உங்கள் மாவட்டத்தைத் தேர்வுசெய்க

    • Home
    • »
    • News
    • »
    • explained
    • »
    • Explained : এতিয়াও অপেক্ষাৰত সৰ্বানন্দ সোণোৱাল; কিয় মহাৰাষ্ট্ৰৰ ৰাজনীতি হেঙাৰ হৈ থিয় দিছে মোদী মন্ত্ৰী সভাৰ সম্প্ৰসাৰণত ?

    Explained : এতিয়াও অপেক্ষাৰত সৰ্বানন্দ সোণোৱাল; কিয় মহাৰাষ্ট্ৰৰ ৰাজনীতি হেঙাৰ হৈ থিয় দিছে মোদী মন্ত্ৰী সভাৰ সম্প্ৰসাৰণত ?

    অনাগত UP নিৰ্বাচন আৰু মহাৰাষ্ট্ৰ পুনৰ দখলে প্ৰাধান্য পাইছে  বিজেপিত; কেবিনেট সম্প্ৰসাৰণৰ যোগেদি যাতে দুয়োটাতে মুনাফা আদায় কৰিব পাৰি তাৰেই ৰণ কৌশলত ব্যস্ত।

    অনাগত UP নিৰ্বাচন আৰু মহাৰাষ্ট্ৰ পুনৰ দখলে প্ৰাধান্য পাইছে  বিজেপিত; কেবিনেট সম্প্ৰসাৰণৰ যোগেদি যাতে দুয়োটাতে মুনাফা আদায় কৰিব পাৰি তাৰেই ৰণ কৌশলত ব্যস্ত।

    অনাগত UP নিৰ্বাচন আৰু মহাৰাষ্ট্ৰ পুনৰ দখলে প্ৰাধান্য পাইছে  বিজেপিত; কেবিনেট সম্প্ৰসাৰণৰ যোগেদি যাতে দুয়োটাতে মুনাফা আদায় কৰিব পাৰি তাৰেই ৰণ কৌশলত ব্যস্ত।

    • Share this:
    সংসদৰ বর্ষাকালীন অধিবেশন অনুষ্ঠিত হ’ব ১৯জুলাইৰ পৰা । তাৰ পূৰ্বে মোদী মন্ত্ৰী সভা সম্প্ৰসাৰণ হোৱাৰ কথা । সংবাদ মাধ্যমত ব্যাপক চৰ্চা চলিছে অসমৰ প্ৰাক্তন মুখ্যমন্ত্ৰী সৰ্বানন্দ সোণোৱালৰ নাম । কিন্তু এতিয়াও আনুষ্ঠানিক ঘোষণা হোৱা নাই । শাসক দল বা চৰকাৰৰ প্ৰতিনিধিৰ পৰাও অহা নাই কোনো বক্তব্য। বিলম্ব হোৱাৰ কাৰণ কি? ৰাজনৈতিক বিশ্লেষণক সকলে শিৱসেনা আৰু বিজেপিয়ে পুনৰ ৰাজনৈতিক মিত্ৰতা স্থাপন কৰিবলৈ বিভিন্ন পৰ্যায়ত কৰি থকা গোপন আলোচনাই ইয়াৰ কাৰণ বুলি ক’ব বিচাৰে ।

    কি হৈ আছে মহাৰাষ্ট্ৰৰ ৰাজনীতিত ?

    মহাৰাষ্ট্ৰত শিৱসেনা, কংগ্ৰেছ আৰু ৰাষ্ট্ৰবাদী কংগ্ৰেছ পাৰ্টীৰ চৰকাৰ । শিৱসেনা প্ৰধান উদ্ধৱ থাকৰে মুখ্যমন্ত্ৰী । বিজেপিৰে ২৫বছৰীয়া সম্বন্ধ ত্যাগ কৰি শিৱসেনাই চৰকাৰ গঠন কৰিছে । বিধানসভা নিৰ্বাচনতো দুয়ো দল একেলগে অৱতীৰ্ণ হৈছিল । বিশ্লেষক তথা জেষ্ঠ সাংবাদিক কোমি কাপোৰে দিল্লীৰ পৰা প্ৰকাশিত এখন ইংৰাজী দৈনিকত উল্লেখ কৰা মতে বিজেপিয়ে পুনৰ শিৱসেনাৰ মন জয় কৰিব বিচাৰিছে । প্ৰাক্তন বিজেপি দলৰ মুখ্যমন্ত্ৰী দেৱেন্দ্ৰ ফাড়নাবিচক কেন্দ্ৰীয় কেবিনেটত অন্তৰ্ভুক্ত কৰি উদ্ধৱ থাকৰেকে মুখ্যমন্ত্ৰী হিচাপে গ্ৰহণ কৰি বিজেপিৰ দুজন উপ মুখ্যমন্ত্ৰীৰে মহাৰাষ্ট্ৰত পুনৰ চৰকাৰৰ অংশীদাৰ হ’বলৈ মন মেলিছে বিজেপিয়ে । যাৰ ফলত কেবিনেট সম্প্ৰসাৰণ কিছু বিলম্ব হৈছে । কাৰণ তেনে পৰিস্থিতিত শিৱসেনাৰ একাধিক সাংসদক মন্ত্ৰীত্ব প্ৰদান কৰিব লাগিব ।

