Shilpa Shetty, Raj Kundra : ৰাজ কুন্দ্ৰাই পৰ্ণগ্ৰাফী গোচৰত জামিন পোৱাৰ পিছত শিল্পা ছেট্টীৰ পোষ্ট ভাইৰেল

বলীউডৰ জনপ্ৰীয় অভিনেত্ৰী শিল্পা ছেট্টী (Shilpa Shetty)ৰ স্বামী আৰু ব্যৱসায়ী ৰাজ কুন্দ্ৰাক (Raj Kundra) মুম্বাইৰ আদালতে পৰ্ণগ্ৰাফী (Pornography)ৰ গোচৰত জামিন প্ৰদান কৰিছে। ৰাজ কুন্দ্ৰা যোৱা দুমাহ ধৰি কাৰাগাৰত আছে। পৰ্ণছবি নিৰ্মাণৰ অভিযোগত তেওঁক এই বছৰৰ ১৯ জুলাইত গ্ৰেপ্তাৰ কৰা হৈছিল। ৰাজ কুন্দ্ৰাই জামিন (Raj Kundra Bail) পোৱাৰ পিছত প্ৰথমবাৰৰ বাবে তেওঁৰ পত্নী শিল্পা ছেট্টীয়ে নিজৰ মনোভাৱ এটা পোষ্টৰ জৰিয়তে ছচিয়েল মিডিয়াত ছেয়াৰ কৰিছে।

শিল্পা ছেট্টীয়ে  (Shilpa Shetty Instagram Story) তেওঁৰ ইনষ্টাগ্ৰাম ষ্টোৰীত এখন ফটো শ্বেয়াৰ কৰিছে আৰু এটা বাৰ্তাও লিখিছে। শিল্পাই ইনষ্টা ষ্টোৰীত সন্ধিয়া আকাশত ওলোৱা ৰামধেনুৰ এখন ফটো শ্বেয়াৰ কৰিছে আৰু শিৰোনামত লেখিকাগৰাকীৰ উদ্ধৃতি দি  'ৰামধেনুৱে ইয়াকেই প্ৰমাণ কৰে যে এজাক প্ৰচণ্ড ধুমুহাৰ পিছতো সুন্দৰ কিবা এটা ঘটিব পাৰে।' শিল্পাৰ এই উদ্ধৃতিয়ে পোনপটীয়াকৈ তেওঁৰ বৰ্তমান পৰিস্থিতিকেই আঙুলিয়াই দিছে। আজিৰ দিনটো শিল্পাৰ বাবে এটা বিশেষ দিন। এতিয়া অভিনেত্ৰীগৰাকীৰ ভগ্নী শমিতা ছেট্টী আৰু তেওঁৰ স্বামী ৰাজ কুন্দ্ৰা দুয়ো ঘৰলৈ উভতি আহিছে। তলত পোষ্টটো চাওক...

শিল্পা ছেট্টীৰ পোষ্ট-ফটো :  @ShilpaShetty instagram

সংবাদ সংস্থা এএনআইৰ মতে, মুম্বাইৰ এখন আদালতে পৰ্ণগ্ৰাফীৰ গোচৰত ৫০,০০০ টকাৰ বণ্ডত ৰাজ কুন্দ্ৰাক জামিন প্ৰদান কৰিছে। ইয়াৰ পূৰ্বে, মুম্বাই আৰক্ষীয়ে পৰ্ণগ্ৰাফী গোচৰত ৰাজ কুন্দ্ৰাৰ বিৰুদ্ধে অভিযোগপত্ৰ দাখিল কৰিছিল। ১৫০০ পৃষ্ঠাৰ অভিযোগপত্ৰখনত ৪৩ জন সাক্ষীৰ নাম উল্লেখ কৰা হৈছে।

মুম্বাই আৰক্ষীয়ে জনাইছে যে চাৰ্জশ্বীটত ৪৩ জন সাক্ষীৰ বক্তব্য লিপিবদ্ধ কৰা হৈছিল। ৪৩ জন সাক্ষীৰ ভিতৰত ৰাজ কুন্দ্ৰাৰ পত্নী তথা অভিনেত্ৰী শিল্পা ছেট্টী আৰু শ্বেৰলিন চোপ্ৰাও আছে। শিল্পা ছেট্টীয়ে মুম্বাই আৰক্ষীক কৈছিল যে তেওঁ নিজৰ কামত খুব ব্যস্ত আছিল, ৰাজ কুন্দ্ৰাই কি কৰি আছে সেই সম্পৰ্কে তেওঁ একো নাজানে।