உங்கள் மாவட்டத்தைத் தேர்வுசெய்க

    • Home
    • »
    • News
    • »
    • imphal
    • »
    • Manipur: সন্মুখত বিধানসভাৰ নিৰ্বাচন, অনুজ্ঞাপত্ৰ থকা বন্দুক জমা দিয়াৰ নিৰ্দেশ মণিপুৰ চৰকাৰৰ

    Manipur: সন্মুখত বিধানসভাৰ নিৰ্বাচন, অনুজ্ঞাপত্ৰ থকা বন্দুক জমা দিয়াৰ নিৰ্দেশ মণিপুৰ চৰকাৰৰ

    নিৰ্বাচনৰ পূৰ্বে মণিপুৰত বৃদ্ধি পাইছে বন্দুকৰ ঝনঝননি।

    নিৰ্বাচনৰ পূৰ্বে মণিপুৰত বৃদ্ধি পাইছে বন্দুকৰ ঝনঝননি।

    নিৰ্বাচনৰ পূৰ্বে মণিপুৰত বৃদ্ধি পাইছে বন্দুকৰ ঝনঝননি।

    • Share this:

    মাজত মাত্ৰ চাৰিটা মাহ ৷ তাৰ পূৰ্বে বন্দুকৰ ঝনঝননি বাঢ়িছে চুবুৰীয়া ৰাজ্য মণিপুৰত ৷ বিগত এটা মাহত বন্দুকেৰে চলোৱা আক্ৰমণত বহুকেইজন ৰাজনৈতিক দলৰ নেতা-কৰ্মী আঘাতপ্ৰাপ্ত হৈছে ৷ ইয়াৰ পৰিপ্ৰেক্ষিতত মণিপুৰ চৰকাৰে এক বিশেষ নিৰ্দেশনা জাৰি কৰিছে ৷


    মণিপুৰ চৰকাৰৰ গৃহ বিভাগৰ এক নিৰ্দেশনা মৰ্মে পাহাৰীয়া ৰাজ্যখনৰ সকলো জিলা দণ্ডাধীশে নিজ নিজ জিলাত বসবাস কৰা লোকক অনুজ্ঞাপত্ৰ থকা সকলো বন্দুক জমা দিবলৈ নিৰ্দেশ দিছে ৷ নিৰ্দেশনা জাৰি কৰাৰ পিছতে তাৎক্ষণিকভাৱে নিজ নিজ অনুজ্ঞাপত্ৰ থকা বন্দুকবোৰ নিজ নিজ অঞ্চলৰ আৰক্ষী থানা বা আৰক্ষী চকীত জমা দিব লাগিব সকলো লোকে ৷ অন্যথা আইনমতে বিহিত ব্যৱস্থা লোৱা হ'ব বুলি নিৰ্দেশনাটোত কোৱা হৈছে ৷


    উল্লেখযোগ্য যে বিগত ২৭ অক্টোবৰতে মণিপুৰৰ মুখ্যমন্ত্ৰী এন বীৰেন সিঙে ৰাজ্যখনৰ সাম্প্ৰতিক আইন-শৃংখলা পৰিস্থিতি পৰ্যালোচনা কৰি অনুজ্ঞাপত্ৰ থকা সকলো বন্দুক শীঘ্ৰে জমা দিব লাগিব বুলি ঘোষণা কৰিছিল ৷ ইয়াৰ পিছতে গৃহ বিভাগৰ নিৰ্দেশনা ক্ৰমে এতিয়া জিলা দণ্ডাধীশসকলে জাৰি কৰিছে বন্দুক জমা দিয়াৰ নিৰ্দেশ ৷


    ৬০খন আসনযুক্ত মণিপুৰ বিধানসভাৰ বৰ্তমানৰ বিধানসভাৰ কাৰ্যকাল অহা ১৯ মাৰ্চত উকলিব ৷ তাৰ পূৰ্বে নিৰ্বাচন আয়োগে অনুষ্ঠিত কৰিব পাহাৰীয়া ৰাজ্যখনত নিৰ্বাচন ৷ BJP নেতৃত্বাধীন মৰ্চা চৰকাৰখন আগন্তুক নিৰ্বাচনত পুনৰ জয়ী হ'বনে নাই, সেই লৈ এতিয়া চলিছে ৰাজনৈতিক মহলত ব্যাপক চৰ্চা ৷

    Published by:Gautam Barman
    First published: