உங்கள் மாவட்டத்தைத் தேர்வுசெய்க

    • Home
    • »
    • News
    • »
    • lifestyle
    • »
    • NetraSuraksha| আপুনি ডায়েবেটিচত আক্ৰান্ত নেকি? আপোনাৰ দৃষ্টিশক্তিৰ প্ৰতি মনোযোগ দিয়ক

    NetraSuraksha| আপুনি ডায়েবেটিচত আক্ৰান্ত নেকি? আপোনাৰ দৃষ্টিশক্তিৰ প্ৰতি মনোযোগ দিয়ক

    • Share this:
    NetraSuraksha স্ব-পৰীক্ষা ইয়াত কৰাওক

    ডায়েবেটিচৰ আশংকা ক্ৰমান্বয়ে বৃদ্ধি পাইছে। ইণ্টাৰনেশ্যনেল ডায়েবেটিচ ফেডাৰেশ্যন এটলাচ 2019ৰ অনুসৰি, 2000 চনত অনুমানিক 151 নিযুত ডায়েবেটিচৰ ৰোগী আছিল1। ইয়াত 20-79 বছৰ বয়সীয়া, টাইপ 1 আৰু টাইপ 2, ৰোগ নিৰ্ণয় হোৱা আৰু নোহোৱা লোকো অন্তৰ্ভুক্ত আছিল1। সেই সময়ত, এয়া আছিল বিশ্বব্যাপী জনসংখ্যাৰ 4.6%1। 2019 চনত, এই মুঠ সংখ্যা 463 নিযুতলৈ বৃদ্ধি হৈছিল, যিটো জনসংখ্যাৰ 9.3% আছিল1। এই সংখ্যাটো 2030 চনত 578 নিযুত লোকলৈ বৃদ্ধি হোৱাৰ সম্ভাৱনা আছে (বিশ্বব্যাপী জনসংখ্যাৰ 10.2%)1। ক’বলৈ গ’লে সেয়া হৈছে প্ৰতি 10 গৰাকীৰ ভিতৰত 1 গৰাকী।



    আটাইতকৈ চিন্তাৰ বিষয়টো হ'ল যে ডায়েবেটিচত আক্ৰান্ত প্ৰায় আধা লোকৰ ৰোগেই ধৰা নপৰে1। এনে কিয় হয়? ইয়াৰ প্ৰধান কাৰণ হৈছে ডায়েবেটিচৰ সচৰাচৰ লক্ষণবোৰ আন উৎসৰ বাবে হৈছে বুলি ভুল বুজাটো সহজ: যেনে, ভাগৰ অনুভৱ কৰা আৰু দুৰ্বল যেন লগা, অত্যধিক পিয়াহ লগা, সঘনাই প্ৰস্ৰাৱ লগা, সঘনাই ভোক লগা - এইবোৰ চকুতো নপৰে, কিয়নো এইবোৰ ক্ৰমান্বয়ে লাহে-ধীৰে ঘটে1। কিছু লোকৰ ক্ষেত্ৰত, ডায়েবেটিচৰ ফলত বিচনাত প্ৰস্ৰাৱ কৰা, হঠাতে ওজন হ্ৰাস হোৱা আৰু দৃষ্টি শক্তি1, অস্পষ্ট হোৱা আদি সাধাৰণতে চিকিৎসকৰ ওচৰলৈ যোৱাৰ বিজুতি ঘটে, আৰু সৌভাগ্যক্ৰমে ৰোগ ধৰাও পৰে।



    এবাৰ ধৰা পৰাৰ পিছত, ডায়েবেটিচ (বিশেষকৈ টাইপ 2 ডায়েবেটিচ) অতি কাৰ্যকৰীভাৱে নিয়ন্ত্ৰণ কৰিব পাৰি- নিয়মীয়া ব্যায়াম, আহাৰৰ পৰিৱৰ্তন, আৰু ঔষধৰ যোগেদি, ডায়েবেটিচ থকা অধিকাংশ লোকেই দেখিছে যে তেওঁলোকৰ দৈনন্দিন জীৱন গুৰুতৰভাৱে প্ৰভাৱিত নহয়। আনকি, যদি সোনকালে ধৰা পৰে, টাইপ 2 ডায়েবেটিচ এতিয়া ৰিভাৰ্ছিবল বুলিও গণ্য কৰা হয়2।



    কিন্তু ভালদৰে নিয়ন্ত্ৰণ নকৰিলে ডায়েবেটিচে শৰীৰত কেইবাটাও জটিলতাৰ সৃষ্টি কৰিব পাৰে। 2019 চনত, 20-79 বছৰ বয়সৰ 4.2 নিযুত প্ৰাপ্তবয়স্কৰ মৃত্যু ডায়েবেটিচ আৰু সম্পৰ্কীয় জটিলতাৰ ফলত হৈচিল বুলি অনুমান কৰা হৈছিল1।

    • ডায়েবেটিচ, উচ্চ ৰক্তচাপ, বা দুয়োটাৰ সংমিশ্ৰণে বিশ্বব্যাপী 80% অন্তিম পৰ্যায়ৰ বৃক্কৰোগৰ সৃষ্টি কৰাৰ বাবে দায়ী1।

