Ram Setu : অক্ষয় কুমাৰৰ লগতে ‘ৰাম সেতু’ৰে জড়িত ৪৫জন কনিষ্ঠ শিল্পী কোৰোণা পজিটিভ

News18 Assam | News18-Assam
Updated:April 5, 2021, 3:45 PM IST
Ram Setu : অক্ষয় কুমাৰৰ লগতে ‘ৰাম সেতু’ৰে জড়িত ৪৫জন কনিষ্ঠ শিল্পী কোৰোণা পজিটিভ
অক্ষয় কুমাৰ হৈছে ৰণবীৰ কাপুৰ, আলিয়া ভাট, আদিত্য নাৰায়ণ, ৰূপালী গাংগুলী, কাৰ্তিক আৰয়ান আৰু আমিৰ খানৰ পিছত কোভিড-১৯ পজিটিভ পোৱা বলিউডৰ শেহতীয়া চেলিব্ৰিটি।

অক্ষয় কুমাৰ হৈছে ৰণবীৰ কাপুৰ, আলিয়া ভাট, আদিত্য নাৰায়ণ, ৰূপালী গাংগুলী, কাৰ্তিক আৰয়ান আৰু আমিৰ খানৰ পিছত কোভিড-১৯ পজিটিভ পোৱা বলিউডৰ শেহতীয়া চেলিব্ৰিটি।

  • Share this:
বলীউদৰ তাৰকা অক্ষয় কুমাৰ (Akshay Kumar) অভিনীত ৰাম সেতু (Ram Setu)ত কাম কৰা ৪৫জন কনিষ্ঠ শিল্পী কোভিড-১৯ পজিটিভ পোৱা গৈছে। ETimesৰ এক প্ৰতিবেদন অনুসৰি, মুম্বাইৰ মাধ দ্বীপত ৫ এপ্ৰিলত ১০০জন কৰ্মচাৰীৰ এটা দলে ছবিখনৰ ছেটত যোগদান কৰাৰ কথা আছিল। অৱশ্যে, অক্ষয় কুমাৰ আৰু ছবিৰ প্ৰযোজক বিক্ৰম মালহোত্ৰা (Vikram Malhotra)ই সকলোৰ বাবে কোভিড পৰীক্ষা কৰাটো বাধ্যতামূলক কৰাৰ সিদ্ধান্ত লৈছিল। কোভিড-১৯ পৰীক্ষা কৰা ১০০জন কনিষ্ঠ শিল্পীৰ ভিতৰত ৪৫ জন কোৰোণা পজিটিভ পোৱা গৈছিল।

অক্ষয় কুমাৰে দেওবাৰে কৈছিল যে তেওঁৰ কোৰোণা ভাইৰাছৰ বাবে পৰীক্ষা কৰিছিল আৰু পজিটিভ পোৱা গৈছিল। ইয়াৰ পিছতে অভিনেতাজন হোম কোৱাৰেণ্টাইনত আছিল। তাৰ পিছত ভৰ্তি হৈছিল হাস্পতালত। ৫৩ বছৰীয়া অভিনেতাজনে টুইটাৰত তেওঁৰ কোভিড পজিটিভ হোৱাৰ খবৰ শ্বেয়াৰ কৰিছিল আৰু কৈছিল যে তেওঁ প্ৰয়োজনীয় সকলো প্ৰটকল অনুসৰণ কৰি আছে।

"মই সকলোকে জনাব বিচাৰো যে, মই কোভিড-১৯ পৰীক্ষাৰ ফলাফল পজিটিভ পাইছো। সকলো প্ৰটকল অনুসৰণ কৰি মই লগে লগে নিজকে আনৰ পৰা আঁতৰ কৰি ৰাখিছো। মই হোম কোৱাৰেণ্টাইন (Home Quarantine)ত আছো আৰু প্ৰয়োজনীয় চিকিৎসা কৰি আছো," তেওঁ লিখিছিল। ইয়াৰ পিছতে তেওঁক হাস্পতালত ভৰ্তি কৰোৱা হৈছিল।

মুম্বাইত "ৰাম সেতু"ৰ শ্বুটিং কৰি থকা তাৰকাজনে তেওঁৰ সংস্পৰ্শলৈ অহা সকলোকে নিজকে পৰীক্ষা কৰিবলৈ আহ্বান জনাইছিল। "মোৰ সংস্পৰ্শলৈ অহা সকলোকে মই আন্তৰিকতাৰে অনুৰোধ কৰিছো যে তেওঁলোকে যেন পৰীক্ষা কৰাৰ লগতে নিজৰ যত্ন লয়। সোনকালেই কাৰ্যলৈ ঘূৰি আহিব!" তেওঁ কৈছিল।

অক্ষয় কুমাৰ হৈছে ৰণবীৰ কাপুৰ, আলিয়া ভাট, আদিত্য নাৰায়ণ, ৰূপালী গাংগুলী, কাৰ্তিক আৰয়ান আৰু আমিৰ খানৰ পিছত কোভিড-১৯ পজিটিভ পোৱা বলিউডৰ শেহতীয়া চেলিব্ৰিটি।
শনিবাৰে, মহাৰাষ্ট্ৰত ৪৯,৪৪৭টা নতুন কোভিড-১৯ পজিটিভৰ ঘটনাৰ ধৰা পৰিছে।

অক্ষয় কুমাৰে ৰোহিত ছেট্টীৰ "Sooryavanshi"ৰ মুক্তিৰ অপেক্ষা কৰি আছে। তেওঁৰ পাইপলাইনত আনন্দ এল ৰায়ৰ "Atrangi Re", ফাৰহদ চামজী পৰিচালিত "Bachchan Pandey", ৰঞ্জিত তিৱাৰীৰ "Bell Bottom" আৰু যশ ৰাজ ফিল্মছ প্ৰকল্প "Prithviraj" আছে।

Keywords: Akshay Kumar (অক্ষয় কুমাৰ) Corona Virus (ক’ৰনা ভাইৰাছ) Bollywood (বলিউড) Covid-19 (ক’ভিড-১৯) Rohit Shetty (ৰোহিত ছেট্টি) Maharashtra (মহাৰাষ্ট্ৰ)
Published by: Sanjay Kumar Das
First published: April 5, 2021, 3:44 PM IST
আৰু চাওক
পৰৱৰ্তী বাতৰি

শেহতীয়া বাতৰি