‘জীৱন থমকি ৰৈ নাথাকে,’ JEE, NEET পৰীক্ষা পিছুৱাই দিয়াৰ আৰ্জি খাৰিজ ছুপ্ৰীম ক’ৰ্টৰ

নতুন দিল্লীঃ কোৰোণা পৰিস্থিতিৰ মাজত জয়েণ্ট এন্ট্ৰেন্স পৰীক্ষা (JEE) আৰু NEET (নেচনেল এলিজিবিলিটি কাম এন্ট্রেন্স টেষ্ট) পিছুৱাই দিয়াৰ আৱেদন খাৰিজ কৰিলে ছুপ্রীম ক’র্টে৷ নির্ধাৰিত সূচী অনুসৰি JEE আৰু NEET হোৱাৰ কথা ছেপ্টেম্বৰ মাহত৷ সোমবাৰে এই বিষয়ৰ শুনানিত শীর্ষ আদালতৰ পর্যৱেক্ষণ, জীবন তো আৰু থমকি ৰৈ থাকিব নোৱাৰে। সতৰ্কতামূলক পদক্ষেপ লৈয়ে আগুৱাই যাব লাগিব।

Supreme Court today dismissed a petition seeking the postponement of the National Eligibility cum Entrance Test (NEET) and Joint Entrance Examination (JEE), scheduled to be held in September 2020. pic.twitter.com/BPyjn8RlGC

— ANI (@ANI) August 17, 2020

ছুপ্ৰীম ক’ৰ্টৰ বিচাৰপতি অৰুণ মিশ্ৰৰ নেতৃত্বত বেঞ্চে জনায়, COVID-19 অতিমাৰীৰ বিষয়টো ছুপ্রীম ক’র্টৰ বিবেচনাধীন। কিন্তু সেইবুলি ছাত্ৰ–ছাত্ৰীসকলৰ সম্পূৰ্ণ এটা বছৰ নষ্ট হ’বলৈ দিয়াটো ঠিক নহয়। এইটো তেওঁলোকৰ কেৰিয়াৰৰ কাৰণে বেয়া। মেডিকেল তথা ইঞ্জিনীয়াৰি প্রৱেশিকা পৰীক্ষা কোৰোণা ভাইৰাছৰ কাৰণে পিছুৱাই দিয়াৰ কাৰণে ছুপ্ৰীম ক’ৰ্টত এক ৰাজহুৱা স্বাৰ্থজৰিত গোচৰ দাখিল কৰা হৈছিল।