INDW vs AUSW: গুলপীয়া বলৰ খেলত অষ্ট্ৰেলিয়াৰ বিৰুদ্ধে শতক অৰ্জন কৰি স্মৃতি মান্ধানাই ৰচিলে অভিলেখ...

ভাৰত আৰু অষ্ট্ৰেলিয়াৰ (India vs Australia)মহিলা দলৰ মাজত অনুষ্ঠিত ঐতিহাসিক দিবা-নিশাৰ টেষ্টৰ দ্বিতীয় দিনা স্মৃতি মান্ধানাই (Smriti Mandhana) এটা সুন্দৰ শতক অৰ্জন কৰে। এইটো মান্ধানাৰ টেষ্ট কেৰিয়াৰৰ প্ৰথম শতক। তেওঁ ইয়াক ১৮ টা চাৰি আৰু এটা ছয়ৰ সহায়ত ১৭০ টা বলত শতক অৰ্জন কৰে। মান্ধানাই এলিচ পেৰীৰ বলত এটা বাউণ্ডেৰীৰে শতক সম্পূৰ্ণ কৰিছিল। ভাৰতৰ হৈ পিংক বল টেষ্টত শতক অৰ্জন কৰা বিৰাট কোহলীৰ (Virat Kohli) পিছত মান্ধানা দ্বিতীয়জন ক্ৰিকেটাৰ। ২০১৯ চনত কলকাতা টেষ্টত বাংলাদেশৰ বিৰুদ্ধে কোহলীয়ে ১৩৬ ৰাণ কৰিছিল।

টেষ্ট খেলখনৰ প্ৰথম দিনা মান্ধানাই বিস্ফোৰক বেটিং কৰি মাত্ৰ ৫১ টা বলত ১১ টা চাৰিৰ সহায়ত অৰ্ধশতক অৰ্জন কৰে। খেলুৱৈজনে ডাৰ্চি ব্ৰাউনৰ বলত চাৰিটা চাৰি আৰু এটা অভাৰ বাউণ্ডেৰী মাৰিছিল। মান্ধানাই প্ৰথম উইকেটৰ বাবে শেফালী বাৰ্মাৰ সৈতে ৯৩ ৰাণ যোগ কৰিছিল।

অসমীয়াত ব্ৰেকিং নিউজ সৰ্বপ্ৰথম News18 অসমীয়াত| শেহতীয়া খবৰ, লাইভ নিউজ আপডেট. সবাতোকৈ বিশ্বাসযোগ্য অসমীয়া নিউজ ৱেবছাইট News18 অসমীয়া|