মুখ্যপৃষ্ঠা » খবৰ

» Explained

»Explained: চৰকাৰে আৰম্ভ কৰা নতুন BH ছিৰিজৰ নম্বৰ প্লেটৰ বাবে যানবাহন বীমা প্ৰিমিয়াম কিদৰে প্ৰভাৱিত হ'ব? জানি লওক সবিশেষ

Explained: চৰকাৰে আৰম্ভ কৰা নতুন BH ছিৰিজৰ নম্বৰ প্লেটৰ বাবে যানবাহন বীমা প্ৰিমিয়াম কিদৰে প্ৰভাৱিত হ'ব? জানি লওক সবিশেষ

News18 Assam | News18-Assam
Updated:September 21, 2021, 12:02 AM IST
Explained: চৰকাৰে আৰম্ভ কৰা নতুন BH ছিৰিজৰ নম্বৰ প্লেটৰ বাবে যানবাহন বীমা প্ৰিমিয়াম কিদৰে প্ৰভাৱিত হ'ব? জানি লওক সবিশেষ
শেহতীয়াকৈ চৰকাৰে নম্বৰ প্লেটৰ বাবে এটা নতুন বি এইচ ছিৰিজ আৰম্ভ কৰিছে, এইক্ষেত্ৰত কি কয় ইন্সুৰেঞ্চ কৰ্তৃপক্ষই।

শেহতীয়াকৈ চৰকাৰে নম্বৰ প্লেটৰ বাবে এটা নতুন বি এইচ ছিৰিজ আৰম্ভ কৰিছে, এইক্ষেত্ৰত কি কয় ইন্সুৰেঞ্চ কৰ্তৃপক্ষই।

  • News18 Assam
  • Last Updated: September 21, 2021, 12:02 AM IST
  • Share this:

শেহতীয়াকৈ চৰকাৰে নম্বৰ প্লেটৰ বাবে এটা নতুন বি এইচ ছিৰিজ আৰম্ভ কৰিছে। ইয়াক প্ৰতিৰক্ষা মন্ত্ৰালয়, বেংক, ৰাজহুৱা খণ্ড আৰু চৰকাৰী বিভাগৰ সৈতে সম্পৰ্কিত কৰ্মচাৰীসকলে লাভ কৰিব। কোৱা হৈছে যে ইয়াৰ দ্বাৰা জটিল আন্তঃৰাজ্যিক বাহন পঞ্জীয়ন স্থানান্তৰ প্ৰক্ৰিয়া পৰিহাৰ কৰিব পৰা যাব। আনকি ব্যক্তিগত খণ্ডৰ লোকসকলেও যি চাৰি বা ততোধিক ৰাজ্যৰে সম্পৰ্কিত, তেওঁলোকে বি এইচ শৃংখলাৰ বাহন ব্যৱহাৰ কৰাৰ অনুমতি পাব।


আপুনি এনে বাহন পঞ্জীয়নৰ বাবে আবেদন কৰিব পাৰে আৰু ইলেকট্ৰনিক পদ্ধতিৰে প্ৰয়োজনীয় মাচুল আৰু কৰ পৰিশোধ কৰিব পাৰে। পঞ্জীয়নৰ বাবে ৰাজ্য বা কেন্দ্ৰীয় চৰকাৰে প্ৰায় ৫-২১ শতাংশ কৰ সংগ্ৰহ কৰে।


এলায়েন্স ইঞ্চিৰেন্সৰ ব্ৰ'কাৰ সহঃ প্ৰতিষ্ঠাপক আৰু সঞ্চালক আতুৰ ঠক্কৰে এই সম্পৰ্কে কয়, "ভাৰত ছিৰিজৰ নতুন বাহন পঞ্জীয়ন প্ৰৱৰ্তন কৰিলে ৰাজ্যসমূহত নিৰৱচ্ছিন্ন স্থানান্তৰ নিশ্চিত হ'ব আৰু বাহনৰ মালিকসকলক পুনৰ পঞ্জীয়ন প্ৰক্ৰিয়াৰ পৰা মুক্ত কৰিব, যেতিয়া তেওঁলোকে এখন ৰাজ্য/কেন্দ্ৰীয় শাসিত অঞ্চলৰ পৰা আন এখনলৈ স্থানান্তৰিত হ'ব, এইক্ষেত্ৰত আন্তঃৰাজ্যিক কৰ সঞ্চয় কৰিব।"



প্ৰিমিয়াম প্ৰভাৱিত হ'বনে?


