কনভয় ৰখাই কৰ্কট ৰোগীক সহায়ৰ বাবে আগবাঢ়ি গ’ল অন্ধ্ৰপ্ৰদেশৰ মুখ্যমন্ত্ৰী ৱাই এচ জগমোহন ৰাড্ডী

অন্ধ্ৰপ্ৰদেশৰ নৱ নিৰ্বাচিত মুখ্যমন্ত্ৰীৰ মহানুভৱতা।কনভয় ৰখাই কৰ্কট ৰোগীক সহায়ৰ হাত আগবঢ়ালে অন্ধ্ৰপ্ৰদেশৰ মুখ্যমন্ত্ৰীয়ে,দিলে ২০ লাখ টকা সাহাৰ্য আগবঢ়োৱাৰ প্ৰতিশ্ৰুতি

news18assam
Updated:June 5, 2019, 5:41 PM IST
কনভয় ৰখাই কৰ্কট ৰোগীক সহায়ৰ বাবে আগবাঢ়ি গ’ল অন্ধ্ৰপ্ৰদেশৰ মুখ্যমন্ত্ৰী ৱাই এচ জগমোহন ৰাড্ডী
অন্ধ্ৰপ্ৰদেশৰ নৱ নিৰ্বাচিত মুখ্যমন্ত্ৰীৰ মহানুভৱতা।কনভয় ৰখাই কৰ্কট ৰোগীক সহায়ৰ হাত আগবঢ়ালে অন্ধ্ৰপ্ৰদেশৰ মুখ্যমন্ত্ৰীয়ে,দিলে ২০ লাখ টকা সাহাৰ্য আগবঢ়োৱাৰ প্ৰতিশ্ৰুতি
news18assam
Updated: June 5, 2019, 5:41 PM IST
সাৰাদা পেঠামৰ পৰা নিজৰ ভ্ৰমণ সামৰি বিমানবন্দৰলৈ আহি থকাৰ সময়ত মঙলবাৰে অন্ধ্ৰপ্ৰদেশৰ মুখ্যমন্ত্ৰী ৱাই এচ জগমোহন ৰাড্ডীয়ে পদপথত মুখ্যমন্ত্ৰীৰ সহায় বিচাৰি হাতত এখন প্লেকাৰ্ড লৈ থকা এগৰকী যুৱকক প্ৰত্যক্ষ কৰে। প্লেকাৰ্ড খনত যুৱকজনৰ এগৰকী কৰ্কট আক্ৰান্ত বন্ধুৱে মুখ্যমন্ত্ৰীৰ সহায় বিচাৰিছে বুলি লিখা আছিল। প্লেকাৰ্ডখন প্ৰত্যক্ষ কৰি মুখ্যমন্ত্ৰী ৰাড্ডীয়ে নিজৰ কনভয় ৰখাই আৰু যুৱকজনৰ ফালে আগবাঢ়ি যায়। আৰু যুৱকজনৰ লগতে কৰ্কট আক্ৰান্ত যুৱকজনৰ পৰিয়ালৰ লোকৰ সৈতে কথা পাতে মুখ্যমন্ত্ৰী ৱাই এচ জগমোহন ৰাড্ডীয়ে। পিছত আলোচনাৰ অন্তত মুখ্যমন্ত্ৰীগৰকীয়ে গম পাই যে কৰ্কট আক্ৰান্ত যুৱকজনৰ নাম নীৰজ। মাত্ৰ ১৫ বছৰ বয়সতে যুৱকজনৰ দেহত ধৰা পৰিছে কৰ্কট ৰোগ। নীৰজৰ পৰিয়ালো আৰ্থিক ভাবে সবল নহয়। পেছাত নীৰজৰ মাক এগৰকী পাচলি ব্যৱসায়ীৰ লগতে পিতৃয়ে দিন হাজিৰা কৰি কোনো মতে চলাই আছে পৰিয়ালটো।

কৰ্কট আক্ৰান্ত যুৱকজন এতিয়া চিকিৎসাধীন হৈ আছে হায়দৰাবাদ স্থিত বছাভটাকৰম ইণ্ডো– আমেৰিকা কেনছাৰ হস্পিটাল এণ্ড ৰিচাৰ্জ ইঞ্চটিটিউটত। পৰিয়ালৰ লোকে মুখ্যমন্ত্ৰীক জনায় যে নীৰজৰ চিকিৎসাৰ বাবে এতিয়া প্ৰয়োজন প্ৰায় ২৫ লাখ টকা। কিন্তু আৰ্থিক ভাবে দুৰ্বল পৰিয়ালটোৱে এতিয়ালৈকে মাত্ৰ ৪০ হাজাৰ টকাহে নীৰজৰ চিকিৎসাৰ বাবে যোগাৰ কৰিব পাৰিছে।এই সকলো কথা যুৱকজনৰ পৰিয়ালৰ মুখৰ পৰা শুনাৰ পিছতে নীৰজৰ চিকিৎসাৰ বাবে অন্ধ্ৰপ্ৰদেশৰ মুখ্যমন্ত্ৰী ৱাই এচ জগমোহন ৰাড্ডীয়ে ২০ লাখ টকা সাহাৰ্য হিচাপে দিয়াৰ কথা ঘোষণা কৰে। আৰু যুৱকজনৰ চিকিৎসাৰ বাবে পৰিয়ালক সকলো ধৰণৰ সহায় কৰিবলৈ স্থানীয় প্ৰশাসনকো নিৰ্দেশ দিয়ে মুখ্যমন্ত্ৰীগৰাকীয়ে।

 
আৰু চাওক পৰৱৰ্তী বাতৰি