স্বাস্থ্য ভালে ৰাখিবলৈ এনেদৰে স্বাস্থ্যবান কৰি ৰাখক আপোনাৰ কিডনী, যিয়ে ভিন্ন মাৰাত্মক ৰোগৰ পৰা ৰক্ষা কৰিব

News18 Assam | News18-Assam
Updated:June 10, 2021, 12:46 PM IST
স্বাস্থ্য ভালে ৰাখিবলৈ এনেদৰে স্বাস্থ্যবান কৰি ৰাখক আপোনাৰ কিডনী, যিয়ে ভিন্ন মাৰাত্মক ৰোগৰ পৰা ৰক্ষা কৰিব
যদি আপোনাৰ কিডনী স্বাস্থ্যৱান হয়, তেতিয়া আপোনাৰ সামগ্ৰিক স্বাস্থ্য ভাল হ'ব।

যদি আপোনাৰ কিডনী স্বাস্থ্যৱান হয়, তেতিয়া আপোনাৰ সামগ্ৰিক স্বাস্থ্য ভাল হ'ব।

  • Share this:
How To Keep Kidney Healthy: কিডনী হৈছে আমাৰ শৰীৰৰ আটাইতকৈ গুৰুত্বপূৰ্ণ অংগবোৰৰ ভিতৰত অন্যতম। এই অংগই বহু গুৰুত্বপূৰ্ণ কাম কৰে। আমাৰ শৰীৰত দুটা কিডনী আছে যিয়ে তেজৰ পৰা আৱৰ্জনা, অতিৰিক্ত পানী আৰু অন্যান্য অশুদ্ধি ফিল্টাৰ কৰে আৰু সেইবোৰ শৰীৰৰ পৰা আঁতৰ কৰাত গুৰুত্বপূৰ্ণ ভূমিকা পালন কৰে। হেল্থলাইন অনুসৰি, কিডনীয়ে শৰীৰত পিএইচ স্তৰ, নিমখ, পটেছিয়াম আদিৰ স্তৰ নিয়ন্ত্ৰণ কৰে।

ইয়ে ব্লাড প্ৰেচাৰ নিয়ন্ত্ৰণ কৰাতো এক গুৰুত্বপূৰ্ণ ভূমিকা পালন কৰে। এইবোৰে লোহিত ৰক্ত কণিকাৰ উৎপাদন নিয়ন্ত্ৰণ কৰা, এক প্ৰকাৰৰ ভিটামিন ডিক সক্ৰিয় কৰা, হাড় নিৰ্মাণ কৰা আৰু পেশীৰ কাৰ্য নিয়ন্ত্ৰণ কৰা, কেলচিয়াম শোষণ কৰা আদিত সহায় কৰে। তেনেস্থলত যদি আপোনাৰ কিডনী স্বাস্থ্যৱান হয়, তেতিয়া আপোনাৰ সামগ্ৰিক স্বাস্থ্য ভাল হ'ব। আপোনাৰ কিডনী দুটা স্বাস্থ্যৱান ৰাখিবলৈ মনত ৰাখক এইবোৰ কথা।

১. সক্ৰিয় হৈ থাকক -

যদি আপুনি নিয়মীয়াকৈ ব্যায়াম কৰে, ই কেৱল আপোনাৰ ওজন কম কৰাই নহয় দীৰ্ঘম্যাদী কিডনীৰ ৰোগৰ আশংকা হ্ৰাস কৰিব। দৰাচলতে যেতিয়া আপুনি ব্যায়াম কৰে, আপোনাৰ ব্লাড প্ৰেচাৰ নিয়ন্ত্ৰণ হয়, যাৰ ফলত কিডনীৰ ওপৰত বেছি চাপ নথাকে আৰু ক্ষতি নহয়। এনে পৰিস্থিতিত আমি প্ৰতিদিনে খোজ কাঢ়িব লাগে, দৌৰিব লাগে, চাইকেল চলাব লাগে।

২. ব্লাড চুগাৰ নিয়ন্ত্ৰণত ৰাখক -

যেতিয়া আপোনাৰ শৰীৰৰ কোষবোৰে আপোনাৰ তেজত গ্লুকোজ ব্যৱহাৰ কৰিবলৈ অক্ষম হয়, তেতিয়া আপোনাৰ কিডনীয়ে আপোনাৰ তেজ ফিল্টাৰ কৰিবলৈ অতিৰিক্ত কঠোৰ পৰিশ্ৰম কৰিবলৈ বাধ্য হয়। এই ক্ষেত্ৰত, যদি আপুনি আপোনাৰ ব্লাড চুগাৰ নিয়ন্ত্ৰণ কৰিব পাৰিলে ইয়ে আপোনাৰ কিডনীৰ ক্ষতি হোৱাৰ সম্ভাৱনা হ্ৰাস কৰিব।

৩. ৰক্তচাপৰ ওপৰত নজৰ ৰাখিব -

হাই ব্লাড প্ৰেচাৰৰ ফলত কিডনী বিকল হ'ব পাৰে। যদি আপুনি হাই ব্লাড প্ৰেচাৰ, মধুমেহ, হৃদৰোগ বা উচ্চ কলেষ্টৰেলৰ দৰে ৰোগত ভুগি আছে, তেন্তে আপোনাৰ কিডনীৰ ওপৰতো ইয়াৰ প্ৰভাৱ পৰাৰ সম্ভাৱনা আছে। তেন্তে ব্লাড প্ৰেচাৰৰ ওপৰত নজৰ দিব, এগৰাকী লোকৰ সাধাৰণতে ৰক্তচাপ ১২০/৮০ হ'ব লাগে।

৪. স্বাস্থ্যকৰ আহাৰ গ্ৰহণ কৰক -

যিমান সম্ভৱ স্বাস্থ্যকৰ খাদ্য খাওক। ই কেৱল আপোনাৰ ওজন হ্ৰাস কৰাই নহয়, আপোনাক ডায়েবেটিছ, হৃদৰোগ আৰু কিডনী ৰোগৰ দৰে বহু স্বাস্থ্য সমস্যাৰ পৰা আঁতৰাই ৰাখিব। আপোনাৰ আহাৰৰ পৰা ছ'ডিয়াম, প্ৰচেচড মাংস আৰু অন্যান্য কিডনী ক্ষতিকাৰক খাদ্য পৰিহাৰ কৰক, কিয়নো ইয়ে কিডনীৰ যথেষ্ট ক্ষতি কৰে।

৫. যথেষ্ট পৰিমাণে পানী খাওক-

শৰীৰত পানীৰ অভাৱৰ ফলত কিডনীৰ যথেষ্ট ক্ষতি হয়। দিনত আঠ গিলাচ পানী খাব। ই শৰীৰক হাইড্ৰেটেড কৰি ৰাখিব আৰু কিডনীয়ে নিজৰ ভিতৰত থকা ছডিয়াম আৰু বিষাক্ত পদাৰ্থবোৰ সহজে বাহিৰ লৈ যাবলৈ অনুমতি দিব।

৬. ধূমপানৰ পৰা আঁতৰি থাকক -

ধূমপানে আপোনাৰ তেজৰ সিৰাসমূহক প্ৰভাৱিত কৰে, যিয়ে তেজৰ প্ৰবাহ হ্ৰাস কৰে আৰু কিডনীক যথেষ্ট চাপ অনুভৱ কৰায়। যি মাৰাত্মক হ'ব পাৰে।
Published by: Sanjay Kumar Das
First published: June 10, 2021, 12:46 PM IST
আৰু চাওক
পৰৱৰ্তী বাতৰি

শেহতীয়া বাতৰি