‘মই মৃত্যুশয্যাত’, অনুৰাগীক ইনষ্টাগ্ৰামত বিদায় জনোৱাৰ পিছতে মৃত্যু বলিউড অভিনেত্ৰীৰ

News18 Assam | News18-Assam
Updated:July 13, 2020, 9:53 AM IST
‘মই মৃত্যুশয্যাত’, অনুৰাগীক ইনষ্টাগ্ৰামত বিদায় জনোৱাৰ পিছতে মৃত্যু বলিউড অভিনেত্ৰীৰ
হাতত যে সময় আৰু বেছি নাই সেয়া বুজিয়ে হয়তো অনুৰাগীসকলক উদ্দেশ্যি তেওঁ এই মৰ্মস্পৰ্শী বাৰ্তা লিখে। ইনষ্টাগ্ৰামত নিজৰ ‘মৃত্যুশয্যা’ৰ কথা লিখাৰ কিছু সময় পিছতে অভিনেত্ৰীৰ অকাল বিয়োগ। 

হাতত যে সময় আৰু বেছি নাই সেয়া বুজিয়ে হয়তো অনুৰাগীসকলক উদ্দেশ্যি তেওঁ এই মৰ্মস্পৰ্শী বাৰ্তা লিখে। ইনষ্টাগ্ৰামত নিজৰ ‘মৃত্যুশয্যা’ৰ কথা লিখাৰ কিছু সময় পিছতে অভিনেত্ৰীৰ অকাল বিয়োগ। 

  • Share this:
মুম্বাইঃ মৃত্যুদূত কেন্সাৰৰ সৈতে যুঁজি শেষত হাৰ মানিলে আন এগৰাকী বলিউড শিল্পীয়ে। ইৰফান খান, ঋষি কাপুৰৰ পিছত এইবাৰ অকালতে গুচি গ’ল অভিনেত্ৰী দিব্যা চৌকচি।

সময় যে আৰু বেছি হাতত নাই সেই কথা বুজিয়ে হয়তো অনুৰাগীসকলক উদ্দেশ্যি তেওঁ এক মৰ্মস্পৰ্শী বাৰ্তা লিখিছিল। ইনষ্টাগ্ৰামত নিজৰ ‘মৃত্যুশয্যা’ৰ কথা জনোৱাৰ কেইটামান মুহূৰ্তৰ পিছতে মৃত্যুৰ কোলাত ঢলি পৰে অভিনেত্ৰীগৰাকী।

২০১৬চনত ‘হ্যে অপনা দিল ত’ আৱাৰা’ চিনেমাৰ জৰিয়তে বলিউডত প্ৰৱেশ কৰিছিল দিব্যা চৌকচিয়ে। ২০১১চনত মিছ ইউনিভাৰ্ছ প্ৰতিযোগিতাতো অংশ লৈছিল দিব্যাই। লণ্ডনৰ পৰা অভিনয় শিকি অহাৰ পিছত মডেলিং কৰিছিল। কেইবাখনো চিনেমা আৰু চিৰিয়েলতো তেওঁ অভিনয় কৰিছিল। গীতো গাইছিল বুলি ছচিয়েল পোষ্টত উল্লেখ।

মৃত্যুৰ কেইটামান ঘণ্টাৰ পূৰ্বে দিব্যাই নিজৰ ইনষ্টাগ্ৰাম ষ্টৰীত লিখিছিল। ‘মই যি ক’ব বিচাৰিছো তাৰ কাৰণে হয়তো শব্দ কম হ’ব। বিগত কেইবামাহো ধৰি বহুতেই মোক বিচাৰি পোৱা নাই। এই সময়খিনিত তোমালোক সকলোকে জনাও যে, আচলতে মই মৃত্যুশয্যাত। এনেধৰণৰ অদৰকাৰী ঘটনাও সংঘটিত হয়। তথাপিও মই যথেষ্ট সৱল। ইয়াৰ পিছত এনেকুৱা এটা জীৱনলৈ ঘুৰি আহিম য’ত যন্ত্ৰণা নাথাকিব। অনুগ্ৰহ কৰি আৰু কোনো প্ৰশ্ন নকৰিব। ঈশ্বৰে জানে তোমালোক সকলো কিমান গুৰুত্বপূৰ্ণ আছিলা।’ ইয়াৰ পূৰ্বে ছচিয়েল মিডিয়াত দিব্যাৰ শেষ পোষ্ট আছিল ১৪মে’ত। 

দিব্যাৰ মৃত্যুৰ খবৰ ছচিয়েল মিডিয়াত জনায় তেওঁৰ সম্পৰ্কীয় ভগ্নী সৌম্যাই। তেওঁ লিখে, ‘অতি দুখেৰে জনাও দিব্যা কেন্সাৰৰ সৈতে যুঁজত হাৰিল। আজি তেওঁ আমাক এৰি থৈ গ’ল। ঈশ্বৰে আত্মাক শান্তি দিয়ক।’

श्रधान्जली कुमारी दिव्या चौकसे



ছচিয়েল মিডিয়াত দিব্যাৰ মৃত্যুক লৈ শোকৰ লহৰ।
First published: July 13, 2020, 9:53 AM IST
আৰু চাওক
পৰৱৰ্তী বাতৰি

শেহতীয়া বাতৰি