জানো আহক

ভেলেণ্টাইন সপ্তাহৰ তৃতীয় দিন অৰ্থাৎ চকলেট ডে’ হৈছে সম্পৰ্কত মিঠা কৰি তোলাৰ এক বিশেষ দিন। এই বিশেষ দিনটো উদযাপন কৰিবলৈ, আপুনি আপোনাৰ সংগীৰ বাবে বজাৰৰ চকলেটৰ উপৰিও নিজে ৰন্ধা চকলেট মগ কেক দিব পাৰে। চকলেট মগ কেকৰ মিঠায়ে আপোনাৰ সম্পৰ্ক শক্তিশালী কৰিবলৈ বিশেষ অৰিহণা যোগাব। ৰ’জ ডে’ আৰু প্ৰ’প’জ ডে’ৰ পিছত, চকলেট ডে’ৰ সৈতে আপুনি প্ৰিয়জনৰ সৈতে সম্পৰ্কৰ এক মহান আৰম্ভণি কৰিব পাৰে। আপুনি ঘৰত সহজতেই চকলেট মগ কেক প্ৰস্তুত কৰিব পাৰে।

যদি আপুনি আপোনাৰ সংগীক বিশেষ অনুভৱ কৰাব বিচাৰে, তেনেহ’লে চকলেট ডে’ত চকলেট মগ কেকৰ ৰেচিপি বজাৰৰ চকলেটৰ তুলনাত এটা ভাল বিকল্প হ’ব। চকলেট মগ কেকৰ ৰেচিপি জানো আহক–

চকলেট মগ কেক তৈয়াৰ কৰাৰ উপাদান–

ময়দা - ৩ টেবল চামুচ
কোকো পাউডাৰ - ২ টেবল চামুচ
চোকো চিপ (choco chip) - ১ চাহ চামুচ
মাখন - ২ টেবল চামুচ
বেকিং পাউডাৰ - ১/২ চাহ চামুচ
গাখীৰ - ৩ টেবল চামুচ
চেনী পাউডাৰ - ৩ টেবল চামুচ
নিমখ - অকণমান

চকলেট মগ কেক বনোৱাৰ পদ্ধতি–

চকলেট মগ কেক তৈয়াৰ কৰিবলৈ প্ৰথমে এটা মগ (ডাঙৰ কফি কাপ) ল’ব আৰু ইয়াত ময়দা মিহলাব। ইয়াৰ পিছত, চেনী গুৰি কৰি ময়দাত যোগ দিব আৰু দুয়োটা উপাদান ভালদৰে মিহলি কৰিব। এতিয়া মগত বেকিং পাউডাৰ, কোকো পাউডাৰ, অকণমান নিমখ আৰু গাখীৰ যোগ দিব আৰু সকলোবোৰ ভালদৰে মিহলি কৰিব। অৱশেষত, মগত মাখন দি চামুচৰ সহায়ত ভালদৰে মিহলি কৰিব। যদি আপুনি বিচাৰে, আপুনি মাখন (Butter)ৰ ঠাইত ৰিফাইন তেল ব্যৱহাৰ কৰিব পাৰে।

মগত মাখন ভালদৰে মিহলি কৰাৰ পিছত, ইয়াৰ ওপৰত চোকো চিপ যোগ দিব। এই সময়ত মাইক্ৰ’ৱেভটো প্ৰিহিট (আগতিয়াকৈ গৰম) হ’বলৈ দিব। এতিয়া মগটো মাইক্ৰ’ৱেভত ৰাখক আৰু ইয়াক ২ৰ পৰা ৩ মিনিটৰ বাবে সময় ছেট কৰি কেকটো হোৱালৈ বাট চাব। নিৰ্ধাৰিত সময়ৰ পিছত, মাইক্ৰ’ৱেভৰ পৰা চকলেট মগ কেকটো উলিয়াই আনিব। ইয়াৰ পিছত, কোকো পাউডাৰ আৰু গ্ৰাউণ্ড চেনী (চেনীৰ গুৰি) মিহলি কৰিব আৰু এই মিশ্ৰণটো সৰু চাকনিৰে চালি চকলেট মগ কেকৰ ওপৰত সজাওক। অৱশেষত, কেকটোৰ ওপৰত চকলেট চছ যোগ দিব আৰু আপোনাৰ প্ৰিয়জনক পৰিৱেশন কৰিব। আপোনাৰ এই চেষ্টাক আপোনাৰ সংগীয়ে সঁচাকৈয়ে ভাল পাব।

অসমীয়াত ব্ৰেকিং নিউজ সৰ্বপ্ৰথম News18 অসমত। শেহতীয়া খবৰ, লাইভ নিউজ আপডেট, সবাতোকৈ বিশ্বাসযোগ্য অসমীয়া নিউজ ৱেবছাইট News18 অসম।