যৌন সম্পৰ্ক স্থাপনৰ সময়ত অন্য নাৰীলৈ মনত পৰিছে? সমস্যা ক’ত? জনাইছে বিশেষজ্ঞই

বিশেষজ্ঞা পল্লৱী বাৰ্নৱালে এটা কথা বাৰে বাৰে কৈছে যে, যৌন কাৰ্য নিঃসন্দেহে এটা শাৰীৰিক সম্পৰ্কৰ কথা। কিন্তু আৰম্ভণিতে এই ক্ষেত্ৰত শাৰীৰিক নিয়ন্ত্ৰণ থকাতো ভাল! মনে যিধৰণে বিচাৰিছে, যিদৰে ভাবিছে, ঠিক সেইদৰেই যৌন কাৰ্যত লিপ্ত হয়। মনৰ নিৰ্দেশ মতেই, সংগীক শাৰীৰিক তৃপ্তি প্ৰদান কৰে বা নিজেও লাভ কৰে যৌন সুখ। কল্পনাই যৌনতাক অধিক ৰোমাঞ্চিত কৰি তোলে।

কিন্তু স্বাভাৱিক যৌন কাৰ্যৰ সময়ত যদি চকুৰ সন্মুখলৈ ভাহি আহে আন কাৰোবাৰ মুখ? সংগীয়ে পৰিচিত কোনো লোকক কল্পনা কৰাৰ ইচ্ছা কৰে? এয়া স্বাভাৱিকনে?

পল্লৱীয়ে জনাইছে যে, ইয়াক এটা নিৰ্দিষ্ট সীমা পৰ্যন্ত স্বাভাৱিক বুলিয়েই গণ্য কৰা হয়। এই ক্ষেত্ৰত তেওঁ নাম প্ৰকাশ নকৰি এজন যুৱকৰ কথা উল্লেখ কৰিছে। যুৱকজনে প্ৰশ্ন কৰিছিল যে, যৌনতাৰ মাজত পত্নীক অন্য কোনো নাৰী বুলি ভাবি নল’লে তেওঁৰ উত্তেজনা হ্ৰাস পায়। এই ক্ষেত্ৰত তেওঁ অন্য পৰিচিত কোনো মহিলাক কল্পনা কৰি লয়। আৰু তেওঁৰ নামধৰি পত্নীক সম্বোধন কৰে। পত্নীয়ে এই কথা বিশেষ মন নকৰিলেও শাৰীৰিক সম্পৰ্কৰ পিছত বিষয়টোৱে যুৱকৰ মনত অপৰাধবোধৰ জন্ম দিয়ে।

বহুলোকে যৌন কাৰ্যৰ সময়ত নিজৰ সংগীৰ ঠাইত অন্য মহিলা বা পুৰুষক কল্পনা কৰি থাকে। এই কথা কৈছে পল্লৱীয়ে। পল্লৱীৰ মতে, এয়া স্বাভাৱিকেই। কিন্তু এয়াই যদি ফেটিশ বা যৌন ইচ্ছা হয়, সেই কথা সংগীক খুলি ক’ব লাগে। তেওঁ কিদৰে বিষয়টো গ্ৰহণ কৰিছে,সেয়া বুজাব লাগিব। যদি তেওঁ অপমান বোধ কৰে, তেন্তে নিজকে সংযত কৰিব লাগিব। নহ’লে সংসাৰত পৰিব নেতিবাচক প্ৰভাৱ। এই কথা উল্লেখ কৰিছে পল্লৱীয়ে।