    • ডায়েবেটিচ আৰু দীৰ্ঘম্যাদী বৃক্কৰ ৰোগ দুয়োটাই কাৰ্ডিঅ’ভাস্কুলাৰ ৰোগৰ সৈতে দৃঢ়ভাৱে জড়িত1।

    • ডায়েবেটিক ফুট আৰু হাত-ভৰিৰ জটিলতা, যি বিশ্বব্যাপী ডায়েবেটিচ থকা 40 ৰ পৰা 60 নিযুত লোকক প্ৰভাৱিত কৰে, ডায়েবেটিচ থকা লোকসকলৰ অসুস্থতাৰ এক গুৰুত্বপূৰ্ণ উৎস1।

    • দীৰ্ঘম্যাদী আলচাৰ আৰু অংগচ্ছেদৰ ফলত জীৱনৰ মান যথেষ্ট হ্ৰাস হয় আৰু আগতীয়া মৃত্যুৰ আশংকা বৃদ্ধি হয়1।




    ইয়াৰ উপৰিও, ডায়েবেটিক চকুৰ ৰোগ হৈছে ডায়েবেটিচৰ এক অতি আশংকাপূৰ্ণ জটিলতা, আৰু প্ৰধানকৈ ডায়েবেটিক ৰেটিনোপেথী, ডায়েবেটিক মেকুলাৰ ইডিমা, ছানি পৰা আৰু গ্লুকোমাৰ দ্বাৰা গঠিত, লগতে দুটাকৈ দেখা পোৱা আৰু মনোযোগ হেৰুওৱাটোও অন্তৰ্ভুক্ত1। অধিকাংশ দেশতে, ডায়েবেটিক ৰেটিনোপেথীক ভয়ংকৰ ব্যক্তিগত আৰু আৰ্থ-সামাজিক প্ৰভাৱৰ সৈতে কৰ্মৰত শ্ৰেণীৰ মাজৰ জনসংখ্যাত অন্ধত্বৰ এক মুখ্য কাৰণ বুলি স্বীকাৰ কৰা হয়1। তামিলনাডুত 2013 চনত কৰা এক অধ্যয়ন অনুসৰি, 2025 চনলৈকে ভাৰতত ডায়েবেটিচ থকা প্ৰায় 57 নিযুত লোক ৰেটিনোপেথীত আক্ৰান্ত হ'ব3। এইটো এটা ভয়াৱহ পৰিসংখ্যা।



    ই অধিক বেয়া হোৱাৰ কাৰণ হৈছে প্ৰাৰম্ভিক পৰ্যায়ত, ডায়েবেটিক ৰেটিনোপেথী প্ৰায় সম্পূৰ্ণৰূপে লক্ষণহীন। ইয়াৰ অৰ্থ হৈছে যে আপুনি লক্ষণবোৰ দেখা পোৱালৈকে, চকুৰ কিছু ক্ষতি ইতিমধ্যে ঘটে। অৱশ্যে, ডি.আৰ.ত ধৰা পৰাৰে পৰা, ইয়াক নিয়ন্ত্ৰণ কৰিব পাৰি, আৰু অধিক ক্ষতি প্ৰতিৰোধ কৰিব পাৰি।



    তেন্তে ডায়েবেটিক ৰেটিনোপেথীয়ে দৃষ্টিশক্তিক কেনেদৰে ক্ষতিগ্ৰস্ত কৰে? উচ্চ ৰক্ত শৰ্কৰাৰ স্তৰ, যেতিয়া নিয়ন্ত্ৰণহীন কৰি ৰখা হয়, আপোনাৰ ৰেটিনা স্বাস্থ্যৱান কৰি ৰখা সৰু ৰক্ত নলীবোৰত অৱৰোধ সৃষ্টি কৰে। ৰেটিনা হৈছে চকুৰ পিছফালে থকা এক আৱৰণ যি পোহৰক ছবিলৈ প্ৰক্ৰিয়া কৰে। ৰক্তনলীবোৰ ফুলি যাব পাৰে, তৰল নিগৰিব পাৰে, বা ৰক্তক্ষৰণ হ’বও পাৰে, যাৰ ফলত প্ৰায়ে দৃষ্টিশক্তি পৰিৱৰ্তন বা অন্ধত্ব নামি আহে2।



    ৰেটিনা চছাইটি অৱ ইণ্ডিয়াৰ যুটীয়া সচিব ড০ মনীষা আগৰৱালাৰ মতে, প্ৰাৰম্ভিক লক্ষণবোৰৰ ভিতৰত এটা হৈছে পঢ়াত নিৰন্তৰ অসুবিধাৰ সন্মুখীন হোৱা, যিটো চশমাৰ সলনি কৰিলেও আঁতৰি নাযায়। এইটো এটা প্ৰাৰম্ভিক লক্ষণ যাক সহজভাৱে লোৱাটো উচিত নহয়। যদি উপেক্ষা কৰা হয়, তেন্তে দৃষ্টিৰ পৰিসৰত ক'লা বা ৰঙা দাগৰ ডাৱৰ বৃদ্ধি হ'ব পাৰে, বা আনকি চকুৰ ৰক্তক্ষৰণৰ ফলত হঠাতে ব্লেকআউট হ'ব পাৰে।



