SBIৰ গ্ৰাহকসকলে বেংকত জমা থকাতকৈ অধিক টকা উলিয়াব পাৰিব, জানক Overdraft সুবিধাৰ বিষয়ে

News18 Assam | News18-Assam
Updated:March 22, 2021, 3:45 PM IST
SBIৰ গ্ৰাহকসকলে বেংকত জমা থকাতকৈ অধিক টকা উলিয়াব পাৰিব, জানক Overdraft সুবিধাৰ বিষয়ে

  • Share this:
ষ্টেট বেংক অৱ ইণ্ডিয়া (এছবিআই)য়ে ইয়াৰ গ্ৰাহকসকলক এক অনন্য সুবিধা প্ৰদান কৰে যাৰ জৰিয়তে আপুনি আপোনাৰ বেঙ্ক একাউণ্টৰ পৰা ইয়াত জমা থকাতকৈ অধিক টকা উলিয়াব পাৰিব। বেংকৰ এই সুবিধাটো অভাৰড্ৰাফ্ট সুবিধা বুলি জনা যায়। অভাৰড্ৰাফ্ট সুবিধাৰ কি হয় আৰু আপুনি ইয়াৰ সুবিধা কেনেদৰে ল'ব পাৰে জানো আহক।

অভাৰড্ৰাফ্ট হৈছে এক প্ৰকাৰৰ ঋণ। ফলস্বৰূপে, গ্ৰাহকসকলে তেওঁলোকৰ বেংক একাউণ্টত থকা বেলেন্সতকৈ অধিক টকা উলিয়াব পাৰে। এই অতিৰিক্ত ধন এক নিৰ্দিষ্ট সময়ৰ ভিতৰত পৰিশোধ কৰিব লাগিব আৰু ইয়াৰ ওপৰত সুত প্ৰযোজ্য হয়। সুত দৈনিক আধাৰত গণনা কৰা হয়। যিকোনো বেংক বা নন-বেংকিং ফাইনেঞ্চিয়েল কোম্পানী (এন.বি.এফ.চি.)ৰ জৰিয়তে অভাৰড্ৰাফ্ট সুবিধা লাভ কৰিব পাৰি। আপোনাৰ অভাৰড্ৰাফ্টৰ সীমা বেংক বা এন.বি.এফ.চি.য়ে নিৰ্ধাৰণ কৰে।

বেংকে তেওঁলোকৰ কিছুমান গ্ৰাহকক পূৰ্বঅনুমোদিত অভাৰড্ৰাফ্ট সুবিধা প্ৰদান কৰে। আনহাতে কিছুমান গ্ৰাহকে ইয়াৰ বাবে পৃথক অনুমোদন ল’ব লাগে। ইয়াক লিখিতভাবে বা ইণ্টাৰনেট বেংকিঙৰ জৰিয়তে আবেদন কৰিব লাগে। কিছুমান বেংকে এই সুবিধাৰ বাবে প্ৰচেছিং মাচুল লোৱা দেখা যায়। অভাৰড্ৰাফ্ট দুই প্ৰকাৰৰ হয় – সুৰক্ষিত আৰু অসুৰক্ষিত। সুৰক্ষিত অভাৰড্ৰাফ্ট হৈছে এক যাৰ বাবে কোনো বস্তু নিৰাপত্তা হিচাপে বন্ধক ৰখা হয় ।

আপুনি এফডি, শ্বেয়াৰ, ঘৰ, দৰমহা, বীমা আঁচনি, বণ্ড আদি ৰ ওপৰত অভাৰড্ৰাফ্ট পাব পাৰে। ইয়াক সহজ ভাষাত এফডি বা শ্বেয়াৰৰ বিৰুদ্ধে ঋণ লোৱা বুলিও কোৱা হয়। এনে কৰাৰ ফলত, এই বস্তুবোৰ এক প্ৰকাৰে বেংক বা এন.বি.এফ.চি.ৰ সৈতে বন্ধক ৰখা হয়। আপোনাৰ নিৰাপত্তা হিচাপে প্ৰদান কৰিবলৈ একো নাথাকিলেও আপুনি অভাৰড্ৰাফ্ট সুবিধা ল'ব পাৰে। ইয়াক অসুৰক্ষিত অভাৰড্ৰাফ্ট বুলি কোৱা হয়। উদাহৰণ স্বৰূপে, ক্ৰেডিট কাৰ্ডৰ পৰা উইথড্ৰৱেল।

যেতিয়া আপুনি ঋণ গ্ৰহণ কৰে, পৰিশোধৰ বাবে এটা ম্যাদ নিৰ্ধাৰণ কৰা হয়। যদি এজনে সময়ৰ আগতে ঋণ পৰিশোধ কৰে, তেওঁ প্ৰি-পেমেণ্ট চাৰ্জ পৰিশোধ কৰিব লাগিব কিন্তু ই অভাৰড্ৰাফ্টৰ সৈতে নহয়। আপুনি নিৰ্ধাৰিত সময়ৰ আগতে কোনো মাচুল পৰিশোধ নকৰাকৈ টকা পৰিশোধ কৰিব পাৰে। একে সময়তে, সুত কেৱল তেতিয়ালৈকে পৰিশোধ কৰিব লাগিব, যেতিয়ালৈকে অভাৰড্ৰাফ্টৰ ধন আপোনাৰ সৈতে থাকে। ইয়াৰ উপৰিও, আপুনি ই.এম.আই.ত টকা পৰিশোধ কৰাৰ ব্যধ্য বাধকতা নাই। আপুনি নিৰ্ধাৰিত সময়ৰ ভিতৰত যিকোনো সময়তে টকা পৰিশোধ কৰিব পাৰে।

অৱশ্যে, মনত ৰাখিবলগীয়া কথাটো হৈছে যে আপুনি অভাৰড্ৰাফ্ট পৰিশোধ কৰিব নোৱাৰিলে, আপুনি বন্ধক ৰখা সম্পত্তিৰ দ্বাৰা ইয়াৰ ক্ষতিপূৰণ লোৱা হ'ব। কিন্তু যদি অভাৰড্ৰাফ্ট কৰা পৰিমাণ বন্ধকী সামগ্ৰীবোৰৰ মূল্যতকৈ অধিক হয়, আপুনি বাকী টকা পৰিশোধ কৰিব লাগিব।
First published: March 10, 2021, 10:11 AM IST
আৰু চাওক
পৰৱৰ্তী বাতৰি

শেহতীয়া বাতৰি