কেনে ধৰণৰ শাৰীৰিক পৰিৱৰ্তনে ল’ৰাৰ কৈশোৰ কালৰ ইংগিত বহন কৰে? জনালে বিশেষজ্ঞই

কৈশোৰ কাল ল’ৰা বা ছোৱালীৰ বাবে অত্যন্ত গুৰুত্বপূৰ্ণ। কৈশোৰ কালতে ল’ৰা বা ছোৱালীৰ শাৰীৰিক আৰু মানসিক দিশত পৰিৱৰ্তন অহা পৰিলক্ষিত হয়। ছোৱালীৰ বয়সন্ধি কালৰ বিষয়ে বিভিন্নসময়ত আলোচনা কৰা হয়। কিন্তু এই সময়ত শাৰীৰিক বা মানসিক ভাবে ল’ৰাৰ কি কি পৰিৱৰ্তন হয়, তাৰ বিষয়ে বিস্তৃত ভাবে আলোচনা কৰা দেখা নাযায়। পিছে এইবাৰ বিষয়টোৰ সন্দৰ্ভত বিস্তৃৰ্ত  বাখ্যা আগবঢ়াইছে পল্লৱী বৰ্নৱালে।

পল্লৱীৰ বক্তব্য অনুসৰি, বসঃসন্ধিকালত পুৰুষৰ শাৰীৰিক দিশত অহা পৰিৱৰ্তনসমূহ-

১. সৰ্বপ্ৰথমে পল্লৱীয়ে জনাইছে যে, সাধাৰণতে ১২ৰ পৰা ১৪ বছৰ বয়সৰ ভিতৰত ল’ৰাৰ শৰীৰলৈ কিছু পৰিৱৰ্তন আহে। ইয়াৰ মাজত তিনিটা পৰিৱৰ্তন মন কৰিবলগীয়া-

• পুৰুষাংগৰ ওপৰ অংশলৈ পৰিৱৰ্তন আহে।


• শুক্ৰাশয়ৰ আকাৰ বৃদ্ধি হয়।


• শুক্ৰথলিৰ চালৰ ৰং কিছু পৰিমাণে ৰঙা হয়।

২. ইয়াৰ পিছৰ ৪ৰ পৰা ৫ বছৰৰ ভিতৰত শৰীৰত কি কি পৰিৱৰ্তন দেখা যায়, সেয়াও জনাইছে পল্লৱীয়ে-

• পুৰুষাংগ আৰু শুক্ৰাশয়ৰ আকাৰ ডাঙৰ হয়।


• কণ্ঠস্বৰ সলনি হয়।


• মুখত কেতিয়ালা গুটি উঠে।


• উচ্চতাৰ পৰিৱৰ্তন হয়।


• যৌনকামনাৰ টান স্পষ্ট হৈ পৰে। বহুতৰ ৰাতিৰ উত্তেজনাৰ ফলত বিৰ্যস্খলন হয়।

৩. ইয়াৰ পিছৰ ৪ৰ পৰা ৫ বছৰৰ ভিতৰত যৌনাংগ প্ৰাপ্তবয়স্ক পুৰুষৰ দৰে হৈ পৰে শুক্ৰথলিৰ ৰং সম্পূৰ্ণ ভাবে ক’লা ৰঙৰ হয়। দাড়ি আৰু গোফ ওলায়।

৪. লগে লগে পল্লৱীয়ে মানসিক পৰিৱৰ্তনৰ দিশতো সজাগ কৰিছে। সেই সময়ত ঘনে ঘনে মুড চুইং হয়। এক সংবেদনশীল পৰ্যায়লৈ যায়।