হাস্পতালত অকলশৰীয়া অনুভৱ কৰিছে অমিতাভ বচ্চনে, Video শ্বেয়াৰ কৰি মনত পেলালে কাক?
অকলে থাকিলে বহুত মনত পৰে তেওঁলৈ, ক’লে বিগ বিয়ে।
অকলে থাকিলে বহুত মনত পৰে তেওঁলৈ, ক’লে বিগ বিয়ে।
- News18 Assam
- Last Updated: July 30, 2020, 11:35 AM IST
- Share this:
অমিতাভ ভিডিও শ্বেয়াৰ কৰি লিখিছে, "বাবুজীৰ কবিতাৰ সেই সময়। তেওঁ এনেকৈ কবি সন্মিলনত আবৃত্তি কৰিছিল। হাস্পতালৰ অকলশৰীয়া সময়ত তেওঁলৈ বহুত মনত পৰিছে। তেওঁৰ শব্দৰে নিজৰ শূণ্য নিশাবোৰ সজীৱ কৰিছো। ইয়াৰ লগতে তেওঁ নিজৰ পিতৃ হৰিবংশ ৰায় বচ্চনৰ এটা কবিতা নিজৰ কণ্ঠৰে পাঠ কৰি শ্বেয়াৰ কৰে।
ইয়াৰ পূৰ্বে কোৰোণা ভাইৰাছৰ সংক্ৰমণৰ চিকিৎসা কৰাই থকা অমিতাভ বচ্চনে নিজৰ দৌৰা–দৌৰিৰ জীৱনৰ অকলশৰীয়া মুহূৰ্তত নিজৰ কলম চলাই মনৰ ভাৱ প্ৰকাশ কৰে। এই সময়চোৱাত মনলৈ অহা ভাৱনাবোৰ ব্লগৰ জৰিয়তে প্ৰকাশ কৰিছে। অমিতাভে ব্লগত কৈছে যে কোভিড–১৯ৰ চিকিৎসাই তেওঁক নিজৰ জীৱনক আনন্দেৰে চাবলৈ অনুপ্ৰাণিত কৰিছে।
যোৱা ১১জুলাইত ৭৭বছৰীয়া অমিতাভ বচ্চন, তেওঁৰ পুত্ৰ অভিষেক বচ্চনক নানাৱতী হাস্পতালৰ পৃথক ৱাৰ্ডত ভৰ্তি কৰোৱা হৈছিল। ইয়াৰ পিছত যোৱা শুকুৰবাৰে অমিতাভৰ বোৱাৰী ঐশ্বৰ্য ৰায় বচ্চন আৰু নাতিনী আৰাধ্যা বচ্চনকো সংক্ৰমণৰ কাৰণে নানাৱতী হাস্পতাললৈ স্থানান্তৰিত কৰা হৈছিল।
নিজৰ ব্লগত অমিতাভে সোমবাৰে পৃথক ৱাৰ্ডৰ একাকীত্ব আৰু ‘অৰঙে–দৰঙে’ ঘুৰি ফুৰা মনটোক লৈ মনৰ ভাৱ প্ৰকাশ কৰিছিল। তেওঁ লিখিছিল, 'এই মৌনতা আগন্তুক পদক্ষেপৰ অনিশ্চয়তা...এয়া জীৱনৰ গতিৰ এক আশ্বৰ্য। সেই সকলোবোৰ আমাৰ কাৰণে সদায় প্ৰতি পল লৈ আহে জীৱনৰ এটা এটা দিন।’
