পোষ্ট অফিচৰ এইখন আঁচনিৰ কথা জানেনে? মাত্ৰ কেইটামান টকা বিনিয়োগ কৰি লাভ কৰক ৩৫ লাখ টকা...

কম টকা বিনিয়োগ কৰি বৃহৎ পৰিমাণে উপাৰ্জন কৰিব বিচাৰিছে যদি পোষ্ট অফিচে আপোনাৰ বাবে আগবঢ়াইছে বিশেষ সুযোগ। পোষ্ট অফিচৰ গ্ৰাহকসকলৰ বাবে বহুকেইখন স্কীম লোৱা হৈছে।  পোষ্ট অফিচৰ এই আঁচনি (Post Office Scheme) আপোনাৰ বাবে লাভজনক হ’ব পাৰে। ভাৰতীয় ডাক বিভাগে আগবঢ়োৱা গ্ৰাম সুৰক্ষা যোজনা ইয়াৰ এক সুন্দৰ বিকল্প য’ত কম ৰিস্ক আৰু ভাল ৰিটাৰ্ণ পাব পাৰে। গ্ৰাম সুৰক্ষা যোজনাৰ জৰিয়তে বোনাচৰ লগতে সুনিশ্চিত ৰাশি বা ৮০ বছৰ বয়সৰ পিছত বা মৃত্যু হ’লে আইনী উত্তৰাধিকাৰীয়ে লাভ কৰে।

১৯ বছৰৰ পৰা ৫৫ বছৰ বয়সলৈ যিকোনো ভাৰতীয় নাগৰিকে এই বীমা আঁচনি গ্ৰহণ কৰিব পাৰে। এই আঁচনিৰ ন্যূনতম বীমা ৰাশি ১০,০০০ টকাৰ পৰা ১০ লাখ টকালৈ। এই আঁচনিৰ প্ৰিমিয়াম মাহিলি, ত্ৰামাসিক, অৰ্থবাৰ্ষিক বা বাৰ্ষিক হিচাপত ল’ব পাৰে। গ্ৰাহকে প্ৰিমিয়াম পেমেণ্ট কৰিবলৈ ৩০ দিনৰ ৰেহাই দিয়া হয়।

এই বীমা আঁচনিত ঋণৰ সুবিধাও পোৱা যায় যাৰ সুবিধা পলিচী গ্ৰহণ কৰাজনে চাৰি বছৰ পিছত ল’ব পাৰে।