உங்கள் மாவட்டத்தைத் தேர்வுசெய்க

    • Home
    • »
    • News
    • »
    • explained
    • »
    • Covid-19 আৰু শিশু | আপোনাৰ সন্তানক সুৰক্ষিত কৰি ৰাখিবলৈ কিছু পৰামৰ্শ

    Covid-19 আৰু শিশু | আপোনাৰ সন্তানক সুৰক্ষিত কৰি ৰাখিবলৈ কিছু পৰামৰ্শ

    • Share this:
    মানুহৰ মাজত এক শংকা বিয়পি পৰিছে যে ক’ভিড-19-ৰ তৃতীয়টো ঢৌৱে শিশুক প্ৰভাৱিত কৰিব। ভৱিষ্যতে এই পৰিস্থিতিৰ মোকাবিলা কৰিবলৈ, চিকিৎসক আৰু চৰকাৰী আমোলাই তৃতীয়টো ঢৌৰ বাবে প্ৰস্তুতি শক্তিশালী কৰি তুলিছে।

    ক’ভিড-19 ৰোগে শিশু আৰু কিশোৰসহ যিকোনো বয়সৰ লোকক প্ৰভাৱিত কৰিব পাৰে। যদিও ক’ভিড-19 সংক্ৰমণৰ দ্বাৰা শিশুসকল কম প্ৰভাৱিত হয় আৰু সংক্ৰমিত হ'লেও, হয় সেয়া লক্ষণহীন বা মৃদু লক্ষণযুক্ত হয়। ভাৰতৰ শিশুৰ মাজত কেৱল কেইটামান হে গুৰুতৰ ক’ভিড-19 ৰ ঘটনা দেখা গৈছে যাৰ বাবে চিকিৎসালয়ত ভৰ্তি হোৱাৰ প্ৰয়োজন হৈছিল।

    মানুহৰ মাজত এক ভয় বিয়পি পৰিছে যে ক’ভিড-19 ৰ তৃতীয় ঢৌৱে শিশুসকলক প্ৰভাৱিত কৰিব। অৱশ্যে, এতিয়ালৈকে এই ধাৰণাটো সমৰ্থন কৰিবৰ বাবে কোনো বৈজ্ঞানিক প্ৰমাণ পোৱা হোৱা নাই।

    প্ৰথমটো ঢৌৰ সময়ত, বৃদ্ধ লোকসকল অধিক প্ৰভাৱিত হৈছিল, দ্বিতীয়টো ঢৌৰ সময়ত, অনেক যুৱক-যুৱতী প্ৰভাৱিত হৈছে। সেয়েহে, ধাৰণা কৰা হৈছে যে, তৃতীয়টো ঢৌ আহিলে শিশুসকল অধিক প্ৰভাৱিত হ'ব। কিছু লোকৰ মাজত এইটো ভয়ো বিয়পিছে যে যিহেতু শিশুসকলক এতিয়ালৈকে টীকাকৰণ কৰা হোৱা নাই, তেওঁলোক অধিক প্ৰভাৱিত হ'ব। ভৱিষ্যতে এই পৰিস্থিতিৰ সতে মোকাবিলা কৰিবলৈ, চিকিৎসক আৰু চৰকাৰী বিষয়াসকলে ক’ভিড-19 ৰ তৃতীয়টো ঢৌৰ বাবে প্ৰস্তুতি শক্তিশালী কৰিব ধৰিছে।

    শিশুৰ ক্ষেত্ৰত ক’ভিড-19ৰ লক্ষণ
    শিশুসকলৰ বয়সৰ গোটত ক’ভিড-19-ৰ ব্যৱস্থাপনা সম্পৰ্কে স্বাস্থ্য আৰু পৰিয়াল কল্যাণ মন্ত্ৰালয়ৰ নিৰ্দেশনা অনুসৰি, শিশুৰ মাজত সংক্ৰমণৰ মুখ্য সচৰাচৰ লক্ষণসমূহ হৈছে চৰ্দি, মৃদু কাহ, জ্বৰ, শৰীৰৰ বিষ, পেটৰ বিষ, ডায়েৰিয়া, বমি, গোন্ধ বা সোৱাদ নোপোৱা হোৱা আদিৰ দৰে দুৰ্বলতা। শিশুৰ মাজত ক’ভিড-19-ৰ আগতীয়া ৰোগ নিৰ্ণয় আৰু চিকিৎসা কৰাটো গুৰুত্বপূৰ্ণ।

