• Home
  • »
  • News
  • »
  • lifestyle
  • »
  • DA Hike: চৰকাৰী কৰ্মচাৰীলৈ দীপাৱলীৰ উপহাৰ, DA বৃদ্ধি ৯ শতাংশ

DA Hike: চৰকাৰী কৰ্মচাৰীলৈ দীপাৱলীৰ উপহাৰ, DA বৃদ্ধি ৯ শতাংশ

কেন্দ্ৰীয় চৰকাৰৰ পঞ্চম আৰু ষষ্ঠ দৰমহা আয়োগৰ অধীনত দৰমহা লাভ কৰা কর্মচাৰীসকলৰ ডিয়েৰনেছ ভাট্টা (ডিএ) বৃদ্ধি কৰিছে৷

কেন্দ্ৰীয় চৰকাৰৰ পঞ্চম আৰু ষষ্ঠ দৰমহা আয়োগৰ অধীনত দৰমহা লাভ কৰা কর্মচাৰীসকলৰ ডিয়েৰনেছ ভাট্টা (ডিএ) বৃদ্ধি কৰিছে৷

মুদ্ৰাস্ফীতিৰ বিৰুদ্ধে যুঁজিবলৈ চৰকাৰে নিজৰ কৰ্মচাৰী আৰু পেঞ্চনাৰসকলক ভাট্টা দিয়ে। ইয়াক Dearness Allowance (কৰ্মচাৰীৰ বাবে) আৰু Dearness Relief (পেঞ্চনাৰৰ বাবে) বোলা হয়।

  • Share this:
কেন্দ্রীয় চৰকাৰৰ কৰ্মচাৰীসকললৈ সুখবৰ! কেন্দ্ৰীয় চৰকাৰৰ পঞ্চম আৰু ষষ্ঠ দৰমহা আয়োগৰ অধীনত দৰমহা লাভ কৰা কর্মচাৰীসকলৰ ডিয়েৰনেছ ভাট্টা (ডিএ) বৃদ্ধি কৰিছে৷ এই বৃদ্ধিৰ পিছত ষষ্ঠ দৰমহা আয়োগৰ অধীনত দৰমহা লোৱা কৰ্মচাৰীৰ ডিয়াৰনেছ ভাট্টা ২০৩ শতাংশৰ পৰা ২১২ শতাংশলৈ বৃদ্ধি পাইছে। ডি এৰ নতুন হাৰ ২০২২ চনৰ ১ জুলাইৰ পৰা প্ৰযোজ্য বুলি গণ্য কৰা হ’ব। ইয়াৰ বাহিৰেও পঞ্চম দৰমহা আয়োগৰ অধীনত দৰমহা লোৱা কেন্দ্ৰীয় কৰ্মচাৰীৰ ডি এ ১৫ শতাংশ বৃদ্ধি কৰি ৩৯৬ শতাংশ কৰা হৈছে। এই কৰ্মচাৰীসকলৰ বাবে এই বৃদ্ধিও ১ জুলাইৰ পৰা প্ৰযোজ্য বুলি বিবেচিত হ’ব।

এজন কৰ্মচাৰীৰ মূল দৰমহাৰ ভিত্তিত Dearness Allowance নিৰ্ধাৰণ কৰা হয়। যদি এজন কেন্দ্ৰীয় কৰ্মচাৰীৰ মূল দৰমহা মাহে ৪৩০০০ টকা হয়, তেন্তে পুৰণি ডি এ (২০৩ শতাংশ)ৰ অধীনত তেওঁ ৮৭,২৯০ টকা পালেহেতেন। একে সময়তে ডি এ ২১২ শতাংশ হোৱাৰ পিছত ই ৯১,১৬০ টকালৈ বৃদ্ধি পাব। ইয়াৰ ফলত তেওঁৰ দৰমহা প্ৰায় ৩৮০০ টকা বৃদ্ধি পাব। ব্যয় বিভাগে ১২ অক্টোবৰত এখন কাৰ্যালয়ৰ স্মাৰকপত্ৰ জাৰি কৰি ডি এ বৃদ্ধিৰ বিষয়ে অৱগত কৰিছিল।

ডি এ বৃদ্ধিৰ কাৰণ কি?
সপ্তম দৰমহা আয়োগৰ অধীনত দৰমহা বা পেঞ্চন লোৱা কৰ্মচাৰীৰ ডি এ আৰু ডি আৰ (ডিয়াৰনেছ ৰিলিফ) ছেপ্টেম্বৰ মাহত ৩৪ শতাংশৰ পৰা ৩৮ শতাংশলৈ বৃদ্ধি কৰা হৈছিল। তেতিয়াৰ পৰা ষষ্ঠ আৰু পঞ্চম দৰমহা আয়োগৰ অধীনত দৰমহা বা পেঞ্চন লোৱা কৰ্মচাৰী/প্ৰাক্তন কৰ্মচাৰীয়ে ডি এ বা ডি আৰ বৃদ্ধিৰ দাবী জনাইছিল।

ডিয়েৰনেছ এলাৱেন্স কি?
মুদ্ৰাস্ফীতিৰ বিৰুদ্ধে যুঁজিবলৈ চৰকাৰে নিজৰ কৰ্মচাৰী আৰু পেঞ্চনাৰসকলক ভাট্টা দিয়ে। ইয়াক Dearness Allowance (কৰ্মচাৰীৰ বাবে) আৰু Dearness Relief (পেঞ্চনাৰৰ বাবে) বোলা হয়। জুলাই আৰু জানুৱাৰী মাহত কেন্দ্ৰীয় চৰকাৰে পৰ্যালোচনা কৰে। কৰ্মচাৰীজনে যিটো খণ্ডত কাম কৰে তাৰ ওপৰতো ডি এ নিৰ্ভৰ কৰে। অৰ্থাৎ চহৰ অঞ্চল, সৰু চহৰ আৰু গ্ৰাম্য অঞ্চলত কাম কৰা কৰ্মচাৰীৰ ডি এ বেলেগ বেলেগ।

কেনেকৈ গণনা কৰিব?
এজন কৰ্মচাৰীৰ মূল দৰমহাৰ ভিত্তিত ডি এ গণনা কৰা হয়। Basic Pay ত বিশেষ পেমেন্ট নাই আৰু সেয়া হৈছে Net Salary। ক্লিয়াৰৰ প্ৰতিষ্ঠাপক তথা মুখ্য কাৰ্যবাহী বিষয়া অৰ্চিত গুপ্তাই কয় যে যেতিয়া সমগ্ৰ বিশ্বতে মুদ্ৰাস্ফীতিৰ তুংগত উঠিব তেতিয়া বৰ্ধিত ডিয়াৰনেছ ভাট্টাই দৰমহা পোৱা কৰ্মচাৰীসকলক ডাঙৰ সকাহ দিব।
Published by:Subham Goswami
First published:

শেহতীয়া বাতৰি