১৫ আৰু ১৬ মাৰ্চত বেংক ধৰ্মঘট, কি প্ৰভাৱ পৰিব বেংকৰ কাম-কাজত? জানি লওক সবিশেষ ....
ৰাজহুৱা খণ্ডৰ বেংকৰ লগতে অতি পূৰণি ব্যক্তিগত বেংকৰ প্ৰায় ১০ লাখ কৰ্মচাৰীয়ে আগন্তুক ১৫ আৰু ১৬ মাৰ্চত ধর্মঘটত কাৰ্যসূচী ৰূপায়ণ কৰিব। কিহৰ বাবে এই ধৰ্মঘট ? এই ধৰ্মঘটে বেংকৰ সেৱাসমূহক প্ৰভাৱিত কৰিব নেকি ?
ৰাজহুৱা খণ্ডৰ বেংকৰ লগতে অতি পূৰণি ব্যক্তিগত বেংকৰ প্ৰায় ১০ লাখ কৰ্মচাৰীয়ে আগন্তুক ১৫ আৰু ১৬ মাৰ্চত ধর্মঘটত কাৰ্যসূচী ৰূপায়ণ কৰিব। কিহৰ বাবে এই ধৰ্মঘট ? এই ধৰ্মঘটে বেংকৰ সেৱাসমূহক প্ৰভাৱিত কৰিব নেকি ?
- News18 Assam
- Last Updated: March 22, 2021, 3:50 PM IST
- Share this:
দৰাচলতে বিত্ত মন্ত্ৰী নিৰ্মলা সীতাৰমণে চলিত বৰ্ষৰ ফেব্ৰুৱাৰীত সংসদত কেন্দ্ৰীয় বাজেট উত্থাপন কৰাৰ সময়তে ১.৭৫ লাখ কোটি টকা উদ্ধাৰৰ বাবে চৰকাৰে বিনিয়োগ কাৰ্য বন্ধ কৰা অভিযানৰ অংশ হিচাপে ৰাজহুৱা খণ্ডৰ বেংক ব্যক্তিগতকৰণৰ কথা ঘোষণা কৰিছিল । আই.ডি.বি.আই. বেংকৰ বাহিৰে চৰকাৰে ২০২১-২২ বৰ্ষত দুটাকৈ ৰাজহুৱা খণ্ডৰ বেংক আৰু এটা সাধাৰণ বীমা কোম্পানীৰ ব্যক্তিগতকৰণৰ প্ৰস্তাৱ দিছিল । যাৰ বাবে ৯টাকৈ বেংক ইউনিয়নৰ মূখ্য সংস্থা ইউনাইটেড ফ'ৰাম অ'ৰ বেংক ইউনিয়ন (ইউএফবিইউ)য়ে এই সিদ্ধান্তৰ বিৰোধিতাৰে চৰকাৰৰ বিৰুদ্ধে ১৫ আৰু ১৬ মাৰ্চ অৰ্থাত্ আগন্তুক সোমবাৰ আৰু মঙলবাৰে দেশজুৰি বেংক কৰ্মচাৰীৰ ধৰ্মঘটৰ আহ্বান জনাইছে ।
যিহেতু ১৫ আৰু ১৬ মাৰ্চৰ ধৰ্মঘটৰ পূৰ্বে দ্বিতীয় শনিবাৰ আৰু দেওবাৰ উপলক্ষে ১৩ আৰু ১৪ মাৰ্চত বেংক বন্ধ থাকিব। তেনেস্থলত আগন্তুক চাৰিটা দিন ধৰি বেংক সেৱা প্ৰভাৱিত হোৱাৰ সম্ভাৱনা আছে । অৱশ্যে এই চাৰি দিনত এটিএম সেৱা কাৰ্যকৰী হৈ থকা সম্ভাৱনা আছে।
ধৰ্মঘটৰ এই সময়চোৱাত নতুন প্ৰজন্মৰ ব্যক্তিগতখণ্ডৰ বেংক যেনে এইচডিএফচি বেংক, আইচিআইচিআই বেংক, কোটাক মহিন্দ্ৰা বেংক, এক্সিছ বেংক আৰু ইণ্ডুচইণ্ড বেংকৰ সেৱাসমূহে স্বাভাৱিকভাৱে কাম কৰিব বুলি আশা কৰা হৈছে। অৱশ্যে, তেওঁলোক বেংকিং সেৱাৰ প্ৰায় এক তৃতীয়াংশহে মাথো।
অন্যহাতে অতিৰিক্ত মুখ্য শ্ৰমিক আয়ুক্ত এচ চি যোশীয়ে ৪, ৯ আৰু ১০ মাৰ্চত চৰকাৰ আৰু ইউনিয়নৰ মাজত এক বৈঠক অনুষ্ঠিত কৰাৰ কথা উল্লেখ কৰে সদৌ ভাৰত বেংক কৰ্মচাৰী সংস্থা চমুকৈ AIBEAএ । লগতে সংস্থাটোৰ বিষয়ববীয়াই কয়, "চৰকাৰে বেংক ব্যক্তিগতকৰণ কৰাৰ সিদ্ধান্ত পুনৰ বিবেচনা কৰিবলৈ সন্মত হ'লে আমি ধৰ্মঘট সম্পৰ্কত চিন্তাচৰ্চা কৰিম বুলি ইউনিয়নৰ তৰফৰ পৰা প্ৰস্তাৱ দিছো। যদিও বিত্ত মন্ত্ৰালয়ৰ প্ৰতিনিধিয়ে এনে কোনো প্ৰতিশ্ৰুতি দিব পৰা নাছিল । যাৰ বাবে সেই বৈঠকৰ কোনো ইতিবাচক ফলাফল পোৱা যোৱা নাই | গতিকে ১৫ আৰু ১৬ মাৰ্চত নিৰন্তৰ দুটা দিনৰ বাবে ধৰ্মঘটৰ সৈতে আগবাঢ়ি যোৱাৰ সিদ্ধান্ত লোৱা হৈছে।"
