আপুনি মানসিক সমস্যাত ভুগি আছে নেকি ? কেৱল সোৱাদতেই নহয়, ৰোগ উপশম কৰাৰ ক্ষেত্ৰতো এই ফলৰ গুণাগুণ জানি আপুনি আচৰিত হ'ব ...

মধুৰিআমৰ সোৱাদৰ সৈতে কোনো তুলনা নাই। ইয়াত ভিটামিন চি, লাইকোপেন, আঁহ, আৰু এণ্টিঅক্সিডেণ্ট আদিৰ দৰে বহুতো পুষ্টি থাকে। এই পুষ্টিবোৰ ডায়েবেটিচ নিয়ন্ত্ৰণ কৰা, হজম সঠিক ৰখা, লগতে হৃদযন্ত্ৰৰ সমস্যা দূৰ কৰাত উপকাৰী।

বহুলোকে ডায়েৰিয়া নিৰাময়ৰ বাবে মধুৰিআমৰ পাত ব্যৱহাৰ কৰে। মধুৰিআম খোৱাৰ ফলত শৰীৰত ছডিয়াম আৰু পটাছিয়ামৰ ভাৰসাম্য সঠিক থাকে, যাৰ ফলত ৰক্তচাপ নিয়ন্ত্ৰণত থাকে। এইটোও বিশ্বাস কৰা হয় যে মধুৰিআম খোৱাটোৱে ট্ৰাইগ্লিচাৰাইড আৰু বেয়া কলেষ্টেৰলৰ স্তৰ নিয়ন্ত্ৰণত ৰাখে, যাৰ ফলত হৃদৰোগ নহ'ব পাৰে।

হৃদযন্ত্ৰ ভাল ৰখাৰ উপৰিও মধুৰিআমৰ আন কি কি লাভালাভ আছে জানো আহক ...

ৰোগ প্ৰতিৰোধ প্ৰণালী বৃদ্ধি কৰে - মধুৰিআমত ভিটামিন চি থাকে, যি ৰোগ প্ৰতিৰোধ প্ৰণালী বৃদ্ধি কৰাত সহায়ক হয়। মধুৰিআম খোৱাটোৱে সাধাৰণ সংক্ৰমণ আৰু ৰোগৰ পৰা সুৰক্ষা দিয়ে।

ডায়েবেটিচ প্ৰতিৰোধ- মধুৰীআমত গ্লাইচেমিক সূচক কম, যি ৰক্ত শৰ্কৰাৰ স্তৰ বৃদ্ধি হোৱাত প্ৰতিহত কৰে। ইয়াৰ উপৰিও, ইয়াত যথেষ্ট আঁহ থাকে, যাৰ ফলত ৰক্ত শৰ্কৰাৰ স্তৰ নিয়ন্ত্ৰণত থাকে।

গৰ্ভাৱস্থাৰ সময়ত উপকাৰী- মধুৰিআমক চুপাৰফুড বুলিও কোৱা হয়, ইয়াত বহুতো পুষ্টি থাকে। ইয়াত থকা ফলিক এচিড আৰু ভিটামিন বি৯ কেঁচুৱাৰ স্নায়ুতন্ত্ৰৰ বিকাশত উপকাৰী আৰু স্নায়বিক ৰোগ প্ৰতিৰোধ কৰে। সেয়েহে, গৰ্ভধাৰণৰ সময়ত মধুৰিআম খোৱাটো অতি উপকাৰী।

চাপৰ পৰা প্ৰতিৰোধ - এয়া বিশ্বাস কৰা হয় যে মধুৰিআম খোৱাটোৱে চাপ প্ৰতিহত কৰিব পাৰে। এই ফলত থকা মেগনেছিয়ামে পেশীবোৰ শিথিল কৰে আৰু মনক শান্ত কৰে। ওজন হ্ৰাস কৰাটো সহায়ক - মধুৰিআমত কেলৰি কম আৰু আঁহ অধিক থাকে। ইয়াক খালে ভোক হ্ৰাস হয় আৰু বিপাক বৃদ্ধি হয়।

অসমীয়াত ব্ৰেকিং নিউজ সৰ্বপ্ৰথম News18 অসমত। শেহতীয়া খবৰ, লাইভ নিউজ আপডেট, সবাতোকৈ বিশ্বাসযোগ্য অসমীয়া নিউজ ৱেবছাইট News18 অসম।