অগ্নিকাণ্ডত ক্ষতিগ্ৰস্ত যোৰহাটৰ চক বজাৰৰ ব্যৱসায়ীসকললৈ চৰকাৰৰ এককালীন সাহায্য; অস্থায়ীভাবে ব্যৱসায় কৰাৰ ঠাই প্ৰদান

মুখ্যপৃষ্ঠা »খবৰ »Jorhat »Jorhat News: অগ্নিকাণ্ডত ক্ষতিগ্ৰস্ত যোৰহাটৰ চক বজাৰৰ ব্যৱসায়ীসকললৈ চৰকাৰৰ এককালীন সাহায্য; অস্থায়ীভাবে ব্যৱসায় কৰাৰ ঠাই প্ৰদান

নগৰৰ পুৰণা বাছ আস্থানৰ সমীপত অস্থায়ীভাবে ব্যৱসায় চলাই নিবলৈ ঠাই দিয়া হৈছে ব্যৱসায়ীসকলক

News18 Assam
Last Updated : March 06, 2023, 14:56 IST

GAUTOM BORAH

যোৰহাটৰ চক বজাৰত সংঘটিত ভয়ংকৰ অগ্নিকাণ্ডত ক্ষতিগ্ৰস্ত লোকসকলক চৰকাৰৰ তৰফৰ পৰা এককালীন সাহায্য আগবঢ়োৱা হৈছে। দেওবাৰে বিয়লি আনুষ্ঠানিক ভাবে এই আৰ্থিক সাহায্য প্ৰদান কৰা হয়। যোৰহাট জিলাৰ অভিভাৱক মন্ত্ৰী অজন্তা নেওগৰ উপস্থিতিত অগ্নিকাণ্ডত ক্ষতিৰ সন্মুখীন হোৱা মুঠ ২৪১ গৰাকী লোকক ৫০ হাজাৰ টকাকৈ এককালীন সাহায্য আগবঢ়োৱা হৈছে। দেওবাৰে যোৰহাটৰ আৱৰ্ত ভৱনৰ সভাকক্ষত অনুষ্ঠিত এক সভাত এই সাহায্য প্ৰদান কৰা হয়।

উল্লেখ্য যে, যিসকল লোকে যোৰহাট জিলা প্ৰশাসনক বেংক একাউণ্ট নম্বৰ প্ৰদান কৰিছে তেওঁলোকৰ একাউণ্টত পোনপটীয়াকৈ ধন জমা কৰা হৈছে। সৰ্বমুঠ এক কোটি তেৰ লাখ টকা প্ৰদান কৰা হ’ব ক্ষতিগ্ৰস্ত সকলক।

আনহাতে, চক বজাৰৰ ব্যৱসায়ী সকলক অস্থায়ীভাবে ব্যৱসায় কৰিবলৈ নগৰৰ পুৰণা বাছ আস্থানৰ সমীপত ঠাই দিয়া হৈছে বুলিও জানিবলৈ দিয়ে মন্ত্ৰী অজন্তা নেওগে।