হ্ৰস্বম্যাদী অৱস্থাত বি এইচ শৃংখলাৰ বাবে বাছনি কৰা বাহনৰ মালিকসকলৰ বাবে সামগ্ৰিক ব্যয় হ্ৰাস হ'ব। প্ৰাৰম্ভিক পঞ্জীয়ন পৰ্যায়তে কৰ সংগ্ৰহ আৰু স্থানান্তৰৰ সময়ত একাধিক ৰাজ্যিক কৰ সংগ্ৰহৰ ব্যৱস্থা নথকাৰ বাবে এনে হ'ব। আনহাতে দীৰ্ঘম্যাদী সময়ত, চহৰবোৰৰ মাজত স্থানান্তৰৰ ফলত স্থানান্তৰৰ সময়ত সৰু সৰু দাগ বা চুৰিৰ বাবে ক্লেইম হ'ব পাৰে। কিন্তু বীমা কোম্পানী আৰু বীমা ব্ৰ'কাৰসকলে বিএইচ শৃংখলাৰ বাহনৰ বীমা প্ৰিমিয়ামৰ ওপৰত কোনো তাৎক্ষণিক প্ৰভাৱ প্ৰত্যাখ্যান কৰে।


"চৰকাৰে ঘোষণা কৰা নতুন ব্যৱস্থাৰ আধাৰত বীমা উদ্যোগটোৱে প্ৰিমিয়াম মাচুল বৃদ্ধি কৰিব বুলি আমি আশা নকৰোঁ।" –ঠক্কৰে কয়।


বৰ্তমানে, বীমাকৰ্তাসকলে বাহন এখনৰ বিপদাশংকা মূল্যাঙ্কন কৰাৰ বাবে পঞ্জীয়ন নম্বৰটো এক নিৰ্দিষ্ট ধাৰা হিচাপে যোগ দিব নিবিচাৰে। অৱশ্যে, তেওঁলোকে এনে বাহনৰ দ্বাৰা কৰা ক্লেইমবোৰ মূল্যাঙ্কন কৰিব আৰু ভৱিষ্যতে সিদ্ধান্ত ল'ব যে এনে বিএইচ শৃংখলাৰ বাহনৰ বাবে কম বা অধিক প্ৰিমিয়াম থকাৰ প্ৰয়োজন আছে নে নাই।



এতিয়ালৈকে দিল্লীত পঞ্জীয়ন কৰা গাড়ীতেই ভ্ৰমণ কৰক বা পণ্ডিচেৰীত, গাড়ীৰ একেই মডেলৰ বাবে প্ৰিমিয়ামো একে হ'ব, এই দুখন চহৰত দুৰ্ঘটনাৰ সংখ্যাৰ তাৰতম্য থাকিলেও। ছিকিউৰনাও ইন্সুৰেন্স ব্ৰ'কাৰৰ সহ-প্ৰতিষ্ঠাপক কপিল মেহতাই কয়, "বাহন এখনৰ পঞ্জীয়ন তৃতীয় পক্ষ বা নিজস্বই হওক, ক্ষতিৰ ক্ষেত্ৰত ইন্সুৰেন্স কভাৰত ই কোনো প্ৰভাৱ পেলাব নোৱাৰে।" তেওঁ লগতে কয় যে ইন্সুৰেন্স কভাৰৰ ক্ষেত্ৰত এবাৰ লোৱা হ'লে সমগ্ৰ ভাৰততে বৈধ।


সেয়েহে, যদি আপুনি মুম্বাইত পঞ্জীয়ন কৰা আপোনাৰ বাহনৰ বাবে বীমা আঁচনি এখন লয় আৰু চুৰাটলৈ যাত্ৰা কৰোঁতে দুৰ্ঘটনাৰ সন্মুখীন হয়, তেনেহ'লে আপোনাৰ বীমা দাবী বৈধ হ'ব।


বাহনৰ প্ৰিমিয়াম কিহে প্ৰভাৱিত কৰে?


