Kangana-Run-Out: কংগনা ৰাণাৱটৰ টুইটাৰ একাউণ্ট নিলম্বণৰ পিছত অসংখ্য মিমেৰে ভৰি পৰিল টুইটাৰ

News18 Assam | News18-Assam
Updated:May 5, 2021, 4:15 PM IST
Kangana-Run-Out: কংগনা ৰাণাৱটৰ টুইটাৰ একাউণ্ট নিলম্বণৰ পিছত অসংখ্য মিমেৰে ভৰি পৰিল টুইটাৰ
সঘনাই টুইটাৰত "ঘৃণনীয় ব্যৱহাৰ আৰু আপত্তিজনক আচৰণ" প্ৰদৰ্শন কৰাৰ বাবে মাইক্ৰ'ব্লগিং ছাইট টুইটাৰে বলীউড অভিনেত্ৰী কংগনা ৰাণাৱট (Kangana Ranaut)ৰ টুইটাৰ একাউণ্টটো স্থায়ীভাৱে চাচপেণ্ড (Suspend) কৰি থয়।

সঘনাই টুইটাৰত "ঘৃণনীয় ব্যৱহাৰ আৰু আপত্তিজনক আচৰণ" প্ৰদৰ্শন কৰাৰ বাবে মাইক্ৰ'ব্লগিং ছাইট টুইটাৰে বলীউড অভিনেত্ৰী কংগনা ৰাণাৱট (Kangana Ranaut)ৰ টুইটাৰ একাউণ্টটো স্থায়ীভাৱে চাচপেণ্ড (Suspend) কৰি থয়।

  • Share this:
সঘনাই টুইটাৰত "ঘৃণনীয় ব্যৱহাৰ আৰু আপত্তিজনক আচৰণ" প্ৰদৰ্শন কৰাৰ বাবে মাইক্ৰ'ব্লগিং ছাইট টুইটাৰে বলীউড অভিনেত্ৰী কংগনা ৰাণাৱট (Kangana Ranaut)ৰ টুইটাৰ একাউণ্টটো স্থায়ীভাৱে চাচপেণ্ড (Suspend) কৰি থয়। মাইক্ৰ'ব্লগিং ছাইট প্লেটফৰ্মটোৰ নীতি উলংঘা কৰাৰ বাবে তেওঁলোকে এই পদক্ষেপ লয় বুলি জানিব পৰা গৈছে। পশ্চিম বংগৰ বিধান সভাৰ নিৰ্বাচনত ভাৰতীয় জনতা পাৰ্টিৰ বিচলিত পৰাজয়ৰ পিছত অভিনেত্ৰীগৰাকীৰ শেহতীয়া টুইটৰ পিছত এই পদক্ষেপ লোৱা হৈছিল।

পশ্চিম বংগৰ শেহতীয়া নিৰ্বাচনত তৃণমূল কংগ্ৰেছে জয়লাভ কৰা সন্দৰ্ভত বিজেপি নেতা স্বপ্ন দাসগুপ্তৰ দ্বাৰা শ্বেয়াৰ এটা টুইটৰ উত্তৰ হিচাপে গুজৰাটত ২০০২ চনৰ সাম্প্ৰদায়িক হত্যাকাণ্ডৰ কথা উল্লেখ কৰি ৰাণাৱটে কয় যে প্ৰধানমন্ত্ৰী নৰেন্দ্ৰ মোদীয়ে ২০০০ৰ দশকৰ পৰা তেওঁৰ "বিৰাট ৰূপ" (giant form) লৈ উভতি যোৱা উচিত। তেখেতে প্ৰধানমন্ত্ৰীক TMCৰ মুৰব্বী মমতা বেনাৰ্জীক "বশ" কৰিবলৈ কয়।

এক বিবৃতিত টুইটাৰে কয় যে টুইটাৰৰ নিয়মসমূহৰ "বাৰে বাৰে উলংঘন" কৰাৰ পিছত এই সিদ্ধান্ত লোৱা হৈছে আৰু কোম্পানীটো "অফলাইন ক্ষতিৰ সম্ভাৱনা থকা আচৰণ" আঁতৰাবলৈ সমৰ্পিত। যদিও এই সিদ্ধান্তই অভিনেত্ৰীগৰাকীৰ অনুৰাগীসকলক হতাশ কৰি তুলিছিল, টুইটাৰত বহুতে ৰাণাৱটে তেখেতৰ টুইটাৰ একাউণ্টত শ্বেয়াৰ কৰা বিতৰ্কিত, আপত্তিজনক টুইট আৰু ভুৱা বাতৰিৰ পৰা সকাহ পোৱাৰ বাবে চাচপেঞ্চন (suspension ) সন্দৰ্ভত আনন্দ প্ৰকাশ কৰিছিল।

যদিও কিছুমানে অৱশেষত অভিনেত্ৰীগৰাকীৰ বিৰুদ্ধে ব্যৱস্থা লোৱাৰ বাবে টুইটাৰক প্ৰশংসা কৰিছিল, বহুতে আশা কৰিছিল যে তেখেতক কেতিয়াও টুইটাৰ প্লেটফৰ্মলৈ ঘূৰি আহিবলৈ দিয়া নহ'ব।








ইফালে, অভিনেত্ৰীগৰাকী অবিচলিত হৈ আছে। টুইটাৰে তেখেতৰ একাউণ্ট চাচপেণ্ড কৰাৰ সঁহাৰি দি কংগনাই ইনষ্টাগ্ৰামত এটা ভিডিঅ' পোষ্ট কৰে আৰু ‘Bengal Burning’ আৰু 'Bengal Violence' হেছটেগৰ সৈতে এই পদক্ষেপক "death of democracy" বুলি অভিহিত কৰে। তেখেতে লগতে এক চৰকাৰী বিবৃতিত কয়, "টুইটাৰে কেৱল মোৰ কথা প্ৰমাণ কৰিছে যে তেওঁলোক আমেৰিকান আৰু জন্মগতভাৱে এজন বগা ব্যক্তিয়ে এজন মুগা ব্যক্তিক দাস কৰাৰ অধিকাৰ অনুভৱ কৰে। আপুনি কি ভাবিব, ক'ব বা কৰিব লাগে, সেইয়া তেওঁলোকে নিয়ন্ত্ৰণ কৰিব বিচাৰে। সৌভাগ্যক্ৰমে, মোৰ ওচৰত চিনেমাৰ ৰূপত মোৰ নিজৰ কলাসহ মোৰ মাত মাতিবলৈ বহুতো প্লেটফৰ্ম আছে কিন্তু মোৰ হৃদয় এই ৰাষ্ট্ৰৰ লোকসকলৰ প্ৰতি সহানুভুতিশীল, যিসকলক অত্যাচাৰ কৰা হৈছে, হাজাৰ হাজাৰ বছৰ ধৰি দাস, চেঞ্চৰ কৰা হৈছে তথাপিও দুখ-কষ্টৰ কোনো অন্ত নাই"।
Published by: Kokil Sarma
First published: May 5, 2021, 4:15 PM IST
আৰু চাওক
পৰৱৰ্তী বাতৰি

শেহতীয়া বাতৰি