‘তোমাৰ নেতৃত্বত বিশ্বকাপ জয়েই মোৰ জীৱনৰ শ্ৰেষ্ঠতম মুহূৰ্ত’- ধোনীৰ অৱসৰৰ পিছতে শচীনৰ আবেগিক পষ্ট

ৰান আউটৰ পৰা ৰান আউটলৈকে....এক বৰ্ণিল কেৰিয়াৰৰ সমাপ্তি ঘটিল। অভিষেক মেচত ৰান আউট হোৱা ধোনীয়ে জীৱনৰ শেষৰ খন আন্তঃৰাষ্ট্ৰীয় মেচতো ৰান আউট হৈয়ে কেৰিয়াৰ সামৰিলে। ধোনীৰ অৱসৰৰ সিদ্ধান্তই এতিয়া আচৰিত কৰি তুলিছে বিশ্বৰ ক্ৰিকেট অনুৰাগীসকলক।

Your contribution to Indian cricket has been immense, @msdhoni. Winning the 2011 World Cup together has been the best moment of my life. Wishing you and your family all the very best for your 2nd innings. pic.twitter.com/5lRYyPFXcp

— Sachin Tendulkar (@sachin_rt) August 15, 2020

মহেন্দ্ৰ সিং ধোনীৰ অৱসৰৰ সন্দৰ্ভত এইবাৰ মন্তব্য দিলে ক্ৰিকেটৰ ভগৱান শচীন টেণ্ডুলকাৰে। শনিবাৰে টুইটাৰযোগে টেণ্ডুলকাৰে লিখিলে- ‘ভাৰতীয় ক্ৰিকেটলৈ তোমাৰ অৱদান অপৰিসীম। ২০১১ চনত তোমাৰ নেতৃত্বত বিশ্বকাপ জয় কৰা মুহূৰ্ত মোৰ জীৱনৰ শ্ৰেষ্ঠতম মুহূৰ্ত।’

View this post on Instagram

Thanks a lot for ur love and support throughout.from 1929 hrs consider me as Retired

A post shared by M S Dhoni (@mahi7781) on Aug 15, 2020 at 7:01am PDT

২০১৯ চনত ইংলেণ্ডত অনুষ্ঠিত হোৱা এদিনীয়া আন্তঃৰাষ্ট্ৰীয় বিশ্বকাপ ক্ৰিকেট প্ৰতিযোগিতাৰ পিছৰ পৰাই জাতীয় দলৰ পৰা আঁতৰি আছিল মহেন্দ্ৰ সিং ধোনী। কিন্তু আগন্তুক টি২০ বিশ্বকাপ ক্ৰিকেট প্ৰতিযোগিতাত ধোনীয়ে অন্তিমবাৰলৈ ভাগ ল’ব বুলি চৰ্চা চলিছিল। ইফালে ইংলেণ্ডত হোৱা এদিনীয়া আন্তঃৰাষ্ট্ৰীয় বিশ্বকাপ ক্ৰিকেট প্ৰতিযোগিতাত মন্থৰ গতিত বেটিং কৰাৰ বাবে সমালোচনাৰো সন্মুখীন হৈছিল ক্ৰিকেটাৰগৰাকী।