বাহনখনৰ ভূগোলে প্ৰিমিয়ামক খুব কমেই প্ৰভাৱিত কৰে। অৱশ্যে আন কিছুমান কাৰক আছে যিয়ে প্ৰিমিয়াম প্ৰভাৱিত কৰে। "ভাৰতত মটৰ বাহন বীমা বাধ্যতামূলক আৰু মটৰ বাহনৰ বীমা মুখ্যতঃ বাহনখনৰ ব্যয় আৰু বয়সৰ ওপৰত আধাৰিত।" –ঠক্কৰে কয়।


লগতে তেওঁ উল্লেখ কৰে যে উজ্জয়িনীত ইন্দোৰৰ তুলনাত কম শ্ৰমিক ব্যয় আদায় দিব লাগে। গতিকে ই আপোনাৰ সামগ্ৰিক বাহন মেৰামতি ব্যয়ত প্ৰভাৱ পেলাব যদিও আপোনাৰ প্ৰিমিয়ামত এক ইঞ্চিও প্ৰভাৱ নেপেলায়। অৱশ্যে, নিম্ন কৰৰ ক্ষেত্ৰত, আপোনাক বীমা প্ৰিমিয়ামৰ ওপৰত কিছু সঞ্চয় দিব পাৰে। বৰ্তমানে বাহন ক্ৰয়ৰ সময়ত ১৫ বছৰৰ বাবে কৰ আগতে সংগ্ৰহ কৰা হয়। বি এইচ শৃংখলাৰ বাবে মাত্ৰ দুবছৰৰ বাবে কৰ সংগ্ৰহ কৰা হ'ব। সেয়েহে, বাহনখনৰ বীমাকৃত ঘোষিত মূল্য কৰৰ সৈতে সংগতি ৰাখি হ্ৰাস হ'ব।


ৰাজ্যবোৰ স্থানান্তৰ কৰোঁতে বীমাকৰ্তাক জনাব


যদি আপুনি আপোনাৰ বিদ্যমান বাহনৰ পঞ্জীয়ন বিএইচ শৃংখলালৈ সলনি কৰে বা আন এখন ৰাজ্যলৈ যায়, তেতিয়া বীমাকৰ্তাক জনোৱাৰ ক্ষেত্ৰত বাধ্যবাধকতা থাকিব।


"যেতিয়া আপুনি গাড়ীৰ নম্বৰ সলনি কৰে, আৰু যদি কোনো ক্লেইম কৰিব লগা হয়, তেনেহ'লে বীমাকৰ্তাক কোনো সামগ্ৰীৰ তথ্য লুকুৱাই ৰখাৰ অভিযোগ পৰিহাৰ কৰিবলৈ জনোৱাটো অধিক সুৰক্ষিত।" মেহতাই পৰামৰ্শ দিয়ে।


বীমাকৃত বাহনৰ এনে পৰিৱৰ্তনৰ বিষয়ে এক সৰল প্ৰপত্ৰৰ জৰিয়তে অৱগত কৰিব পাৰি।


ত্ৰুটিপূৰ্ণ পঞ্জীয়নৰ বাবে বীমা অস্বীকাৰ কৰা হৈছে


যদি আপোনাৰ স্থানান্তৰযোগ্য চাকৰি আছে আৰু ৰাজ্যবোৰত যাতায়াত কৰাৰ প্ৰয়োজন হয়, আপোনাৰ বাহনৰ বাবে বিএইচ শৃংখলা নম্বৰ প্লেট প্ৰাপ্ত কৰাটো সৰ্বশ্ৰেষ্ঠ। এইটো কেৱল কৰ সঞ্চয় কৰাৰ বাবেই গুৰুত্বপূৰ্ণ নহয়, লগতে আপোনাৰ বীমা ক্লেইমৰ বাবে গুৰুত্বপূৰ্ণ।


কিয়নো যদি আপুনি দিল্লীৰ পৰা মুম্বাইলৈ যায়, আপুনি পথ পৰিবহন আৰু ঘাইপথ মন্ত্ৰালয়ৰ মতে ১২ মাহৰ ভিতৰত ডিএল নম্বৰ প্লেট সলনি কৰি এম এইচ নম্বৰ প্লেট কৰিব লাগিব।


মেহতাই কয়, "যদি এখন ৰাজ্যৰ পৰা আন এখন ৰাজ্যলৈ যোৱাৰ পিছত নিৰ্ধাৰিত ম্যাদৰ (এবছৰ) ভিতৰত আপোনাৰ বাহনৰ পঞ্জীয়ন সলনি কৰা হোৱা নাই, তেনেহ'লে বীমাকৰ্তাই আপোনাৰ ক্লেইম প্ৰত্যাখ্যান কৰিব, কিয়নো আপুনি আইন অনুসৰণ কৰা নাই।"

Published by: Gautam Barman
First published: September 20, 2021, 11:49 PM IST
আৰু চাওক
পৰৱৰ্তী বাতৰি

শেহতীয়া বাতৰি