LPG Cylinder : ৬৩৪ টকাটে এতিয়া পাব ৰন্ধন গেছৰ চিলিণ্ডাৰ, অনা–নিয়াতো নহয় সমস্যা

সময়ৰ লগে লগে এতিয়া ৰন্ধন গেছৰ চিলিণ্ডাৰো সলনি হৈছে। কোম্পানীয়ে এতিয়া ঘৰুৱা গেছ চিলিণ্ডাৰো সলনি কৰা আৰম্ভ কৰিছে। সাধাৰণ গেছ চিলিণ্ডাৰৰ সলনি এতিয়া আহিছে কম্পজিট গেছ চিলিণ্ডাৰ (Composite Gas Cylinder)। ওজনত কম এই চিলিণ্ডাৰৰ দাম দিল্লীত ৬৩৪ টকাত কিনিব পাৰিব। জয়পুৰৰ গ্ৰাহকৰ বাবে ইয়াৰ দাম ৬৩৭ টকা।

কম্পজিট গেছ চিলিণ্ডাৰত ১০ কিলোগ্ৰাম গেছ থাকে। কম্পজিট চিলিণ্ডাৰ কম ওজনৰ হোৱা বাবে ইয়াক অনা–নিয়াৰ ক্ষেত্ৰতো বিশেষ সমস্যা নহয়। যিসকলৰ ঘৰত কম গেছ খৰচ হয়, তেওঁলোকৰ বাবে এই চিলিণ্ডাৰ ভাল বিকল্প হ’ব।

কি এই কম্পজিট গেছ চিলিণ্ডাৰ

কম্পজিট গেছ চিলিণ্ডাৰ লোহাৰ চিলিণ্ডাৰৰ তুলনাত ৭ কিলোগ্ৰাম কম ওজনৰ হয়। এতিয়া যি ঘৰুৱা চিলিণ্ডাৰ ব্যৱহাৰ হৈ আছে তাৰ ওজন ১৭ কিলোগ্ৰাম। কম্পজিট চিলিণ্ডাৰ পাতল যদিও মজবুত। ইয়াত তিনিটা লেয়াৰ থাকে। এতিয়া ১০ কিলোগ্ৰামৰ কম্পজিট চিলিণ্ডাৰত ১০ কিলোগ্ৰামে গেছ থাকিব। ইয়াৰ মুঠ ওজন হ’ব ২০ কিলোগ্ৰাম। আনহাতে, সাধাৰণ চিলিণ্ডাৰৰ ওজন ৩০ িকলোগ্ৰামৰো অধিক হয়।

পৃথক পৃথক চহৰত কম্পজিট চিলিণ্ডাৰৰ দাম

ইণ্ডিয়ান অইলৰ মতে, ১০ কিলোগ্ৰাম গেছৰ কম্পজিট চিলিণ্ডাৰ মুম্বাইত ৬৩৪ টকাত কিনিব পাৰিব। কলকাতাত ইয়াৰ দাম ৬৫২ টকা আৰু চেন্নাইত ইয়াক পোৱা যাব ৬৪৫ টকাত। আনহাতে, লক্ষ্ণৌত ইয়াৰ দাম ৬৬০ টকা, পাটনাত ৬৯৭ টকা, ইন্দোৰত ৬৫৩ টকা, ভূপালত ৬৩৮ টকা গোলখপুৰত ৬৭৭ টকা।