ৰক্ষা! চাকৰি গ’লেও দুবছৰলৈকে পাই থাকিব দৰমহা!

ব্যক্তিগত খণ্ডত চাকৰি কৰা সকলৰ মনত সদায় চাকৰি যোৱাৰ এক ভয় থাকে। কিন্তু এতিয়া বৰ বিশেষ চিন্তা নকৰিব। কাৰণ এতিয়া আপোনাৰ চাকৰি গ’লেও ঘৰত বহিয়েই দুবছৰ পৰ্যন্ত পাই থাকিব দৰমহা। প্ৰাইভেট চাকৰি কৰা সকলৰ বাবে কৰ্মচাৰী ৰাজ্য বীমা নিগম(ESIC)এ লৈছে গুৰুত্বপূৰ্ণ সিদ্ধান্ত।

ESICএ কৈছে যে, ‘অটল বীমিত ব্যক্তি কল্যান যোজনা’ৰ অধীনত চাকৰি গ’লেও চৰকাৰে আৰ্থিক ভাবে সহায় কৰিব।’

কিদৰে ল’ব লাগিব এই সুবিধা–

• যদি আপুনি এই আঁচনিৰ সুবিধা ল’ব বিচাৰে তেন্তে ESICৰ অটল বীমিত ব্যক্তি কল্যাণ যোজনাৰ বাবে পঞ্জীয়ন কৰিব লাগিব।


• ESICৰ ৱেৱচাইটলৈ গৈ অটল বীমিত ব্যক্তি কল্যাণ যোজনাৰ ফৰ্ম ডাইনলোড কৰিব পাৰিব।


• ফৰ্মখন পূৰণ কৰি ESIC ৰ যিকোনো শাখাত জমা দিব লাগিব।


• ফৰ্মৰ লগত ২০ টকাৰ ‘NON-Judicial paper’ ত নটাৰীৰ জৰিয়তে এফিডেফিট কৰোৱাব লাগিব।


• ইয়াত AB-1ৰ পৰা AB-4 ফৰ্ম জমা কৰিব লাগিব।


• অধিক তথ্যৰ বাবে www.esic.nic.in চাইট লগ ইন কৰক।