Side Effects Of Jamun: যদি আপুনি এনে সমস্যাত ভুগি আছে তেন্তে জামু নাখাব, উপকাৰতকৈ অপকাৰৰ আশংকা থাকে

গ্ৰীষ্মকালত (Summer) জামু (Jamun) খাবলৈ কোনে ভাল নাপায়। এই গাঢ় বেঙুনীয়া ফলটোক পুষ্টিৰ শক্তিগৃহ বুলিও কোৱা হয়। সোৱাদসমৃদ্ধ এই ফলৰ বহুতো ঔষধি গুণ আছে আৰু সেয়েহে ইয়াক বছৰ বছৰ ধৰি আয়ুৰ্বেদ আৰু ইউনানী ঔষধত ব্যৱহাৰ কৰা হৈছে। ইয়াৰ ব্যৱহাৰে মানৱ শৰীৰক বহুতো মাৰাত্মক ৰোগৰ পৰা সুৰক্ষিত কৰাত সহায় কৰে। ই কেৱল ৰোগ প্ৰতিৰোধ ক্ষমতা শক্তিশালীয়েই নকৰে, লগতে শৰীৰৰ ৰক্তশৰ্কৰাও নিয়ন্ত্ৰণ কৰে। কিন্তু ইমানবোৰ গুণ থকা সত্ত্বেও কিছুমান লোকক সেইবোৰ গ্ৰহণ কৰিবলৈ নিষেধ কৰা হৈছে। জামু খোৱাৰ আগতে কেনে লোকে চিকিৎসকৰ পৰামৰ্শ লোৱা প্ৰয়োজন সেয়া জানি লওক।

 ৰক্ত শৰ্কৰাৰ সমস্যা

উচ্চ ৰক্তচাপ থকা ৰোগীসকলৰ বাবে জামু খোৱাটো অত্যন্ত উপকাৰী বুলি গণ্য কৰা হয়। আয়ুৰ্বেদত ৰক্ত শৰ্কৰা নিয়ন্ত্ৰণ কৰিবলৈ আহাৰত জামুৰ পাউডাৰ বা জামু অন্তৰ্ভুক্ত কৰাৰ পৰামৰ্শ দিয়ে। কিন্তু কোনো কোনোৱে ডায়েবেটিছ নিয়ন্ত্ৰণ বা উচ্চ ৰক্তচাপ কমাবৰ বাবে অত্যধিক জামু খায়, যাৰ ফলত নিম্ন ৰক্তচাপ হয়। এই ক্ষেত্ৰত ইয়াক সেৱন কৰাৰ আগতে চিকিৎসকৰ পৰামৰ্শ লওক।

কোষ্ঠকাঠিন্য

যদি আপুনি কোষ্ঠ্যকাঠিন্যত ভুগি আছে, তেন্তে জানি ল'ব যে জামুত প্ৰচুৰ মাত্ৰাত ভিটামিন চি থাকে। এনে ক্ষেত্ৰত অত্যধিক সেৱন কৰিলে কোষ্ঠকাঠিন্যৰ সমস্যাও বৃদ্ধি হ'ব পাৰে।

শালমনৰ সমস্যা

যদি আপোনাৰ ছাল তৈলাক্ত আৰু শালমন আপোনাৰ মুখত ওলাই থাকে, এনে অৱস্থাত যদি আপুনি অত্যধিক জামু সেৱন কৰে, আপোনাৰ মুখমণ্ডলত অধিক শালমন ওলাব পাৰে।

বমি হোৱা

বহুতে জামু খোৱাৰ পিছত বমি হোৱাৰ অভিযোগ কৰে। এইক্ষেত্ৰত, আৰম্ভণিতে আপুনি দুটা বা তিনিটা জামু খাই ল'ব লাগে। ইয়াৰ পিছত যদি একো নহয়, তেন্তে আৰু কিছু জামু গ্ৰহণ কৰিব পাৰে।

অস্ত্ৰোপচাৰ কৰাৰ আগে–পিছে

দৰাচলতে জামুৱে ৰক্ত শৰ্কৰা বা ব্লাড ছুগাৰ নিয়ন্ত্ৰণ কৰে আৰু উচ্চ ৰক্ত চাপ হ্ৰাস কৰাত সহায় কৰে। অস্ত্ৰোপচাৰৰ সময়ত আৰু ইয়াৰ আগে–পিছে জামু খোৱা পৰিহাৰ কৰিব লাগে। যদি কোনো অস্ত্ৰোপচাৰ কৰিব লগা আছে, তেন্তে অস্ত্ৰোপচাৰৰ কমেও ২ সপ্তাহ আগতে জামু খোৱা বন্ধ কৰক।

তেজ গোট মৰা

যদি আপোনাৰ এথেৰোচক্লেৰোছিছ আৰু তেজ গোট মৰা সম্পৰ্কীয় কোনো সমস্যা থাকে, তেন্তে আপুনি জামু খোৱা পৰিহাৰ কৰা উচিত। ই আপোনাৰ সমস্যাটো বৃদ্ধি কৰিব পাৰে।

বাতৰ সমস্যা

ইয়াৰ গ্ৰহণে বাত দোষৰ সম্ভাৱনা বৃদ্ধি কৰে। এই ক্ষেত্ৰত যদি আপোনাৰ বাত দোষৰ সমস্যা আছে তেনেহ'লে জামু খোৱা পৰিহাৰ কৰিব।