বিবাহৰ পূৰ্বে বাধ্যতামূলক হ’ব HIV টেষ্ট, নতুন আইন প্ৰণয়ন কৰিব চৰকাৰে

গোৱাৰ বিজেপি চৰকাৰে বিবাহক কেন্দ্ৰ কৰি শীঘ্ৰেই এক নতুন আইন প্ৰণয়ন কৰিবলৈ গৈ আছে। এই আইন অনুসৰি বিবাহৰ পূৰ্বে এইচআইভি টেষ্ট কৰাটো বাধ্যতামূলক হ’ব। 

News18-Assam
Updated:July 9, 2019, 4:09 PM IST
বিবাহৰ পূৰ্বে বাধ্যতামূলক হ’ব HIV টেষ্ট, নতুন আইন প্ৰণয়ন কৰিব চৰকাৰে
গোৱাৰ বিজেপি চৰকাৰে বিবাহক কেন্দ্ৰ কৰি শীঘ্ৰেই এক নতুন আইন প্ৰণয়ন কৰিবলৈ গৈ আছে। এই আইন অনুসৰি বিবাহৰ পূৰ্বে এইচআইভি টেষ্ট কৰাটো বাধ্যতামূলক হ’ব। 
News18-Assam
Updated: July 9, 2019, 4:09 PM IST
গোৱাৰ বিজেপি চৰকাৰে শীঘ্ৰেই এক নতুন আইন প্ৰণয়ন কৰিবলৈ গৈ আছে। এই আইন অনুসৰি বিয়াৰ পূৰ্বে HIV টেষ্ট কৰোৱাটো বাধ্যতামূলক হ’ব। গোৱাৰ স্বাস্থ্য আৰু আইন মন্ত্ৰী বিশ্বজিৎ ৰাণেই কৈছে যে বিয়াৰ পঞ্জীয়নৰ পূৰ্বে চৰকাৰে এইচআইভি টেষ্ট কৰোৱাটো বাধ্যতামূলক কৰাৰ সিদ্ধান্তক লৈ চৰ্চা কৰি আছে। এই প্ৰস্তাৱত আইন বিভাগৰ পৰামৰ্শও গ্ৰহণ কৰা হৈছে।

গোৱাৰ স্বাস্থ্যমন্ত্ৰীয়ে জনোৱামতে এইক্ষেত্ৰত বৰ্তমান প্ৰয়াস অব্যাহত ৰখা হৈছে। এই আইন প্ৰণয়ন হ’লে বিয়াৰ পূৰ্বে এইচআইভিৰ টেষ্ট কৰোৱাটো বাধ্যতামূলক কৰা হ’ব। একাংশ চৰকাৰী বিভাগৰ পৰামৰ্শ এইক্ষেত্ৰত গ্ৰহণ কৰা হৈছে আৰু বিভাগসমূহে সন্মতি দিলে বিধানসভাৰ বৰ্ষাকালীন অধিৱেশনত এই আইন প্ৰণয়ন কৰা হ’ব। ১৫জুলাইৰ পৰা আৰম্ভ হ’ব বিধানসভাৰ বৰ্ষাকালীন অধিৱেশন।

স্বাস্থ্য মন্ত্ৰীয়ে লগতে জনায় যে এই আইনৰ লগে লগে বিয়াৰ পূৰ্বে থেলাচেমিয়াৰ টেষ্ট কৰোৱাটো বাধ্যতামূলক কৰা হ’ব। এই বেমাৰ যাতে ল’ৰা–ছোৱালীলৈ সোঁচৰিব নোৱাৰে তাৰ কাৰণে চৰকাৰে চিন্তা কৰিছে। এই দুয়োখন আইন চৰকাৰে একেলগে আনিবলৈ বিচাৰি আছে আৰু গোৱা প্ৰগতিশীল ৰাজ্য সেইকাৰণে চৰকাৰে এইক্ষেত্ৰত সফলতা লাভ কৰিবও পাৰে।

উল্লেখযোগ্য যে এই আইন প্ৰণয়ন কৰিবলৈ ২০০৬চনতো তৎকালীন স্বাস্থ্যমন্ত্ৰী দয়ানন্দ নাৰৱেকাৰে এক প্ৰস্তাৱ সন্মুখত ৰাখিছিল। ইয়াত গোৱা কেবিনেটে বিয়াৰ পূৰ্বে এইচআইভি টেষ্ট বাধ্যতামূলক কৰা আইনত সন্মতি প্ৰদান কৰিছিল। অৱশ্যে এই আইন সম্পূৰ্ণৰূপত বলৱৎ কৰিব পৰা হোৱা নাছিল।
আৰু চাওক পৰৱৰ্তী বাতৰি