    শিশুটো ক’ভিড-19-ৰ দ্বাৰা সংক্ৰমিত হৈছে নেকি জানিবলৈ, শিশুটোক পৰীক্ষা কৰোৱাটো গুৰুত্বপূৰ্ণ। যদি শিশুটো পৰিয়ালৰ কোনো ক’ভিড-19 পজিটিভ ৰোগীৰ সংস্পৰ্শলৈ আহিছে বা তেওঁৰ ক’ভিড-19-ৰ লক্ষণ আছে বা জ্বৰ হৈছে যি তিনিদিনৰ অধিক সময় ধৰি অব্যাহত আছে, তেনেহ'লে চিকিৎসকৰ দ্বাৰা চিকিৎসাৰ পৰামৰ্শ লওক আৰু শিশুটোক পৰীক্ষা কৰাওক আৰু ঘৰতে পৃথককৈ ৰাখক।

    ক’ভিড-19 পজিটিভ শিশুৰ ক্ষেত্ৰত ব্যৱস্থাপনা

    যদি কোনো শিশু সংক্ৰমিত হোৱা দেখা যায়, তেন্তে পৰিয়ালৰ বাকীসকলৰ পৰা (যদি সম্ভৱ হয়) শিশুটিক পৃথক কোঠা এটাত ততালিকে পৃথক কৰি থাকিবলৈ দিব আৰু চিকিৎসাৰ পৰামৰ্শ লোৱাটো গুৰুত্বপূৰ্ণ। পৰিয়ালে কল বা ভিডিঅ' কলৰ জৰিয়তে শিশুটোৰ সৈতে সংযোগ স্থাপন কৰিব লাগে আৰু বিভিন্ন ইতিবাচক কথা পাতিব পাৰে।

    যদি মাতৃ আৰু তেওঁৰ সন্তান দুয়ো ক’ভিড-19 পজিটিভ হয়, শিশুটি মাকৰ সৈতে থাকিব পাৰে, যদিহে তেওঁলোকৰ মাক তেওঁলোকৰ যত্ন ল'ব নোৱাৰাকৈ অত্যধিক অসুস্থ নহয় বা চিকিৎসালয়ত ভৰ্তি হৈ থকা নাই। মাতৃসকলে নিজৰ কেঁচুৱাক যিমান সম্ভৱপৰ হয় স্তন্যপান কৰাই থকা উচিত। এনে এক পৰিস্থিতিত, য'ত কেৱল মাকগৰাকী ক’ভিড-19 পজিটিভ আৰু চিকিৎসালয়ত ভৰ্তি হোৱা নাই আৰু অতি ৰুগীয়া নহয়, কিন্তু শিশুটো নিগেটিভ- আৰু শিশুটিৰ বাবে আন কোনো যত্নৰ বিকল্প উপলব্ধ নহয়, মাতৃগৰাকীয়ে তেওঁৰ সন্তানৰ যত্ন ল'ব পাৰে। অৱশ্যে, এনেকুৱা কৰাৰ সময়ত তেওঁ যথাসম্ভৱ চেনিটাইজেশ্যনৰ ব্যৱস্থা গ্ৰহণ কৰি থাকিব লাগিব আৰু সঠিকভাৱে মাস্ক পিন্ধিব লাগিব।

