Magh Bihu Wishes: মাঘ বিহুত আপোনজনক এইদৰে জনাওক শুভেচ্ছা

আজি ভোগালীৰ উৰুকা। সমগ্ৰ অসমবাসীয়ে অতি উলহ–মালহেৰে এই বিহুৰ বাবে প্ৰস্তুতি চলাইছে। মহিলাসকলে লাৰু, পিঠা বনোৱাৰ পৰা আৰম্ভ কৰি যুৱকসকলৰ ভেলাঘৰ নিৰ্মাণেৰে অসমবাসী এতিয়া সাজু হৈছে মাঘ বিহু উগযাপন কৰিবলৈ। এই বিহু কৃষিৰ সৈতে জড়িত এক উৎসৱ। মাঘ বিহু তথা ভোগালী বিহু বিশেষকৈ শস্য চপোৱা বতৰৰ সমাপ্তি আৰু নতুন শস্য ৰোৱাৰ আৰম্ভণিক উদযাপন কৰিবলৈ পালন কৰা হয়। মাঘ বিহুৰ উৰুকাৰ নিশা সকলোৱা আপোনজনৰ সৈতে এসাজ খাই বিহু উদযাপন কৰে। মাছ–মঙহ আৰু বিভিন্ন সুস্বাদু আহাৰেৰে ভোজ–ভাত খাই বিহুৰ দিনা পুৱা মেজি জ্বলাই সকলোৰে আশো–আৰোগ্য কামনা কৰি মাঘ বিহুক আদৰে সকলোৱে। অসমীয়াৰ প্ৰাণৰো প্ৰাণ বিহুত সকলোৱে প্ৰিয়জনৰ মংগল কামনা কৰে আৰু ইজনে আনজনক শুভেচ্ছা দিয়ে। আজি–কালি দূৰৈত তথা নিজৰ আপোন মানুহ, পৰিয়াল তথা বন্দু–বান্ধৱীক বিহুৰ শুভেচ্ছা জনাবলৈ মেছেজ দিয়ে। ভোগালী তথা মাঘ বিহুত আপোনজনক প্ৰেৰণ কৰক এইসমূহ শুভেচ্ছা বাৰ্তা।

আপোনাক ভোগালীৰ ওলগ জনালো। মেজিৰ জুইয়ে যেন সকলো অমংগল, হিংসা-বিদ্বেষ পুৰি শেষ কৰে তাৰেই কামনা কৰিছো।

সকলোকে আগতিয়াকৈ মাঘ বিহুৰ শুভেচ্ছা জ্ঞাপন কৰিছো। আশা কৰো আপোনাৰ আগন্তুক দিনবোৰ কুশলে যায় তাৰেই কামনা কৰিছো।

ভোগালী বিহুয়ে সকলোৰে জীৱনলৈ সূখ সমৃদ্ধি কঢ়িয়াই আনক। ভাতৃত্ববোধৰ এনাজৰী ডাল আৰু সুদৃঢ় কৰক।

মেজিৰ পৱিত্র জুইয়ে সকলোৰে হৃদয় উমাল কৰি তোলক। তাৰেই কামনা কৰিছো।

ভোগালীৰ ওলগ জনালো। এই বিহুয়ে প্রতিজন অসমীয়াৰ জীৱনলৈ কঢ়িয়াই আনক অনাবিল সুখ, শান্তি আৰু সমৃদ্ধিৰ বতৰা।

তোমালৈ মাঘ বিহুৰ হিয়াভৰা শুভকামনা জনালো। ভোগৰ উৎসৱ ভােগালীয়ে সকলােৰে মনবােৰ সমৃদ্ধ কৰি তোলক।

অনাগত দিনবোৰ ভোগালীৰ ভোগেৰে উপচি পৰক তাৰেই শুভকামনাৰে শুভ মাঘ বিহু।

ভোগালী বিহুৰ হিয়াভৰা ওলগ জনালো। ভোগালীৰ ভোগে জীপাল কৰক অসমবাসীৰ মন।

প্ৰীতিৰ ভোজে সুদৃঢ় কৰক সম্প্ৰীতিৰ এনাজৰী।ভোগালী বিহুৰ আন্তৰিক শুভকামনা।

উৰুকাৰ এই ক্ষণত সকলোকে ভোগালী বিহুৰ আন্তৰিক ওলগ আৰু শুভেচ্ছা জ্ঞাপন কৰিলোঁ।