এটুপি বিশুদ্ধ খোৱা পানীৰ বাবে হাহাকাৰ, নিজৰাৰ লেতেৰা পানী খাই জীৱন নিৰ্বাহ কৰিবলগীয়া হৈছে স্থানীয় লোকে!

এটুপি বিশুদ্ধ খোৱা পানীৰ বাবে হাহাকাৰ কৰিব লগিয়া হৈছে গোৱালপাৰা জিলাৰ বলবলাৰ ফফঙ্গ গাওঁৰ ৰাইজে। পাহাৰৰ নিজৰাৰ লেতেৰা পানী খাইছে গোৱালপাৰা জিলাৰ বলবলাৰ ফফঙ্গা গাওঁৰ ৰাইজে ।

গোৱালপাৰা জিলাৰ পূব গোৱালপাৰা সমষ্টিৰ অন্তৰ্গত বলবলা অঞ্চলৰ ফফঙ্গা প্ৰথম আৰু দ্বিতীয় খণ্ড গাঁওৰ ৰাইজে খাইছে পাহাৰৰ নিজৰাৰ পানী । গা–ধোৱা, বাচন বৰ্তন, কাপোৰ কানি ধোঁৱা আদি কাম যি পানীৰে কৰা হয় ,সেই একে খিনি পানীয়ে সেৱন কৰি আছে ফফঙ্গা প্ৰথম আৰু দ্বিতীয় খণ্ড গাঁওৰ ৰাইজে ।

বছৰ-বছৰ ধৰি গাঁও খনৰ ৰাইজে খোৱা পানীৰ নামত বৰ বিষ খাই আহিছে যদিও কোনো এখন চৰকাৰে তেওঁ লোককক যোগান ধৰিব নোৱাৰিলে এটুপি খোৱা পানী । পূব গোৱালপাৰাৰ বিধায়ক এ কে ৰচিদ আলমেও এই ক্ষেত্রত আজি পৰ্যন্ত কোনো ব্যৱস্থা লোৱা নাই । পৰিবৰ্তনকামী চৰকাৰৰ দিনত ইয়াৰ পৰিৱৰ্তন হ’ব বুলি গাঁওবাসীয়ে আশা কৰিছিল যদিও আজিও সেই আশা আশা হৈয়ে আছে , বাস্তৱত পৰিণত হোৱা নাই ।