নকল নকৰিবা! ৰাণু মণ্ডলক কি উপদেশ লতা মংগেশকাৰৰ?

কোকিলকণ্ঠী লতা মংগেশকাৰে শেহতীয়াকৈ ছচিয়েল মিডিয়াত চাঞ্চল্য হৈ পৰা ৰাণু মণ্ডলক দিছে এই উপদেশ। 

News18
Updated:September 3, 2019, 4:36 PM IST
নকল নকৰিবা! ৰাণু মণ্ডলক কি উপদেশ লতা মংগেশকাৰৰ?
কোকিলকণ্ঠী লতা মংগেশকাৰে শেহতীয়াকৈ ছচিয়েল মিডিয়াত চাঞ্চল্য হৈ পৰা ৰাণু মণ্ডলক দিছে এই উপদেশ। 
News18
Updated: September 3, 2019, 4:36 PM IST
ইণ্টাৰনেটৰ পৃথিৱীত চাঞ্চল্য হৈ পৰা ৰাণু মণ্ডলক লৈ এইকেইদিন ছচিয়েল মিডিয়াৰ বতাহ গৰম হৈ আছে। তেওঁৰ সুৰীয়া কণ্ঠই মন্ত্ৰমুগ্ধ কৰিছে দেশবাসীক। লতা মংগেশকাৰৰ এটি গীত ‘য়ে প্যাৰ কা নগমা হ্যে’ ৰেলৱে ষ্টেশ্যনত গোৱাৰ ভিডিঅ’ ছচিয়েল মিডিয়াত অতীন্দ্ৰ চক্ৰৱৰ্তী নামৰ ব্যক্তিজনে দিয়াৰ পিছতে ভাগ্য সলনি হৈ পৰিছে ৰাণুৰ। লতা মংগেশকাৰৰ এই জনপ্ৰিয় গীতটো গোৱাৰ বাবেই নিশাটোৰ ভিতৰতে ‘তাৰকা’ৰ শাৰীলৈ উন্নীত হৈছে ৰাণু মণ্ডল। এচামে আনকি তেওঁক লতাজীৰ সৈতেও তুলনা কৰিছিল। শেহতীয়াকৈ ৰাণু মণ্ডলৰ সন্দৰ্ভত মন্তব্য কৰিছে স্বয়ং লতাজীয়ে।

এটা নিউজ এজেন্সীক দিয়া সাক্ষাৎকাৰত লতা মংগেশকাৰে ৰাণু মণ্ডল সন্দৰ্ভত কিছু মতামত প্ৰকাশ কৰিছে। তেওঁ কয়,
যদি মোৰ নাম আৰু কামেৰে কাৰোবাৰ ভাল হৈছে তেনেহ’লে মই নিজকে ভাগ্যশালী অনুভৱ কৰিছো। কিন্তু মই এই কথাও অনুভৱ কৰো যে, নকল কৰি বহু দিনলৈকে মানুহ সফল হৈ থাকিব নোৱাৰে। কিশোৰ দা, মহম্মদ ৰফী, আশা ভোঁসলে আৰু মুকেশৰ গান গাই গায়কসকলে কিছু সময়ৰ কাৰণে মনোযোগ আকৰ্ষণ কৰিলেও এয়া দীঘলীয়া সময় নাথাকে।


লতা মংগেশকাৰে ৰাণু মণ্ডলক ক’লে–নকল নকৰিবা!

তেওঁ কয় যে,
ৰিয়েলিটী শ্ব’ত বহুতো সৰু ল’ৰা–ছোৱালীয়ে মোৰ গান বৰ ধুনীয়াকৈ গায় কিন্তু তাৰ মাজৰ কম সংখ্যকহে আছে যিসকলক মানুহে মনত ৰাখে। মই নিজে কেৱল সুনিধি চৌহান আৰু শ্ৰেয়া ঘোষালক জানো।
তেওঁ ৰাণুক উপদেশ দি কয়,
অৰিজিনেল হৈ থাকা, সকলো শিল্পীৰে চিৰসেউজ গীত পৰিবেশন কৰি যোৱা কিন্তু কিছু সময় পিছত গায়কে নিজৰ গান বিচাৰি ল’ব লাগে।


 
আৰু চাওক পৰৱৰ্তী বাতৰি