West Bengal : পুনৰ মুখ্যমন্ত্ৰীৰূপে শপত ল'লে মমতা বেনাৰ্জীয়ে। একেৰাহে তৃতীয়বাৰৰ বাবে বংগৰ মুখ্যমন্ত্ৰীৰূপে শপত গ্ৰহণ মমতাৰ।

একেৰাহে তৃতীয়বাৰৰ বাবে পশ্চিম বংগৰ মুখ্যমন্ত্ৰীৰূপে শপত গ্ৰহণ কৰিলে মমতা বেনাৰ্জীয়ে। আজি ৰাজভৱনত ৰাজ্যপাল জগদ্বীপ ধানকাৰৰ ওচৰত পদ আৰু গোপনীয়তাৰ শপত বাক্য পাঠ কৰে মমতাই।

নতুন মুখ্যমন্ত্ৰীৰূপে শপত গ্ৰহণ কৰিয়েই কোভিডৰ বিৰুদ্ধে যুঁজ ঘোষণা কৰে মমতাই। নতুন চৰকাৰৰ প্ৰথম অগ্ৰাধিকাৰ কোভিডৰ সংক্ৰমণ নিয়ন্ত্ৰণ কৰটোৱেই বুলি উল্লেখ কৰি শপত গ্ৰহণ কৰিয়েই কোভিড পৰিস্থিতিৰ বুজ ল'বলৈ ৰাওনা হয় মুখ্য মন্ত্ৰী মমতা বেনাৰ্জী।

উল্লেখ্য যে একক সংখ্যাগৰিষ্ঠতা  লাভ কৰি একেৰাহে তৃতীয়বাৰলৈ পশ্চিম বংগৰ শাসন দখল কৰিবলৈ সক্ষম হৈছে মমতা নেতৃত্বাধীন তৃণমূল কংগ্ৰেছ। ২০১১ৰ পৰা ক্ৰমাগতভাবে পশ্চিমবংগৰ মুখ্যমন্ত্ৰী হৈ হেটট্ৰিক কৰিলে মমতা বেনাৰ্জীয়ে।