Election 2021: দল বাগৰা ৰাজনীতিৰ কোব! যোৱা ৫বছৰত দল সলনি কৰি নিৰ্বাচনী যুঁজত অৱতীৰ্ণ ৪৩৩ গৰাকী সাংসদ–বিধায়ক, জানক সবিশেষ
২০১৬-২০ৰ নিৰ্বাচনৰ সময়চোৱাত ১৭০ গৰাকী বিধায়কে অন্য দললৈ বাগৰিবলৈ ভাৰতীয় জাতীয় কংগ্ৰেছ ত্যাগ কৰিছিল। তাৰ বিপৰীতে মাত্ৰ ১৮ গৰাকী বিধায়কে বিজেপি ত্যাগ কৰি অন্য দলত যোগদান কৰিছিল।
২০১৬-২০ৰ নিৰ্বাচনৰ সময়চোৱাত ১৭০ গৰাকী বিধায়কে অন্য দললৈ বাগৰিবলৈ ভাৰতীয় জাতীয় কংগ্ৰেছ ত্যাগ কৰিছিল। তাৰ বিপৰীতে মাত্ৰ ১৮ গৰাকী বিধায়কে বিজেপি ত্যাগ কৰি অন্য দলত যোগদান কৰিছিল।
- News18 Assam
- Last Updated: March 12, 2021, 4:05 PM IST
- Share this:
এনেবোৰ দিশলৈ লক্ষ্য ৰাখিয়েই ৰাষ্ট্ৰীয় নিৰ্বাচন ৱাটচ আৰু এচ'চিয়েচন ফ'ৰ ডেম'ক্ৰেটিক ৰিফৰ্মচে দেশৰ ৪৩৩ সাংসদৰ শপতনামাৰ বিশ্লেষণ কৰিছে, যিয়ে বিগত ৫টা বৰ্ষত দল সলনি কৰি নিৰ্বাচনত অৱতীৰ্ণ হৈছিল।
দুয়োটা সংস্থাৰ তথ্য অনুসৰি, ২০১৬-২০ৰ নিৰ্বাচনৰ সময়চোৱাত ১৭০ গৰাকী বিধায়কে অন্য দললৈ বাগৰিবলৈ ভাৰতীয় জাতীয় কংগ্ৰেছ ত্যাগ কৰিছিল। তাৰ বিপৰীতে মাত্ৰ ১৮ গৰাকী বিধায়কে বিজেপি ত্যাগ কৰি অন্য দলত যোগদান কৰিছিল। ইয়াৰ মাজতে একে সময়তে পুনৰ নিৰ্বাচন অৱতীৰ্ণ হ'বলৈ ৪০৫ গৰাকীৰ ভিতৰত ১৮২ গৰাকী বিধায়কে অন্য দল ত্যাগ কৰি বিজেপিলৈ আহিছিল। লগতে ৩৮ গৰাকীয়ে কংগ্ৰেছত আৰু ২৫ গৰাকীয়ে তৃণমূল কংগ্ৰেছত যোগদান কৰিছিল।
অন্যহাতে ২০১৯ৰ লোকসভা নিৰ্বাচনৰ সময়ত ৫গৰাকী লোকসভা সাংসদে অন্য দল এৰি বিজেপিলৈ আহিছিল আৰু সেইসময়তে নিৰ্বাচনত ৫ গৰাকী লোকসভাৰ সাংসদে অন্য দলৰ পৰা আহি যোগদান কৰিছিল কংগ্ৰেছত।
এই পাঁচটা বছৰৰ সময়চোৱাতে দেশৰ মুঠ ৪০৫ গৰাকী বিধায়কে, ১২গৰাকী লোকসভা সাংসদে আৰু ১৬গৰাকী ৰাজ্যসভাৰ সাংসদে অৰ্থাত্ সৰ্বমুঠ ৪৩৩ গৰাকী ৰাজনীতিবিদে নিজৰ দল ত্যাগ কৰি অন্য দললৈ গমন কৰিছিল আৰু নতুন দলৰ হৈ প্ৰতিদ্বন্দ্বিতা আগবঢ়াইছিল | যদিও ইয়াৰ ২২৫গৰাকী সাংসদ আৰু বিধায়কে অন্য দলৰ হৈ নিৰ্বাচনত অৱতীৰ্ণ হৈ জয়ী হ'বলৈ সক্ষম হৈছিল।
দল বাগৰা এই সাংসদ বিধায়সকলৰ ভিতৰত ৮৬ শতাংশই হৈছে কোটিপতি। ইয়াৰে সবাতোকৈ কোটিপতি ৰাজনীতিবিদগৰাকী হৈছে কৰ্ণাটকৰ বাংগালুৰু গ্ৰাম্যৰ বিধায়ক এন নাগাৰজু | তেওঁ ২০১৯ত বিজেপি ত্যাগ কৰি কংগ্ৰেছ দলত যোগদান কৰিছিল।