    শিশুৰ মাজত মাল্টিচিষ্টেম ইনফ্লেমেটৰী চিণ্ড্ৰ’ম (MIS-C)4
    শিশুৰ ক্ষেত্ৰত ক’ভিড-19 ব্যৱস্থাপনাৰ বাবে স্বাস্থ্য সেৱা সঞ্চালকালয়ৰ (DGHS) নিৰ্দেশনা অনুসৰি, ক’ভিড-19 -ৰ পৰা আৰোগ্য হোৱাৰ 2 ৰ পৰা 6 সপ্তাহৰ পিছত শিশুসকলৰ ক্ষেত্ৰত মাল্টিচিষ্টেম ইনফ্লেমেটৰী চিণ্ড্ৰ’ম (MIS-C) দেখা গৈছে। শিশুৰ ক্ষেত্ৰত MIS-C-ৰ সচৰাচৰ লক্ষণবোৰ হৈছে শৰীৰৰ অংশ ফুলি যোৱা, যাৰ ভিতৰত আছে হৃদযন্ত্ৰ, হাঁওফাও, বৃক্ক, মস্তিষ্ক, ছাল, চকু, বা পাচন তন্ত্ৰ আদি। এইবোৰে জ্বৰ, পেটৰ বিষ, বমি, ডায়েৰিয়া, চোকোৰা পৰা, চকু ৰঙা পৰা, বিভ্ৰান্তি, শ্বক, বা ভাগৰ অনুভৱ কৰাৰ দৰে লক্ষণ দেখুৱাব পাৰে। MIS-C-ৰ কাৰণ অজ্ঞাত। অৱশ্যে, MIS-C থকা বহুতো শিশু আগতে ক’ভিড-19 -ৰ দ্বাৰা প্ৰভাৱিত হৈছিল। MIS-C-ৰ পৰা শিশুৰ গুৰুতৰ জটিলতাৰ আশংকা হ্ৰাস কৰিবলৈ আগতীয়া ৰোগ নিৰ্ণয় আৰু চিকিৎসাজনিত যত্ন আৰু চিকিৎসা গুৰুত্বপূৰ্ণ।

    ভাৰত আৰু অন্যান্য দেশৰ শিশুৰ বাবে ক’ভিড-19 ভেকছিন
    বৰ্তমান ভাৰতত, কেৱল প্ৰাপ্তবয়স্কসকলৰ বাবে টীকাকৰণৰ ব্যৱস্থা কৰা হৈছে। শিশু (2 বছৰৰ ওপৰত) আৰু কিশোৰৰ ক্ষেত্ৰত ক’ভেক্সিনৰ (দ্বিতীয়/তৃতীয় পৰ্যায়) নিদানিক পৰীক্ষণ প্ৰক্ৰিয়াৰ অধীনত আছে। কিছুমান দেশে ইতিমধ্যে ১২ বছৰ বা তাতকৈ অধিক বয়সৰ সৰু ল'ৰা-ছোৱালীৰ বাবে টীকাকৰণ আৰম্ভ কৰিছে। 12 ৰ পৰা 15 বছৰ বয়সৰ শিশুৰ মাজত Pfizer-BioNTech সফল নিদানিক পৰীক্ষণৰ পিছত, ভেকছিনটো 12 বছৰ বা তাতকৈ অধিক বয়সৰ সকলোৰে বাবে উপলব্ধ কৰা হৈছে।

    ক’ভিড-19 ৰোগৰ পৰা প্ৰতিৰোধ
    বৰ্তমানে, শিশুসকলক ক’ভিড-19ৰ পৰা সুৰক্ষিত কৰাৰ সৰ্বশ্ৰেষ্ঠ উপায় হৈছে তেওঁলোকে ক’ভিড-19 উপযুক্ত আচৰণ অনুসৰণ কৰাটো; যেনে শাৰীৰিক দূৰত্ব বজাই ৰখা, বয়সৰ উপযুক্ত মাস্ক পিন্ধা, চাবোনেৰে হাত ধোৱা বা এলকহল ভিত্তিক হেণ্ড ৰাব ব্যৱহাৰ কৰা। শিশুৰ ক্ষেত্ৰত ক’ভিড-19 ব্যৱস্থাপনাৰ বাবে স্বাস্থ্য সেৱা সঞ্চালকালয়ৰ (DGHS) নিৰ্দেশনা অনুসৰি, পাঁচবছৰৰ তলৰ শিশুৱে মাস্ক পিন্ধাৰ প্ৰয়োজন নাই, 6 ৰ পৰা 11 বছৰ বয়সৰ শিশুৱে পিতৃ-মাতৃৰ তত্বাৱধানত মাস্ক পিন্ধিব পাৰে আৰু 12 বছৰৰ অধিক বয়সৰ শিশুৱে মাস্ক পিন্ধিব লাগিব।

