মুখ্যপৃষ্ঠা » খবৰ

» জীৱন শৈলী

»Summer Health Tip: গৰমৰ দিনত 'তিয়ঁহ' খাই খুব ভাল পায় নেকি? তিয়ঁহ খোৱাৰ পিছত ভুলতো নকৰিব এই কাম...

Summer Health Tip: গৰমৰ দিনত 'তিয়ঁহ' খাই খুব ভাল পায় নেকি? তিয়ঁহ খোৱাৰ পিছত ভুলতো নকৰিব এই কাম...

News18 Assam | News18-Assam
Updated:April 20, 2021, 5:13 PM IST
Summer Health Tip: গৰমৰ দিনত 'তিয়ঁহ' খাই খুব ভাল পায় নেকি? তিয়ঁহ খোৱাৰ পিছত ভুলতো নকৰিব এই কাম...
Cucumber in Summer : সাধাৰণতে তিয়ঁহ খালে কোষ্ঠকাঠিন্যতাৰ সমস্যা নিৰাময় হয় ৷ কিন্তু যদিহে আপুনি তিয়ঁহ খোৱাৰ পিছতেই পানী খায়, তেন্তে ইয়াৰ ফলত আপোনাৰ ডায়েৰিয়া আৰু পেটৰ সমস্যা হ'ব পাৰে।

Cucumber in Summer : সাধাৰণতে তিয়ঁহ খালে কোষ্ঠকাঠিন্যতাৰ সমস্যা নিৰাময় হয় ৷ কিন্তু যদিহে আপুনি তিয়ঁহ খোৱাৰ পিছতেই পানী খায়, তেন্তে ইয়াৰ ফলত আপোনাৰ ডায়েৰিয়া আৰু পেটৰ সমস্যা হ'ব পাৰে।

  • Share this:
গৰমৰ এই সময়ত মানুহে তিয়ঁহ খাবলৈ খুব ভাল পায় । ইয়ে শৰীৰক ঠাণ্ডা কৰি ৰখাৰ লগতে শৰীৰত পানীৰ অভাৱো পূৰণ কৰে । তিয়ঁহত সঠিক পৰিমাণৰ পানী আৰু অন্যান্য পুষ্টি থাকে। ইয়ে শৰীৰক হাইড্ৰেটেড কৰি ৰাখি ছালত উজ্জ্বলতা বৃদ্ধি কৰে । কিন্তু আপুনি জানেনে যে তিয়ঁহ খোৱাৰ পিছতেই যদি আপুনি পানী খায়, তেন্তে এই খোৱা পানীয়ে আপোনাৰ শৰীৰক প্ৰয়োজনীয় পুষ্টি প্ৰদান নকৰে ? ইয়াৰ ফলত হজম আৰু অৱশোষণৰ প্ৰাকৃতিক প্ৰক্ৰিয়াৰ যথেষ্ট ক্ষতি হয় ।

শৰীৰটো স্বাস্থ্যৱান কৰি ৰাখিবলৈ আপোনাৰ আহাৰত তিয়ঁহৰ চালাড অন্তৰ্ভূক্ত কৰিব। মানুহে তিয়ঁহ খাবলৈ খুব ভাল পায় । তিয়ঁহ সচৰাচৰ চালাডত ব্যৱহাৰ কৰা হয়। ইয়াত যথেষ্ট পানীৰ লগতে শৰীৰৰ বাবে অত্যাৱশ্যকীয় বহু পুষ্টিও আছে। তিয়ঁহত ভিটামিন চি, ভিটামিন কে, কপাৰ, মেগনেছিয়াম, পটেছিয়াম, মেংগানিজ আদি পুষ্টি থাকে। এই সকলোবোৰ উপাদানে গ্ৰীষ্মকালত শৰীৰ স্বাস্থ্যৱান কৰি ৰখাৰ বাবে অতি গুৰুত্বপূৰ্ণ। সেইকাৰণে গ্ৰীষ্মকালত ইয়াৰ গ্ৰহণ যথেষ্ট লাভজনক বুলি গণ্য কৰা হয়। কিন্তু তিয়ঁহ খোৱাৰ পিছত পানী খোৱাটোৱে স্বাস্থ্যৰ যথেষ্ট ক্ষতি হ’ব পাৰে ৷ তিয়ঁহ স্বাস্থ্যৰ বাবে উপকাৰী যদিও ইয়াৰ পিছত খোৱা পানীয়ে স্বাস্থ্যৰ ক্ষতি কৰে । সেয়েহে প্ৰথমে জানি লওক তিয়ঁহ খোৱাৰ পিছত গ্ৰহণ কৰা পানীয়ে কিদৰে ক্ষতিগ্ৰস্ত কৰিব পাৰে আপোনাৰ স্বাস্থ্য ?

