ত্যাগ, চাচপেন্স আৰু একছনৰ সমাহাৰ ঘটিব যতীন বৰাৰ ‘ৰত্নাকৰ’ত! মুক্তি পালে ছবিখনৰ অফিচিয়েল ট্ৰেইলাৰ

বহু প্ৰতীক্ষাৰ অন্তত মঙলবাৰে মুক্তি পালে যতীন বৰাৰ বহুপ্ৰত্যাশিত ছবি ৰত্নাকৰৰ অফিচিয়েল ট্ৰেইলাৰ। ইতিমধ্যে মুক্তিপোৱা ছবিখনৰ গীত আৰু টিজাৰে অসমৰ চলচিত্ৰ অনুৰাগীৰ পৰা লাভ কৰিছে আশাপ্ৰদ সঁহাৰি। JB Production ৰ বেনাৰত নিৰ্মাণ কৰা ছবিখন প্ৰযোজনা কৰিছে যতীন বৰা আৰু নৱনীতা শৰ্মাই।

Youtubeযোগে যতীন বৰাৰ অভিনীত আৰু পৰিচালিত ছবি ৰত্নাকৰৰ ট্ৰেইলাৰ মুকলি হোৱাৰ পিছত এতিয়া ছবিখনৰ প্ৰতি দৰ্শকৰ বৃদ্ধি পাইছে উৎসুকতা। মুক্তিৰ সম্পূৰ্ণ এদিন নহওতেই ৰত্নাকৰৰ ট্ৰেইলাৰে Youtube ত অতিক্ৰম কৰিছে 250K ৰ সীমা।