শ্বুটিঙৰ সময়ত ভয়ংকৰ দুৰ্ঘটনাত পতিত বলিউড তাৰকা শ্বাহিদ কাপুৰ, দুৰ্ঘটনাস্থলীত পত্নী

শ্বুটিঙৰ সময়ত এটা ভয়ংকৰ দুৰ্ঘটনাত আক্ৰান্ত হৈছে বলিউড তাৰকা শ্বাহিদ কাপুৰ। ছবিৰ শ্বুটিঙৰ সময়ত শ্বাহিদে পোৱা আঘাত ইমান গুৰুতৰ যে তেওঁৰ মুখখন বেয়াকৈ ফাটিছে। হাস্পতালত শ্বাহিদৰ মুখত ১৩টাকৈ চিলাই পৰিছে। এই দুৰ্ঘটনাৰ খবৰ পোৱাৰ লগে লগে পত্নী মীৰা কাপুৰ শ্বাহিদৰ ওচৰত উপস্থিত হৈছে। নতুন চিনেমা ‘জাৰ্চি’ৰ শ্বুটিঙৰ সময়ত শ্বাহিদে এই আঘাতৰ সন্মুখীন হয়। দিনে–নিশাই অতি কঠিন পৰিশ্ৰম কৰা শ্বাহিদে এটা বিশেষ দৃশ্যৰ দৃশ্যায়নৰ সময়ত তীব্ৰ গতিৰে অহা এটা বলৰ সন্মুখীন হয়। ইয়াৰ ফলত তেওঁৰ তলৰ ওঠটো বেয়াকৈ ফাটি যায়। এই কটা ওঠৰ পৰা বেয়াকৈ তেজ ওলাই অহাৰ ফলত ঠুতৰিটো ফুলি যায়।

 

View this post on Instagram

 

#jersey #prep

A post shared by Shahid Kapoor (@shahidkapoor) on Nov 20, 2019 at 9:18pm PST

সদ্যহতে তেওঁ শ্বুটিঙত অংশ ল’ব নোৱাৰে আৰু পাঁচদিন পিছতহে তেওঁৰ অৱস্থাৰ বিষয়ে চিকিৎসকে জনাব পাৰিব।‘জাৰ্চি’ চিনেমাখনত শ্বাহিদৰ পিতৃ পংকজ কাপুৰে তেওঁৰ মেণ্টৰৰ চৰিত্ৰত অভিনয় কৰিছে। অভিনেত্ৰী মৃণাল ঠাকুৰেও এটা গুৰুত্বপূৰ্ণ ভূমিকাত অভিনয় কৰিছে ছবিখনত।