உங்கள் மாவட்டத்தைத் தேர்வுசெய்க

    • Home
    • »
    • News
    • »
    • explained
    • »
    • হ্ৰাস পাব পাৰে সৰিয়হ আৰু ৰিফাইন তেলৰ মূল্য! চৰকাৰলৈ খাদ্য তেল ব্যৱসায়ী মহাসংঘৰ দুটা পৰামৰ্শ

    হ্ৰাস পাব পাৰে সৰিয়হ আৰু ৰিফাইন তেলৰ মূল্য! চৰকাৰলৈ খাদ্য তেল ব্যৱসায়ী মহাসংঘৰ দুটা পৰামৰ্শ

    সৰিয়হ আৰু ৰিফাইন তেলৰ নিয়ন্ত্ৰণহীন মূল্যক লৈ সৰৱ হৈছে অখিল ভাৰতীয় খাদ্য তেল ব্যৱসায়ী মহাসংঘ।

    সৰিয়হ আৰু ৰিফাইন তেলৰ নিয়ন্ত্ৰণহীন মূল্যক লৈ সৰৱ হৈছে অখিল ভাৰতীয় খাদ্য তেল ব্যৱসায়ী মহাসংঘ।

    সৰিয়হ আৰু ৰিফাইন তেলৰ নিয়ন্ত্ৰণহীন মূল্যক লৈ সৰৱ হৈছে অখিল ভাৰতীয় খাদ্য তেল ব্যৱসায়ী মহাসংঘ।

    • Share this:

    সৰিয়হ আৰু ৰিফাইন তেলৰ নিয়ন্ত্ৰণহীন মূল্যক লৈ সৰৱ হৈছে অখিল ভাৰতীয় খাদ্য তেল ব্যৱসায়ী মহাসংঘ। সেয়েহে মহাসংঘই বিষয়টোত হস্তক্ষেপ কৰিবলৈ কেন্দ্ৰীয় চৰকাৰলৈ লিখিছিল এখন পত্ৰ । এই পত্ৰৰ সঁহাৰি স্বৰূপে ২৪ মে'ত কেন্দ্ৰীয় চৰকাৰৰ সংশ্লিষ্ট বিভাগে এখন বৈঠক আহ্বান কৰিছিল, য’ত অংশগ্ৰহণ কৰিছিল মহাসংঘৰ লগতে তেল ব্যৱসায়ীসকলেও ।


    মহাসংঘৰ ৰাষ্ট্ৰীয় সভাপতি শংকৰ ঠাক্কৰে কেন্দ্ৰীয় চৰকাৰক বৰ্ধিত তেলৰ মূল্য নিয়ন্ত্ৰণ কৰিবলৈ দুটা পৰামৰ্শ দিছে। তেওঁ কয় যে যদি চৰকাৰে এয়া গ্ৰহণ কৰে, তেন্তে সাধাৰণ লোকসকল যথেষ্ট উপকৃত হ'ব।


    বৈঠকত মহাসংঘৰ ৰাষ্ট্ৰীয় সভাপতিজনে বিষয়াসকলক কি কৈছিল?


    অখিল ভাৰতীয় খাদ্য তেল ব্যৱসায়ী মহাসংঘৰ ৰাষ্ট্ৰীয় সভাপতি শংকৰ ঠাক্কৰে বৈঠকত কয়, "চৰকাৰে তেলৰ ওপৰত কৃষি কল্যাণ উপকৰ আৰোপ কৰিছে। তেল আৰু তৈলবীজৰ ওপৰত জিএছটি আৰোপ কৰিছে। এই বছৰ তেলৰ মূল্য আকাশলংঘী হোৱাৰ বাবে চৰকাৰে কৃষি কল্যাণ উপকৰৰ পৰা বৃহৎ ৰাজহ লাভ কৰিছে, সেয়েহে চৰকাৰে এতিয়া সাধাৰণ ৰাইজৰ কথা মনত ৰাখি ইয়াক আঁতৰ কৰা উচিত। একে সময়তে, জিএছটি শূন্য শতাংশ কৰিবলৈও আহ্বান জনায় তেওঁ ।


    চৰকাৰে ৰিফাইন পামোলিনৰ ওপৰত থকা নিষেধাজ্ঞা আঁতৰ কৰক


    ৰাষ্ট্ৰীয় সভাপতি শংকৰ ঠাক্কৰে কয়, "যোৱা বছৰৰ পৰা ৰিফাইন পামোলিনৰ ওপৰত থকা নিষেধাজ্ঞা তৎক্ষণাৎ উঠাই লোৱা প্ৰয়োজন। দেশৰ ভিতৰত কিছুমান ৰাজ্যত শোধনাগাৰৰ অভাৱ আৰু কিছুমান ৰাজ্যত শোধনাগাৰৰ অনুপস্থিতিয়ে উৎপাদন আৰু যোগান শৃংখলাত বাধা দিয়ে। এনে সময়ত, কিছুমান লোকে সুযোগ লয়। ইয়াৰ ফলত মূল্যবৃদ্ধি হয় আৰু কোৰোণা সংক্ৰমণে শোধনাগাৰৰ দক্ষতাত প্ৰভাৱ পেলাইছে। বৈঠকত কিছুমান সংগঠনৰ দ্বাৰা পৰিৱৰ্তনশীল আমদানি শুল্ক প্ৰৱৰ্তনৰ পৰামৰ্শ দিয়ে, যাতে মূল্য বৃদ্ধি হ'লে আমদানি শুল্ক স্বয়ংক্ৰিয়ভাৱে হ্ৰাস হয় আৰু আন্তঃৰাষ্ট্ৰীয় বজাৰত মূল্য হ্ৰাস হ'লে আমদানি শুল্ক বৃদ্ধি পায়।"


    বৈঠকত কেন্দ্ৰীয় চৰকাৰৰ বিভিন্ন বিভাগৰ মুখ্য সচিব আৰু অখিল ভাৰতীয় খাদ্য তেল ব্যৱসায়ী মহাসংঘ, চি, চ'পা, কইট, আইভিপিএ আৰু অন্যান্য ৰাষ্ট্ৰীয় সংগঠনৰ প্ৰতিনিধি আৰু ৰাজ্য চৰকাৰৰ যোগান বিভাগৰ বিষয়াসকল উপস্থিত আছিল।

    Published by:Gautam Barman
    First published: