UPৰ হিংসাত্মক কাণ্ডক লৈ মণিপুৰত কংগ্ৰেছৰ প্ৰতিবাদী সমদল, প্ৰিয়ংকা গান্ধীৰ মুক্তিৰ দাবী

মণিপুৰত কংগ্ৰেছে উত্তৰ প্ৰদেশৰ হিংসাত্মক ঘটনাৰ বিৰুদ্ধে প্ৰতিবাদী সমদল উলিয়াই কংগ্ৰেছ নেত্ৰী প্ৰিয়ংকা গান্ধীৰ মুক্তিৰ লগতে অভিযুক্তক তাৎক্ষণিকভাৱে গ্ৰেপ্তাৰৰ দাবী উত্থাপন কৰে।

মণিপুৰৰ কংগ্ৰেছে শেহতীয়াকৈ উত্তৰ প্ৰদেশৰ লখিমপুৰ খেৰী কাণ্ডক গৰিহণা দি প্ৰতিবাদৰ বাবে ইম্ফলৰ ৰাজপথলৈ ওলাই আহে। মণিপুৰ কংগ্ৰেছে আৰক্ষীৰ দ্বাৰা আটক কৰা উত্তৰ প্ৰদেশৰ এআইচিচিৰ ভাৰপ্ৰাপ্ত বিষয়া প্ৰিয়ংকা গান্ধীক চৰ্তহীনভাৱে মুক্তি দিয়াৰ দাবী জনায়।

মঙলবাৰে আবেলি ৰাজ্যৰ ৰাজধানীস্থিত কংগ্ৰেছ ভৱনৰ পৰা ওলোৱা প্ৰতিবাদী সমদলত সাংসদ জয়ৰাম ৰমেশ, প্ৰাক্তন কেন্দ্ৰীয় মন্ত্ৰী তথা এআইচিচি মণিপুৰৰ ভাৰপ্ৰাপ্ত বিষয়া ভক্তচৰণ দাসকে ধৰি কংগ্ৰেছৰ বহুকেইগৰাকী নেতাই  অংশগ্ৰহণ কৰে। প্ৰতিবাদী সমদলৰ বাবে ৰাজ্যৰ ৰাজধানীৰ কাংলা গেটৰ মাজেৰে যান-বাহন চলাচল ব্যাহত হয়।

 এআইচিচি মণিপুৰৰ ভাৰপ্ৰাপ্ত বিষয়া ভক্তচৰণ দাসে কয়, "কংগ্ৰেছ দলে অভিযুক্তজনক তাৎক্ষণিকভাৱে গ্ৰেপ্তাৰ কৰিবলৈ দাবী জনাইছে, যি এজন কেন্দ্ৰীয় মন্ত্ৰীৰ পুত্ৰ আৰু প্ৰিয়ংকা গান্ধীক অবৈধভাৱে গ্ৰেপ্তাৰ কৰা কাৰ্যক গৰিহণা দিয়া হৈছে।'' সমগ্ৰ দেশে প্ৰতিবাদ কৰি আছে আৰু কংগ্ৰেছে প্ৰধানমন্ত্ৰীক কৃষকৰ ওচৰত ক্ষমা বিচাৰিবলৈ আৰু আজি লক্ষ্ণৌভ্ৰমণৰ সময়ত কৃষক সমস্যাত তৎক্ষণাৎ সমাধান কৰিবলৈ দাবী জনাইছে।