    ভাল খবৰটো হৈছে যে ডায়েবেটিক ৰেটিনোপেথী 100% প্ৰতিৰোধযোগ্য4 । ডায়েবেটিক ৰেটিনোপেথীক প্ৰতিৰোধ কৰাৰ সৰ্বশ্ৰেষ্ঠ উপায় হ'ল ই অধিক লক্ষণীয় (symptomatic) হৈ পৰাৰ আগতেই চিনাক্ত কৰা। ইয়াৰ বাবে চকুৰ চিকিৎসকৰ ওচৰত এক সৰল, বিষহীন আৰু নিয়মীয়া চকু পৰীক্ষা কৰাব লাগে (চশমাৰ দোকানত নহয়!)4। বেছিভাগ লোকেই এই বিষয়ে অজ্ঞ।



    এই সজাগতাৰ অভাৱ নোহোৱা কৰিবলৈ, Novartisৰ সহযোগত Network18এ 'Netra Suraksha' - India Against Diabetes initiative, উদ্যোগ আৰম্ভ কৰিছে। এই অভিযানৰ সময়ছোৱাত, Network18-এ ডায়েবেটিক ৰেটিনোপেথীৰ চিনাক্তকৰণ, প্ৰতিৰোধ আৰু চিকিৎসাৰ ওপৰত গুৰুত্ব দি কেইবাটাও ঘূৰণীয়া মেজৰ আলোচনা সম্প্ৰচাৰ কৰিব। এই আলোচনা, ব্যাখ্যাকাৰী ভিডিঅ' আৰু প্ৰবন্ধৰ জৰিয়তে এই বিষয়টো সম্পৰ্কে, Network18-এ ডায়েবেটিক ৰেটিনোপেথীৰ প্ৰৱণতা থকা লোকসকলক তেওঁলোকৰ প্ৰয়োজনীয় পৰীক্ষা আৰু চিকিৎসা প্ৰাপ্ত কৰিবলৈ উৎসাহিত কৰিব বুলি আশা কৰে।



    আপুনি কেনেদৰে আৰম্ভ কৰিব পাৰে? আপুনি নিজেই অনলাইন Diabetic Retinopathy Self Check Up কৰি আৰম্ভ কৰক। তাৰ পিছত, বন্ধুবৰ্গ আৰু পৰিয়ালকো পৰীক্ষা কৰাবলৈ অনুৰোধ কৰক। নিজকে আৰু প্ৰিয়জনৰ ডায়েবেটিচ পৰীক্ষা কৰাওক, আৰু আপোনাৰ পাৰিবাৰিক কেলেণ্ডাৰত বাৰ্ষিক চকু পৰীক্ষা নিয়মীয়াকৈ আৰম্ভ কৰক। ইয়াক বছৰটোত এনে তাৰিখৰ সৈতে সংৰেখিত কৰক যাতে ই নিয়মীয়া হৈ পৰে, আৰু কৰাবলৈ কেতিয়াও নাপাহৰে।



    আপোনাৰ দৃষ্টিশক্তি হৈছে এক অমূল্য সম্পদ। আপুনি পৰিয়ালৰ প্ৰথমজন হওক যিয়ে ইয়াক গুৰুত্ব, মনোযোগ আৰু যত্ন দিব। এক উজ্জ্বল ভৱিষ্যতৰ বাবে বিনিয়োগ কৰা আৰু পৰিয়ালৰ যত্ন লোৱাৰ প্ৰতিটো পদক্ষেপতে আপুনি উপস্থিত থাকিব লাগিব। গতিকে, কৰি দেখুৱাওক। সক্ৰিয় হওক। নিজৰ যত্ন লওক আৰু আনে অনুসৰণ কৰাৰ বাবে এটা উদাহৰণ স্থাপন কৰক। আৰু লগতে বিষয়টো প্ৰচাৰ কৰক।



    Netra Suraksha initiativeৰ বিষয়ে অধিক আপডেট পাই থাকিবৰ বাবে News18.com অনুসৰণ কৰক আৰু ডায়েবেটিক ৰেটিন’পেথীৰ বিৰুদ্ধে ভাৰতৰ এই যুদ্ধত অংশগ্ৰহণ কৰক।



    1. IDF Atlas, International Diabetes Federation, 9th edition, 2019 10 Dec, 2021

    2. https://www.nei.nih.gov/learn-about-eye-health/eye-conditions-and-diseases/diabetic-retinopathy 10 Dec, 2021

    3. Balasubramaniyan N, Ganesh KS, Ramesh BK, Subitha L. Awareness and practices on eye effects among people with diabetes in rural Tamil Nadu, India. Afri Health Sci. 2016;16(1): 210-217.


    https://youtu.be/nmMBudzi4zc 29 Dec, 2021
    First published: