Curd Side Effects : এইসকল লোকে খাব নেলাগে দৈ, হ'ব পাৰে ডাঙৰ লোকচানৰ সন্মুখীন...

দৈৰ নিয়মিত সেৱনে সাধাৰণতে শৰীৰ স্বাস্থ্যৱান কৰি ৰাখে। দৈ (Curd)ৰ সেৱন স্বাস্থ্যৰ কাৰণে যথেষ্ট লাভদায়ক। দৈত কেলছিয়াম (Calcium) থকা বাবে ই হাঁড়ৰ (Bones)ৰ বাবে উপকাৰী। যদি দৈ নিয়মীয়াকৈ খাবলৈ অভ্যাস কৰে তেন্তে কলেষ্টেৰল (Cholesterol)আৰু উচ্চ ৰক্তচাপ (High BP)জনিত ৰোগ হ্ৰাস কৰাত ই সহায় কৰে। কিন্তু কিছুমানলোকৰ কাৰণে দৈ সেৱন কৰাৰ পৰিণাম খুবেই বিপদজনক হয়। যদি প্ৰয়োজনতকৈ দৈ সেৱনৰ মাত্ৰা বছি হয় তেতিয়াও ই স্বাস্থ্যৰ পক্ষে হানিকাৰক হৈ উঠে। জানোঁ আহক দৈৰ সেৱন কোন কোন লোকৰ বাবে হানিকাৰক...

আৰ্থাৰাইটিছ ৰোগীৰ বাবে-
সাধাৰণতে দৈৰ সেৱন হাড় আৰু দাঁতৰ বাবে বাল বুলি ধৰা হয়। কিন্তু আৰ্থাৰাইটিছৰ ৰোগীসকলে দৈৰ পৰা নিজকে আঁতৰাই ৰাখিব লাগে। দৈৰ সেৱনে ইয়াৰ বিষৰ সমস্যা আৰু বৃদ্ধি কৰে।

এজমা বা হাপানি ৰোগী-
যদি আপোনাৰ উশাহ-নিশাহৰ সৈতে জড়িত কিবা সমস্যা আছে বা যদি আপুনি এজমা বা হাপানি ৰোগৰ ৰোগী তেন্তে দৈৰ সেৱন একেবাৰে ত্যাগ কৰক। যদি কেতিয়াবা দৈ খাব লগীয়া হয় দিনতহে খাব ৰাতি কোনো কাৰণতে দৈ নেখাব।

গাখীৰৰ এলাৰ্জী-
যিসকলৰ বহুত বেছি লেক্টোজ ইনচোলাৰেন্স বা গাখীৰৰ এলাৰ্জীৰ সমস্যা আছে , তেওঁলোকে দৈ খাব নালাগে। এনে ধৰণৰ লোকে দৈ খালে ডায়েৰিয়া ৰোগ বা পেটৰ বিষৰ সমস্যা হ'ব পাৰে।

এচিডিটিৰ সমস্যা-
যিসকল লোকৰ অধিক এচিডিটিৰ সমস্যা আছে, তেওঁলোকে কেতিয়াও দৈ খাব নেলাগে। বিশেষকৈ ৰাতি দৈ খাবই নেলাগে।

(Disclaimer: এই নিবন্ধটোত উল্লেখিত সকলো তথ্য সাধাৰণ তথ্যৰ ওপৰত আধাৰিত।নিউজ১৮ অসম নৰ্থইষ্ট ইয়াৰ বাবে দায়বদ্ধ নহয়। এইবোৰ ব্যৱহাৰিক ভাবে গ্ৰহণ কৰাৰ আগতে সম্বন্ধিত বিশেষজ্ঞৰ সৈতে যোগাযোগ কৰি ল'ব।)