শ্ৰীলংকা ভ্ৰমণলৈ নাযায় ভাৰতৰ দুই মুখ্য বেটিং স্তম্ভ বিৰাট কোহলী আৰু ৰোহিত শৰ্মা!

ভাৰতীয় ক্ৰিকেট ব'ৰ্ডৰ অধ্যক্ষ সৌৰভ গাংগুলীয়ে দেওবাৰে কয় যে ভাৰতীয় দলটোৱে শীৰ্ষ খেলুৱৈ অবিহনে জুলাইত সীমিত অভাৰৰ শৃংখলাৰ বাবে শ্ৰীলংকা ভ্ৰমণ কৰিব। অধিনায়ক বিৰাট কোহলী আৰু ৰোহিত শৰ্মাৰ দৰে ডাঙৰ খেলুৱৈসকল এই ভ্ৰমণৰ অংশ নহ'ব কিয়নো তেওঁলোকে বৰ্তমান ইংলেণ্ডৰ বিৰুদ্ধে পাঁচখন খেলৰ টেষ্ট শৃংখলাৰ বাবে প্ৰস্তুতি চলাই আছে। এই শৃংখলাৰ সৈতে, বিচিচিআইয়ে বাকী থকা আই পি এল খেলৰ আগতে খেলুৱৈসকলক সাজু ৰাখিব বিচাৰে।

'আমি জুলাই মাহত জ্যেষ্ঠ পুৰুষ দলৰ বাবে এটা সীমিত অভাৰৰ শৃংখলাৰ পৰিকল্পনা কৰিছো, য'ত তেওঁলোকে শ্ৰীলংকাত টি-২০ আৰু এদিনীয়া খেল খেলিব,' সৌৰভ গাংগুলীয়ে কয়। দুটা পৃথক ভাৰতীয় দলৰ বিষয়ে সোধাত প্ৰাক্তন অধিনায়কজনে কয় যে সীমিত অভাৰৰ শৃংখলাত অংশগ্ৰহণ কৰা দলটো ইংলেণ্ড ভ্ৰমণ কৰা দলতকৈ পৃথক হ'ব। তেওঁ ক'লে, 'এয়া বগা বল বিশেষজ্ঞৰ এটা দল হ'ব। এই দলটো ইংলেণ্ডলৈ যোৱা দলতকৈ বেলেগ হ'ব।