‘নিজকে ৰিচাৰ্জ আৰু ৰিফ্ৰেচ কৰক’- ১৫,৯০০ কৰ্মচাৰীক একেলগে ৭ দিনৰ Paid Leave উপহাৰ দিলে এই আন্তঃৰাষ্ট্ৰীয় প্ৰতিষ্ঠানে

News18 Assam | News18-Assam
Updated:April 5, 2021, 2:56 PM IST
‘নিজকে ৰিচাৰ্জ আৰু ৰিফ্ৰেচ কৰক’- ১৫,৯০০ কৰ্মচাৰীক একেলগে ৭ দিনৰ Paid Leave উপহাৰ দিলে এই আন্তঃৰাষ্ট্ৰীয় প্ৰতিষ্ঠানে
’কোম্পানীৰ সকলো কৰ্মচাৰী কামলৈ ঘূৰি আহিব, তাৰ পিছত তেওঁলোকে উৎসাহেৰে কাম কৰিব।’

’কোম্পানীৰ সকলো কৰ্মচাৰী কামলৈ ঘূৰি আহিব, তাৰ পিছত তেওঁলোকে উৎসাহেৰে কাম কৰিব।’

  • Share this:
মাইক্ৰ’চফ্টৰ পেছাদাৰী সামাজিক নেটৱৰ্ক(Professional Social Network) কোম্পানী লিংকডইনে(Linkedin) তেওঁলোকৰ কৰ্মচাৰীসকললৈ আগবঢ়াইছে বিশেষ উপহাৰ। Linkedinয়ে বিশ্বজুৰি বিয়পি থকা তেওঁলোকৰ ১৫,৯০০ গৰাকী কৰ্মচাৰীক কিছু সকাহ প্ৰদানৰ বাবে এসপ্তাহৰ Paid Leave প্ৰদান কৰাৰ সিদ্ধান্ত লৈছে। যাতে কৰ্মচাৰীসকলে নিজকে ৰিচাৰ্জ আৰু ৰিফ্ৰেছ কৰিব পাৰে। সেই অনুসৰি, ৫ এপ্ৰিল অৰ্থাৎ আজিৰে পৰা তেওঁলোকৰ কৰ্মচাৰীসকল এসপ্তাহৰ বাবে একেলগে ছুটিত থাকিব।

Linkedinৰ মুখ্য বিষয়া টিউলা হেনছনে এই সম্পৰ্কত কয় যে, কোম্পানীটোৱে কঠোৰ পৰিশ্ৰম কৰা তেওঁলোকৰ কৰ্মচাৰীসকলক কিছু মূল্যবান সময় অতিবাহিত কৰিবলৈ দিব বিচাৰিছে। আমি অনুভৱ কৰিছো যে, তেওঁলোকে একেলগে কিছু ভাল সময় কটাব লাগে। সকলোকে একেলগে বন্ধ দিয়াৰ লগে লগে ই-মেইল, মিটিং আৰু প্ৰজেক্ট সম্পূৰ্ণ কৰাৰ দৰে কামৰ ধুমুহা আহি পৰিব ।

লগতে হেনছনে কয় যে, ’আমি বিচাৰো যে, যেতিয়া কোম্পানীৰ সকলো কৰ্মচাৰী কামলৈ ঘূৰি আহিব, তাৰ পিছত তেওঁলোকে উৎসাহেৰে কাম কৰিব।’ ১৫,৯০০ জন পূৰ্ণকালীল কৰ্মচাৰীক এসপ্তাহৰ বাবে Paid Leave প্ৰদান কৰা হৈছে আৰু এই সময়ছোৱাত কৰ্মচাৰীৰ এটা মূল দলে কাম অব্যাহত ৰাখিব। পিছত মূল দলত কাম কৰা কৰ্মচাৰীসকলকো ছুটী প্ৰদান কৰা হ’ব ।
Published by: Himangshu Bhuyan
First published: April 5, 2021, 2:50 PM IST
আৰু চাওক
পৰৱৰ্তী বাতৰি

শেহতীয়া বাতৰি