তিয়ঁহ খোৱাৰ পিছত গ্ৰহণ কৰা পানীয়ে শৰীৰৰ এইধৰণৰ ক্ষতি কৰিব পাৰে -

১. তিয়ঁহত ৯৫ শতাংশ পানী থাকে। তিয়ঁহ ভিটামিন চি, ভিটামিন কে, তাম, মেগনেছিয়াম, পটাছিয়াম, মেংগানিজ আৰু গুৰুত্বপূৰ্ণভাৱে চিলিকাৰৰ দৰে অত্যাৱশ্যকীয় পুষ্টিৰে পৰিপূৰ্ণ ৷ যাক ছাল আৰু চুলিৰ বাবে অতি উপকাৰী বুলি গণ্য কৰা হয়। তিয়ঁহ খোৱাৰ পিছত গ্ৰহণ কৰা পানীয়ে আপোনাক এই অত্যাৱশ্যকীয় পুষ্টিবোৰৰ পৰা বঞ্চিত কৰিব পাৰে।

২. পুষ্টিগত উপাদান অৱশোষণৰ বাবে কেঁচা পাচলি আৰু ফল খোৱাৰ পিছত সদায় খোৱা পানী পৰিহাৰ কৰিবলৈ পৰামৰ্শ দিয়া হয় ।

৩. কেৱল তিয়ঁহয়েই নহয়, চিকিৎসকসকলে বিশ্বাস কৰে যে পানী সমৃদ্ধ ফল আৰু পাচলি যেনে তৰমুজ, আনাৰস আৰু ষ্ট্ৰবেৰী খোৱাৰ পিছতো পানী খাব নালাগে।

৪. তিয়ঁহ খোৱাৰ পিছত পানী খোৱাৰ ফলত জিআইৰ গতিশীলতা বৃদ্ধি হয়, যাৰ ফলত হজম আৰু অৱশোষণৰ প্ৰাকৃতিক প্ৰক্ৰিয়া ক্ষতিগ্ৰস্ত হয়।

৫. খাদ্য হজম কৰিবলৈ পিএইচ স্তৰৰ প্ৰয়োজন, কিন্তু তিয়ঁহৰ সৈতে বা খোৱাৰ পিছত পানী খোৱা কাৰ্যই পিএইচ স্তৰ দুৰ্বল কৰে আৰু খাদ্য হজম কৰিবলৈ প্ৰয়োজনীয় এচিডে কাৰ্যকৰীভাৱে কাম কৰ বন্ধ কৰে ৷ ইয়াৰ ফলত হজম সম্পৰ্কীয় সমস্যাৰ সৃষ্টি হয়।

৬. তিয়ঁহ খালে কোষ্ঠকাঠিন্যতা নিৰাময় হয়, কিন্তু যদি আপুনি তিয়ঁহ খোৱাৰ পিছতেই পানী খায় ৷ তেন্তে ইয়াৰ ফলত ডায়েৰিয়া আৰু পেটৰ সমস্যা হ'ব পাৰে। গতিকে তিয়ঁহ খোৱা আৰু খোৱা পানীৰ মাজত কমেও ২০ ৰ পৰা ৩০ মিনিটৰ ব্যৱধান ৰখাটো নিশ্চিত কৰিব।
First published: April 20, 2021, 5:13 PM IST
আৰু চাওক
পৰৱৰ্তী বাতৰি

শেহতীয়া বাতৰি