বিশ্বৰ তৃতীয় স্থানৰ বক্সাৰ লাভলীনা বৰগোহাঁই এতিয়া কিহত ব্যস্ত?

বিশ্বৰ তৃতীয় ৰেংকিঙৰ মহিলা বক্সাৰ হ’ল অসমৰ লাভলীনা বৰগোঁহাই। গোলাঘাটৰ বৰ পথাৰৰ জিয়ৰী লাভলীনাই আইঅচিয়ে ঘোষণা কৰা ৰেংকিঙত ৬৯ কেজি শাখাত তৃতীয় স্থানেৰে অসমলৈ গৌৰৱ কঢ়িয়াই আনিছে। বিশ্ব বক্সিঙৰ পদক বিজয়ী সফল মহিলা বক্সাৰ লাভলীনাৰ মন্তব্য "মই টকিঅ অলিম্পিক গেমছত স্বৰ্ণ পদক পাব বিচাৰো"। অৱশ্যে ক্ৰীড়াৰ সৰ্বশ্ৰেষ্ঠ মহাসমৰ অলিম্পিক গেমছলৈ যোগ্যতা অৰ্জনৰ বাবে লাভলীনাই ৩ মাৰ্চত জৰ্দানত যুজঁ দিব লাগিব। অলিম্পিকৰ যোগ্যতা নিৰ্ণয়কাৰী খেলত সফলতাৰ বাবে লাভলীনাই সম্প্ৰতি নতুন দিল্লীতে কঠোৰ অনুশীলন চলাইছে।