• Home
  • »
  • News
  • »
  • lifestyle
  • »
  • Om Namah Shivay Mantra: আজি সোমবাৰ, জানি লওক ভগৱান শিৱৰ ওম নমঃ শিৱায় মন্ত্ৰৰ প্ৰভাৱ আৰু মহত্ব

Om Namah Shivay Mantra: আজি সোমবাৰ, জানি লওক ভগৱান শিৱৰ ওম নমঃ শিৱায় মন্ত্ৰৰ প্ৰভাৱ আৰু মহত্ব

ওম নমঃ শিৱায়!

ওম নমঃ শিৱায়!

Om Namah Shivay Mantra: হিন্দু শাস্ত্ৰত,"ওম নমঃ শিৱায়" (Om Namah Shivay) মন্ত্ৰটোক আত্মাৰ শুদ্ধি, চাপ আৰু মুক্তিৰ এক সহজ মন্ত্ৰ হিচাপে বৰ্ণনা কৰা হৈছে। এই মন্ত্ৰৰ অসীম গুৰুত্ব আছে।

  • Share this:
আজিৰ নতুন নতুন আৱিষ্কাৰৰ সৈতে সমাজত অগ্ৰগতি হোৱাৰ লগতে এই যুগত দৌৰা-দৌৰিও বহুগুণে বৃদ্ধি পাইছে। ইয়াৰ ফলস্বৰূপে সকলোৱে কিবা নহয় কিবা এটাক লৈ চিন্তিত হৈ থাকে আৰু সেই চাপ দূৰ কৰিবলৈ যোগ (Yoga) আৰু আধ্যাত্মিকতা (Spirituality)ৰ আশ্ৰয় লৈছে। হিন্দু শাস্ত্ৰত,"ওম নমঃ শিৱায়" (Om Namah Shivay) মন্ত্ৰটোক আত্মাৰ শুদ্ধি, চাপ আৰু মুক্তিৰ এক সহজ মন্ত্ৰ হিচাপে বৰ্ণনা কৰা হৈছে। হিন্দু ধৰ্মত মন্ত্ৰৰ এক বিশেষ গুৰুত্ব আছে। মন্ত্ৰবোৰে আপোনাক আপোনাৰ মূল উৎসলৈ ঘূৰাই আনে। মন্ত্ৰ জপ কৰা বা মন্ত্ৰ শুনাটোৱে  মন-মগজুত এক কম্পনৰ সৃষ্টি কৰে। যি আপোনাক ইতিবাচক জীৱনলৈ  উত্থানৰ বাবে শক্তি প্ৰদান কৰে। "ওম নমঃ শিৱায়"ৰ শক্তিশালী প্ৰভাৱ আৰু গুৰুত্বৰ বিষয়ে জানি লওক।

"ওম নমঃ শিৱায়" হৈছে আটাইতকৈ শক্তিশালী মন্ত্ৰসমূহৰ এটা। এই মন্ত্ৰৰ নিয়মীয়া জপ কৰিলে শৰীৰত শক্তি সৃষ্টি হয় আৰু লগতে আপোনাৰ চাৰিওফালৰ পৰিৱেশ ইতিবাচক হয়। মানুহে হাজাৰ হাজাৰ বছৰ ধৰি এই মন্ত্ৰ উচ্চাৰণ কৰি আহিছে।
পঞ্চ তত্বৰ প্ৰতীক
"ওম নমঃ শিৱায়"ক পঞ্চাক্ষৰ বুলি কোৱা হয় যাক পঞ্চ তত্বৰ প্ৰতীক বুলি গণ্য কৰা হয়। এই পাঁচটা তত্বই সৃষ্টিত মানুহৰ শৰীৰকে ধৰি সকলো বস্তু সৃষ্টিত গুৰুত্বপূৰ্ণ ভূমিকা পালন কৰে, আৰু ভগৱান শিৱ হৈছে এই পাঁচটা তত্বৰ প্ৰভু, আৰু "ওম" ব্ৰহ্মাণ্ডৰ শব্দ। "ওম"ৰ অৰ্থ হৈছে শান্তি আৰু প্ৰেম, সেয়েহে পঞ্চতত্বসমূহৰ মাজত মীমাংসা কৰিবলৈ "ওম নমঃ শিৱায়" মন্ত্ৰ উচ্চাৰণ কৰা হয়। "ওম নমঃ শিৱায়" কেৱল এটা কণ্ঠস্বৰ নহয়, এইটো এক তৰংগ ঢৌ যিয়ে  ইয়াক উচ্চাৰণ কৰা লোকজনক আত্মশান্তি আৰু চাপৰ পৰা মুক্তি দিয়ে।




"ওম নমঃ শিৱায়" উচ্চাৰণ কৰিলে এজন ব্যক্তিক তেওঁৰ পাঁচটা তত্ব নিয়ন্ত্ৰণ কৰাত সহায় কৰে। এই মন্ত্ৰ উচ্চাৰণ কৰিলে আমাৰ অস্তিত্বৰ বিভিন্ন স্তৰ সংযোগ হয় আৰু আমাৰ ভিতৰত শিৱৰ গুণাগুণ বৃদ্ধি হয়। ইয়াৰ মন শান্ত কৰাৰ প্ৰভাৱ আছে আৰু সেয়েহে ধ্যানৰ বাবে প্ৰস্তুত হোৱাৰ বাবে এইটো এটা ভাল মন্ত্ৰ। সেয়েহে বৈদিক যুগত ঋষি মুনিয়ে এই মন্ত্ৰ টো নিৰন্তৰ জপ কৰিছিল।

ওমক বিশ্বব্ৰহ্মাণ্ডৰ প্ৰথম শব্দ বা বিশ্বব্ৰহ্মাণ্ডৰ শব্দ বুলি গণ্য কৰা হয়। ইয়াৰ জপ কৰিলে শাৰীৰিক, মানসিক, আধ্যাত্মিক আৰু বৌদ্ধিক শান্তি লাভ কৰে। শৰীৰে নতুন চেতনা আৰু শক্তি বিকশিত কৰে, মন-মগজুৰ ওপৰত ইতিবাচক প্ৰভাৱ পৰে।

এই মন্ত্ৰৰ আধ্যাত্মিক ফল
সকলো মন্ত্ৰৰ আগতে এই মন্ত্ৰ উচ্চাৰণ কৰিলে সকলো বাধা আঁতৰ হয়
কাম, খং, ঘৃণা, মোহ, লোভ, ভয়, দুখৰ সমাপ্তি ঘটে।
এই মন্ত্ৰই সাহস আৰু উৎসাহ ভৰাই তোলে, অজ্ঞাত ভয় আঁতৰ কৰে, লগতে মৃত্যুৰ ভয়ক ইয়াৰ নিৰন্তৰ জপৰ দ্বাৰা জয় কৰিব পাৰি।
এই মন্ত্ৰৰ দ্বাৰা মানুহে জীৱন চক্ৰৰ ৰহস্য বুজি পায়। এই মন্ত্ৰটো মোক্ষ প্ৰাপ্ত কৰাৰ এক মাধ্যম। ওম শব্দটো ত্ৰিদেৱসকলৰ বাসস্থান বুলি গণ্য কৰা হয়।

Published by:Manjumoni Borah
First published:

শেহতীয়া বাতৰি