    উল্লেখযোগ্য যে অতি সম্প্ৰতি মহাৰাষ্ট্ৰত মিলিজুলি চৰকাৰ গঠন কৰা তিনি দলৰ মাজত সংঘাত পৰিলক্ষিত হৈছে । ইতিমধ্যে প্ৰদেশ কংগ্ৰেছৰ সভাপতি নানা পাত’লেই মুম্বাইৰ পৌৰ গোটৰ নিৰ্বাচন একক ভাৱে  অৱতীৰ্ণ হোৱাৰ কথা ঘোষণা কৰিছে ।

    যোৱা ৮ জুনত মুখ্যমন্ত্ৰী উদ্ধৱ থাকৰেই প্ৰধানমন্ত্ৰী নৰেন্দ্ৰ মোদীক সাক্ষাৎ কৰাৰ পিছতে আৰম্ভ হৈছে এই পুনৰ মিলনৰ চৰ্চা । অৱশ্যে বিজেপিয়ে তেনে কোনো কুচকাৱাজৰ কথা অস্বীকাৰ কৰিছে । দলটোৰ মতে বিজেপিয়ে বিধানসভা নিৰ্বাচনত শিৱসেনাতকৈ দুগুণ আসন লাভ কৰিছিল; তেনে স্থলত থাকৰেক মুখ্যমন্ত্ৰীৰ চকী খন এৰি দিয়াৰ প্রশ্নই নুঠে । আনহাতে সহযোগী দল NCPৰ মন্ত্ৰী অনিল দেশমুখৰ বিৰুদ্ধে উত্থাপন হোৱা দুৰ্নীতিৰ অভিযোগে মুখ্যমন্ত্ৰীক অস্বস্তিত পেলাইছে বুলিও বিভিন্ন জনে ক’ব বিচাৰে ।

    উল্লেখযোগ্য যে, শিৱসেনাৰ সাংসদ সঞ্জয় ৰাউটে বিজেপি নেতা আশীষ শেলাৰক কিছু দিনৰ আগতে সাক্ষাৎ কৰিছে । ৰাওটে মোদীক একাধিক মঞ্চত প্রশংসা কৰাৰ পিছতেই শিৱসেনা আৰু বিজেপিৰ পুনৰ মিলন বাতৰিয়ে শিৰোনাম দখল কৰিছিল ।

    গতিকে এই মুহূৰ্তত বিজেপিত অহা বছৰৰ উত্তৰ প্ৰদেশ নিৰ্বাচন আৰু মহাৰাষ্ট্ৰ পুনৰ দখলে প্ৰাধান্য পাইছে । আৰু কেবিনেট সম্প্ৰসাৰণৰ যোগেদি যাতে এই দুইটা পৰিঘটনাত ৰাজনৈতিক  মুনাফা আদায় কৰিব পাৰি সেই চিন্তাত এতিয়া কেন্দ্ৰীয় নেতৃত্ব । ৰাজনৈতিক বিশ্লেষকৰ মতে যদিহে মহাৰাষ্ট্ৰত বিজেপি-শিৱসেনাৰ গোপন আলোচনা সফল নহৈ অন্ত পৰে; তেন্তে প্ৰধান মন্ত্ৰী মোদীয়ে অলপো বিলম্ব নকৰি নতুন মন্ত্ৰীৰ তালিকা ঘোষণা কৰিব । তেতিয়ালৈকে সৰ্বানন্দ সোণোৱালৰ হাতত অপেক্ষা কৰাৰ বাদেও গত্যন্তৰ নাই ।

    উল্লেখযোগ্য যে ২০১৯চনত পুনৰ চৰকাৰ গঠন কৰাৰ পিছত এইটো হ’ব মোদীৰ দ্বিতীয়টো সম্প্ৰসাৰণ । কেন্দ্ৰীয় কেবিনেটত সাংবিধানিক বাধ্যবাধকতাৰ কাৰণ ৮১জন মন্ত্ৰীক দায়িত্ব দিব পৰা যায় । এতিয়া মোদী মন্ত্ৰী সভাৰ মন্ত্ৰীৰ সংখ্যা ৫৩জন । উত্তৰ পূৰ্বাঞ্চলৰ পৰা এজনো কেবিনেট পৰ্যায়ৰ মন্ত্ৰী নোহোৱাৰ বিপৰীতে দুজনকৈ ৰাজ্যিক মন্ত্রীয়ে স্থান পাইছে ।
    Published by:Manjumoni Borah
    First published: