যোৱা কেইবাদিনো ধৰি পেট্ৰ'ল আৰু ডিজেলৰ মূল্যবৃদ্ধিয়ে জ্বলা-কলা খুৱাইছে সাধাৰণ লোকক। ২২ মাৰ্চৰ পৰা বৃদ্ধি হোৱাৰ ইন্ধন প্ৰতি লিটাৰত ১০ টকালৈকে ব্যয়বহুল হৈ পৰিছে।
বিভিন্ন ৰাজ্যত বিভিন্ন হাৰত পেট্ৰ'ল আৰু ডিজেল বিক্ৰী কৰা হৈছে। আপুনি জানি আচৰিত হ'ব যে, মহাৰাষ্ট্ৰ আৰু অন্ধ্ৰ প্ৰদেশত ১০০ টকাৰ পেট্ৰ'লৰ ওপৰত ৬৫ টকা কৰ আৰোপ কৰা হৈছে। বাকী ৰাজ্যসমূহৰ সংখ্যাটোও আচৰিত।
মধ্য প্ৰদেশ আৰু কেৰালাত, প্ৰতি ১০০ টকাত প্ৰায় ৬১ টকা, ৰাজস্থানত, ৬০ টকা, ছত্তীশগড়-কৰ্ণাটকত ৫৫ টকা আৰু পশ্চিম বংগত ৫৪ টকাৰ টেক্স লয় প্ৰতিলিটাৰ পেট্ৰ'লৰ বাবদ।
একেদৰে, পঞ্জাৱত, প্ৰতি ১০০ টকাত প্ৰায় ৫৩ টকা, বিহাৰ-ঝাৰখণ্ডত ৫২ টকা, জম্মু আৰু কাশ্মীৰত ৫০ টকা, উত্তৰ প্ৰদেশত ৪৮ টকা আৰু গুজৰাটত ৪৬ টকা। ইয়াত কেন্দ্ৰীয় আৰু ৰাজ্য চৰকাৰৰ কৰ দুয়োটা অন্তৰ্ভুক্ত আছে।
পেট্ৰ'ল আৰু ডিজেলৰ ওপৰত কৰ নিৰন্তৰ বৃদ্ধি হৈ আছে। ২০১৪ চনত, কেন্দ্ৰীয় চৰকাৰে পেট্ৰ'লৰ ওপৰত 9.48/লিটাৰ আবকাৰী শুল্ক আদায় কৰিছিল, যি ২০২১ চনৰ নৱেম্বৰত ৩২.৯০ টকালৈ বৃদ্ধি হৈছিল, যি বৰ্তমান ২৭.৯০ টকা/লিটাৰ।
Published by: Himangshu Bhuyan
FIRST PUBLISHED : April 10, 2022, 11:04 IST
অসমীয়াত ব্ৰেকিং নিউজ সৰ্বপ্ৰথম News18 অসমত। শেহতীয়া খবৰ, লাইভ নিউজ আপডেট, সবাতোকৈ বিশ্বাসযোগ্য অসমীয়া নিউজ ৱেবছাইট News18 অসম।