    যিকোনো ৰোগৰ সৈতে যুঁজিবলৈ ৰোগ প্ৰতিৰোধ প্ৰণালী শক্তিশালী কৰি ৰাখিবৰ বাবে পাচলি আৰু ফলসহ স্বাস্থ্যকৰ আৰু পুষ্টিকৰ খাদ্য গ্ৰহণ কৰা আৰু শৰীৰত পানীৰ পৰিমাণ বজাই ৰখাটো গুৰুত্বপূৰ্ণ। 6 মাহৰ তলৰ শিশুৰ বাবে, একচেটিয়া স্তন্যপান হৈছে তেওঁলোকৰ স্বাস্থ্যৰ বাবে সৰ্বশ্ৰেষ্ঠ পুষ্টি। স্তন্যপানৰ সৈতে পৰিপূৰক খাদ্য শিশুটিৰ 6 মাহৰ পিছত দিব পাৰি। শিশুৰ বাবে নিয়মীয়া টীকাকৰণ অব্যাহত ৰাখিব লাগে।

    শিশুৰ ক্ষেত্ৰত মানসিক স্বাস্থ্যৰ গুৰুত্ব

    ক’ভিড-19-ৰ সময়ত পিতৃ-মাতৃয়ে শিশুৰ মানসিক স্বাস্থ্যৰ যত্ন লোৱাটো খুবেই গুৰুত্বপূৰ্ণ। ক’ভিড-19-এ কেৱল শিশুৰ শাৰীৰিক স্বাস্থ্যকে প্ৰভাৱিত নকৰে, লগতে তেওঁলোকৰ মানসিক স্বাস্থ্যকো প্ৰভাৱিত কৰিব পাৰে আৰু শিশুৰ মাজত চাপ, খজুৱতি, হতাশা, উদ্বেগ আৰু অন্যান্য লক্ষণ সৃষ্টি কৰিব পাৰে। যেতিয়াই প্ৰয়োজন হয় অভিভাৱকে শিশুক নিশ্চয়তা প্ৰদান কৰি আৰু লগতে তেওঁলোকৰ সৈতে কিছু ভাললগা সময় অতিবাহিত কৰি সহায় কৰিব পাৰে। শিশুসকলক নিজৰ বন্ধু-বান্ধৱীৰ সৈতে ভাৰ্চুৱেলী সংযোগ কৰাই আৰু বিভিন্ন ইণ্ডোৰ কাৰ্যকলাপত নিয়োজিত কৰাই সহায় কৰিব পৰা যায়।

    Renuka Birgodiya,
    Coordinator, Community Investment,
    United Way Mumbai

    ৰেণুকা বিৰগোদিয়া,
    সমন্বয়ক, সামূহিক বিনিয়োগ,
    ইউনাইটেড ৱে মুম্বাই
    তথ্যসূত্র :
    1. https://www.mohfw.gov.in/pdf/ProtocolforManagementofCovid19inthePaediatricAgeGroup.pdf-
    2. https://thefederal.com/covid-19/no-basis-to-theory-that-third-wave-will-be-hard-on-teens-soumya-swaminathan/
    3. https://www.mohfw.gov.in/pdf/ProtocolforManagementofCovid19inthePaediatricAgeGroup.pdf-
    4. https://www.cdc.gov/mis-c/ and https://dghs.gov.in/WriteReadData/Orders/202106090336333932408DteGHSComprehensiveGuidelinesforManagementofCOVID-19inCHILDREN_9June2021.pdf
    5. https://covid19commission.org/commpub/preparing-for-covid-19-part-iii-planning-protocols-and-policy-guidelines-for-paediatrics
    6. https://www.cdc.gov/coronavirus/2019-ncov/vaccines/recommendations/adolescents.html
    7. https://dghs.gov.in/WriteReadData/Orders/202106090336333932408DteGHSComprehensiveGuidelinesforManagementofCOVID-19inCHILDREN_9June2021.pdf
    8. https://nimhans.ac.in/wp-content/uploads/2021/03/Taking-care-of-mental-health-of-children-and-Elderly-During-covid-19.pdf
    First published: