আপুনিও যদি PPFত সঞ্চয় কৰে, তেন্তে এই তাৰিখটো মনত ৰাখিব! পাব বৃহৎ অংকৰ লাভালাভ

News18 Assam | News18-Assam
Updated:April 7, 2021, 12:00 PM IST
আপুনিও যদি PPFত সঞ্চয় কৰে, তেন্তে এই তাৰিখটো মনত ৰাখিব! পাব বৃহৎ অংকৰ লাভালাভ
যদি আপুনি প্ৰতি মাহৰ ৫ তাৰিখে পিপিএফ একাউণ্টত বিনিয়োগ কৰে, তেন্তে আপুনি অধিক সুত লাভ কৰিব। ইয়াৰ কাৰণ হৈছে সুত গণনাৰ পদ্ধতি।

যদি আপুনি প্ৰতি মাহৰ ৫ তাৰিখে পিপিএফ একাউণ্টত বিনিয়োগ কৰে, তেন্তে আপুনি অধিক সুত লাভ কৰিব। ইয়াৰ কাৰণ হৈছে সুত গণনাৰ পদ্ধতি।

  • Share this:
ক্ষুদ্ৰ সঞ্চয় আঁচনি আৰু কৰ সঞ্চয়ৰ ক্ষেত্ৰত পিপিএফ (PPF)ৰ কোনো তুলনা নাই। যদি আপোনাৰো কৰ্মচাৰী ভৱিষ্য নিধি একাউণ্ট (PPF Account) আছে, তেন্তে আপোনাৰ বাবে আছে এটা অতি গুৰুত্বপূৰ্ণ কথা। যদি আপুনি প্ৰতি মাহৰ ৫ তাৰিখে পিপিএফ একাউণ্টত বিনিয়োগ কৰে, তেন্তে আপুনি অধিক সুত লাভ কৰিব। ইয়াৰ কাৰণ হৈছে সুত গণনাৰ পদ্ধতি।

বৰ্তমান সময়ত কৰ্মচাৰী ভৱিষ্য নিধি একাউণ্টৰ ওপৰত সুতৰ গণনা প্ৰতি মাহে কৰা হয় ৷ যদিও সেই সুত বিত্তীয় বৰ্ষৰ অন্ততহে একাউণ্টত জমা কৰা হয়। কৰ্মচাৰী ভৱিষ্য নিধি একাউণ্টৰ ন্যূনতম জমাৰ ওপৰত প্ৰতি মাহৰ ৫ তাৰিখৰ পৰা আৰু অন্তিম তাৰিখৰ ভিতৰত সুত গণনা কৰা হয়। যদি আপুনি ৫ তাৰিখে বা তাৰ আগতে পিপিএফত বিনিয়োগ কৰে, তেন্তে সেই ধনৰ ওপৰতো সুত গণনা কৰা হ'ব৷ আনহাতে যদি আপুনি ৫ তাৰিখৰ পিছত বিনিয়োগ কৰে, তেতিয়া আপুনি পৰৱৰ্তী মাহৰ বাবেহে সেই ধনৰ ওপৰত সুত লাভ কৰিব। ইয়াৰ অৰ্থ হৈছে আপুনি সম্পূৰ্ণ এমাহৰ সুত হেৰুৱাবলগীয়া হ’ব।

জানক আপোনাৰ লাভালাভ -

যদি আপুনি ৫ মাৰ্চৰ ভিতৰত পিপিএফত ৫০,০০০ টকা বিনিয়োগ কৰিছে আৰু সুতৰ হাৰ ৭.১ শতাংশ লগতে ২৮ ফেব্ৰুৱাৰীলৈকে আপোনাৰ একাউণ্টত জমা আছিল ৩ লাখ টকা। তেনেস্থলত ৩১ মাৰ্চৰ ভিতৰত একাউণ্টৰ ন্যুনতম জমা ৩.৫ লাখ টকা হিচাপে বিবেচনা কৰা হ'ব। একেদৰে, সুত নিম্নলিখিত ধৰণে সুতৰ গণনা কৰা হ'ব - ৭.১%/১২*৩.৫ লাখ= ২,০৭১ টকা। অৱশ্যে, যদি আপুনি ৬ মাৰ্চত ৫০,০০০ টকা বিনিয়োগ কৰে আৰু ২৮ ফেব্ৰুৱাৰীৰ ভিতৰত আপোনাৰ জমা আছে ৩ লাখ টকা, মাৰ্চৰ বাবে আপোনাৰ একাউণ্টত জমা ৩ লাখ টকা হিচাপেই গণ্য কৰা হ'ব। এনে পৰিস্থিতিত, সুত নিম্নলিখিত ধৰণে গণনা কৰা হ'ব- ৭.১%/১২*৩ লাখ= ১,৭৭৫ টকা। অৰ্থাৎ, কেৱল এটা দিনৰ পাৰ্থক্যৰ বাবে আপুনি ২৯৬ টকাৰ লোকচানৰ সন্মুখীন হ’ব লাগিব।

পিপিএফত ৭.১ শতাংশ সুত লাভ কৰিব আপুনি -
পিপিএফৰ বিনিয়োগত বৰ্তমান ৭.১ শতাংশ সুত প্ৰদান কৰি থকা হৈছে। ২০২০ চনৰ ৩০ মাৰ্চত, চৰকাৰে ক্ষুদ্ৰ সঞ্চয় আঁচনিৰ ওপৰত সুত হ্ৰাস কৰিছিল। বিগত কিছু দিন পূৰ্বেও, চৰকাৰে সুতৰ পৰিমাণ যথেষ্ট হ্ৰাস কৰি ৬.৪ শতাংশ কৰিছিল, কিন্তু পুৱা পুনৰ চৰকাৰে ভুলবশতঃ এনে হোৱা বুলি কৈ নিজৰ সিদ্ধান্ত সলনি কৰিছিল। চৰকাৰে প্ৰতি তিনিমাহত ক্ষুদ্ৰ সঞ্চয় আঁচনি আৰু পিপিএফৰ ওপৰত সুতৰ মূল্যায়ন কৰে।
Published by: Sanjay Kumar Das
First published: April 7, 2021, 11:59 AM IST
আৰু চাওক
পৰৱৰ্তী বাতৰি

শেহতীয়া বাতৰি